Maariqoosi 4:15 - Kafa Linguistics Project

¹⁵ Shookkii bi beetaa, gommi gashooch holliti yaroon shaahii beetinaꞌo Yeerichi qaaroon boonoshi waayemmona, bekkech Sheexaanoo waaꞌi hini are boonoshi waayeti qaaroon boonoshi mulloochee maciꞌi daammiibeeti asheenaꞌone.

Maariqoosi 4:15 ပူးပေါင်းရင်းမြစ်များ

Halloo 19:14

Looxiyoo kexoochee kechii hammiye. Bi maache bushiisheenaꞌon shaaggemmi bi naacheenaꞌoyich ishichiꞌi gettiye: “Kaate tiyi hini xaaꞌoochee keyote. Doono Yeeri hini katemoon hidi aalliiya ii beetone” iye. Tunebaani ebi boonoshich cooqqirii beeton shaahiye.

Isiyaasi 53:1

No gettaa beeton koni iberiite? Doono Yeerichi mochoo konich bekkete?

Zakaariyaasi 3:1

Bare yaaꞌoona qeeshee guudo Yaasi Yeerichi maraakoo aafooch neexeꞌi bi beetaa Doono Yeeri taach bekkiihe. Sheexaanoo Yaasin taggeya bi qanne badd neexeꞌi beehe.

Maatiyoosi 13:19

Yeerichi taatittinee qaaroon waayeꞌi shalligaano bulli toommooch gondoochi nihoo woyemmone; boonoshi mullooch shookketi qaaroon maciree daammemmone; eboshi gommi gashooch holliti yaroomminaꞌone.

Maatiyoosi 22:5

“Hammii boonoshi getaa, ceekkeetinaꞌo gaaroon qallayiꞌi ikkoo bi goyooch, baroo bi giixooch hammiye.

Maatiyoosi 4:10

Arooba Yesuusi daabiloosin “Hini Sheexaanoocho! Ta aafoochee wohe! ‘Doono Yeerich goyinnebe; biich baach maddebe’ getaa Yaafe Macaafooch kooreetone” iye.

Maariqoosi 4:14

Yaree shookkecho Yeerichi qaaroon shookkiye.

Maariqoosi 4:16

Wotta maacaa xaqqechi showooch holliti yaroon shaahii beetinaꞌo Yeerichi qaaroon waayeꞌi emiriibee bekkech iberiitinaꞌone.

Maariqoosi 4:4

Shookkii bi beetaa, ikkikkoo gommi gashooch holliye; aroon kafeenaꞌo waa maciꞌi maaheete.

Luqaasi 8:12

Gommi gashooch holliti yaroomminaꞌo geto, Yeerichi qaaroon boonoshi waayetoyee gubb daabiloosi waaꞌi, mulloon Yeeri toommooch tooꞌiiree boonoshi wodaachemmoyich, are boonoshi waayeti qaaroon boonoshi mulloochee maciꞌi bi daammiti asheenaꞌo getone.

Mishiraachechinaꞌo 17:32

Phawuloosi “Qititinaꞌo tiyemminaꞌone” iꞌi bi getaa, waayetinaꞌo daggoochee qatinaꞌo cooneheete; wotta qatinaꞌo “Hini mooyon wochiree ne getaa waayebone” iyeete.

Mishiraachechinaꞌo 5:3

Tunetaa Pheexiroosi ishichiye: “Hanaano, Yaafe Ayaanoyich kootiree showoon ne kemmeti gijjoochee ne qellich ne echiyemmoyich Sheexaanoon ne mullooch aakka giijjinne?

2 Qorontoosi 2:11

Ebin ta tuniibeeto, Sheexaanoo noon bi dawushaachemmoyichiye; bi gabiibeeti gonde gaboon tuushaano noone.

2 Tasaloonqi 2:9

Ebi hukkechi uro bi woyemmo, Sheexaanoochi shuunoommon baribare giidoona koote worganikkiti malletoonaa gaakkechi shuunoonon shuunoonane.

Hibireena'o 12:16

ittoshi daggooch yahiibeeti asho bi daneyaachemmoyich woyee ikke wottoon bi maayemmi maayoyicha iꞌi bi qaabbittinoon kemmiti Esayichoommon, yaafe mooyinaꞌon qallayemmi asho bi daneyaachemmoyich, ittoshi qelloon ariibot!

Hibireena'o 2:1

Ebich no waayeti mooyoochee muriciree no dihaachemmoyich, no waayeti mooyoyich beshoon no qelloon quyo nooch qaawiihe.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.

Yaaꞌoo 20:7

Hume nato ciiremmona, Sheexaanoo bi cuchetoochee biicheyemmone.