Maariqoosi 5:22 - Kafa Linguistics Project

²² Kiceeꞌi boonoshi beetaa, Ayihudeenaꞌo kiceebeeti kechi ukkireenaꞌo daggoochee ikkoo, Yaaroosi getteebeeto waahe. Waa Yesuusin ciinnii bi baatooch dihiꞌi,

Maariqoosi 5:22 ပူးပေါင်းရင်းမြစ်များ

Maatiyoosi 2:11

Are kexooch giyiꞌi bi indee Maariyamina tookkii beeti gaggere bushoon beeggiyeete. Yittiꞌinoo biich goyinneheete; boonoshi saaxenoon qechiꞌi aachoon, ixaanoonaa hareboonon kichii immiyeete.

Maariqoosi 5:33

Areegaata ure woditi bi tunoon ariiꞌa shattaa qewaabee, waa bi baatooch dihaꞌa iberoo bullin gettahan.

Maariqoosi 5:38

Aroochee Ayihudeenaꞌo kiceebeeti kechi ukkiroo kexooch shaggiꞌi asheenaꞌo caagoon, eefonaa bunnoonon boonoshi meechoon ciinniye.

Luqaasi 13:14

Tunebaani Ayihudeenaꞌo kiceebeeti kechi ukkiroo, Yesuusi shambetooba ureen bi wodiitoyich ippeꞌi tiyii arooch beeti dofee asheenaꞌon “Muusichi Sheeroo ikke shabaattee daggooch shiritte qemon no shuunemmoyich daaggitone; ebi are shiritte areddee daggooch waaree ittoshi biiyoochee wodibotalli, shambetooba tuneyaachemmone” iye.

Luqaasi 5:8

Simoon Pheexiroosi ebin beeggiꞌi Yesuusichi baatooch dihiꞌi, “Ta Doonocho, tayee wohe! Axaaxecho taane” iye.

Luqaasi 8:28

Meeti aaboon are yinno tiyaa, bi kishoon sansalatoona, bi baatoonoo qoqqaannoona cuchiꞌi quyee beeheete; uroo eboshi bullin kuxxii ciichiꞌi bi toommeexi yinnoona barahooch tiishee beehe. Arooba Yesuusi uroona daneꞌi, “Hini yinnoocho, uro toommoochee tibe” iꞌi noggehe. Bekkech hini are uro Yesuusin beeggiꞌi bi baatooch dihiye. Oogichii cookiꞌi, “Beshe Nuggishoo Yeerichi bushoo Yesuuso, ta mooyooch neen amo geddiye? ‘Taan yulliyaahine’ iyaꞌa neen qollehoye” iye.

Mishiraachechinaꞌo 13:15

Muusichi Sheeroonaa keemechinaꞌo kooriti macaafoonoochee bi shemmeetoyee gubb, Ayihudeenaꞌo kiceebeeti kechi ukkireenaꞌo boonoshi waan ashoon daachiiꞌi, “No maneenaꞌote, asheenaꞌon kupphiyemmi qaaro beegaata, getote” iyeete.

Mishiraachechinaꞌo 18:17

Ebiyee gubb, asheenaꞌo bulli Ayihudeenaꞌo kiceebeeti kechi ukkiroo Sostenoosi gettee beeton nallee gabberee aafoochaa yechii yexxiyeete. Ebi mooyinaꞌon iraashoo Gaaliyoosi cir mooyooch haddaanoone.

Mishiraachechinaꞌo 18:8

Ayihudeenaꞌo kiceebeeti kechi ukkiroo Qerisiphoosi bi kechi asho bullina tookkii bi mulloon Doono Yesuusi toommooch tooꞌiihe. Wotta meeti Qorontoosi asheenaꞌo Phawuloosi gettiton waayee, boonoshi mulloon Yesuusi toommooch tooꞌiiꞌi aacona afaalleeheete.

Yaaꞌoo 22:8

Ebinoo ta waamona waayeto, ta aafoonoo beeggeto, Yowannisi taane; ta waayaa beeggehooba, ebin taach bekkiiti maraakoyich goyinneya bi baatooch baroona guufeho.