Maariqoosi 5:35 - Kafa Linguistics Project

³⁵ Yesuusi ebin getooch bi beetaa, Ayihudeenaꞌo kiceebeeti kechi ukkiroo kexoochee asheenaꞌo waaꞌi Yaaroosin “Ne bushee qititine. Amoyich Dojjechon iritii beetine?” iyeete.

Maariqoosi 5:35 ပူးပေါင်းရင်းမြစ်များ

Maatiyoosi 26:10

Yesuusiyoo hini boonoshi yibbaatoon ariiꞌi boonoshich ishichiye: “Hini ureen amoyich iritii beetote? Biyoo taach deꞌe shuunoon shuunetine.

Maatiyoosi 26:18

Arooba Yesuusi “Katemooch hamiree ikkaati kexooch ‘Dojjecho “Ta taajjee aabo shaggitone; ta dabbeenaꞌona tookki ne kexoochaa Beshee Baaroon baaremmo taane” itone’ getote” iye.

Maatiyoosi 9:18

Yesuusi ishichiꞌi gettii bi beetaa, ikke ukkiroo waaꞌi, “Ta bushee and qititine; tunebaani waaree ne kishoon bi toommooch kotiibe; bi kashoo wottemmone” ii qolleꞌi goyinnehe.

Maariqoosi 10:17

Yesuusi aroochee tiyiꞌi bi hammii beetaa, ikke uro bi waan woccii waaꞌi bi baatooch goyinneechii, “Deꞌe Dojjechocho, bulli yemeenee kashoon ta danemmoyich amoon hallibote?” iꞌi echehe.

Maariqoosi 5:22

Kiceeꞌi boonoshi beetaa, Ayihudeenaꞌo kiceebeeti kechi ukkireenaꞌo daggoochee ikkoo, Yaaroosi getteebeeto waahe. Waa Yesuusin ciinnii bi baatooch dihiꞌi,

Luqaasi 8:49

Yesuusi ebin getooch bi beetaa, ikke uro Ayihudeenaꞌo kiceebeeti kechi ukkiroo kexoochee waaꞌi Yaaroosin “Ne bushee qititine; illa Dojjechon iritiyaahine” iye.

Yowannisi 11:21

Maarittiyoo Yesuusich “Ta Doonocho, hiniich ne beeto gaata, ta manoo qitaacheshone.

Yowannisi 11:25

Yesuusiyoo “Qititinaꞌoyich kashoon imiree tiijjemmo taane. Bi mulloon ta toommooch tooꞌiibeeto bi qititaanona kashechon tunemmone;

Yowannisi 11:28

Maaritti ishichaachaa wottaꞌa kexooch giyahan. Bi manee Maariyamin ceeggaa badd wochaꞌa, “Dojjecho waatone; neen ceeggii beetone” iyan.

Yowannisi 11:32

Maariyami Yesuusi beetooch waa biin ciinnaa bi baatooch dihaꞌa, “Ta Doonocho, hiniich ne beeto gaata, ta manoo qitaacheshone” iyan.

Yowannisi 11:39

Yesuusi “Xaqqoon tiijji bayote” iye. Qititi uroochi manee Maaritti “Ta Doonocho, bi duukketo hanaach awudde qemone; and shaaꞌo qayaachemmone” iyan.

Yowannisi 5:25

Iberoon ittoshich gettoye: Qititinaꞌo Yeerichi Bushoo qaaroon boonoshi waayemmi aabo woyemmone; ebiyoo andiye; waayemminaꞌo kashoon danemminaꞌone.