Maariqoosi 4:11 - Kafa Linguistics Project

^11-12 Yesuusiyoo boonoshich ishichiye: “Yeeri bi taatittinee maacee mooyon ittoshich arichiitone; tunetaa bareenaꞌoyich bulli mooyo shaahiyoona bi getteebeeto, ‘Ciinibee boonoshi beegaachemmoyich, waayebee boonoshi shalligaachemmoyich, Yeer waan boonoshi wotteyaachemmoyich, boonoshi axaaxoo bi maareyaachemmoyichiye’” iye.

Maariqoosi 4:11 ပူးပေါင်းရင်းမြစ်များ

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Maatiyoosi 13:16

“Tunetaa ittoshi aafo ciinnii bi beetoyich, ittoshi waamoo waayee bi beetoyich, diireeto ittoshine.

Maatiyoosi 16:17

Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.

Maariqoosi 3:23

Ebich Yesuusi boonoshin bi waan ceeggiꞌi shaahiyoona ishichiye: “Sheexaanoo Sheexaanoon aabichiꞌi yoohon hakkehe?

Maariqoosi 4:10

Yesuusi asheenaꞌo waanee barimmona aaraa gutte bi dabbeenaꞌonaa bi guudoona beeti bare asheenaꞌona ebi shaahiyeechon biin echeheete.

Maariqoosi 4:2

meeti mooyon shaahiyoona dojjiye. Arichiibee ishichiye:

Luqaasi 8:10

Yesuusiyoo ishichiye: “Yeeri bi taatittinee maacee mooyon ittoshich arichiitone; tunebaani bareenaꞌoyich bulli mooyo bi getteebeeto shaahiyoonane. Ebiyoo, ciinibee boonoshi beegaachemmoyich, waayebee boonoshi shalligaachemmoyichiye” iye.

1 Qorontoosi 4:7

Haano, bareenaꞌoyee besho neen tuniito, konine? Yeeri neech imaanee mooyo amo beete? Illa Yeeri neech immito bi tunegaata, amoyichiye Yeer waanee ne daneyaani wojjoon tuniiꞌa geecaabee ne naadee beeto?

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Efesooni 1:9

bi gabiton Kiristoos waanaa tuniiya bi shunnitoommon tuniihe; ebiyee aafoo asho ariyaani bi daaggoon nooch arichiitone.

Qolaasiyaasi 4:5

Yeeri ittoshich immiibeeti gommo bullina Kiristoosichon miixebee Kiristoosi toommooch mulloon tooꞌiyaani asheenaꞌo daggooch ariyoona shaꞌebote.

1 Tasaloonqi 4:12

Ebin ittoshi tuniigaata, Kiristoosi toommooch mulloon tooꞌiyaani asheenaꞌo aafooch naadeeto tunemmo ittoshine; ittoshichoo qaawiibeeti amee mooyoyichona bare ashoona degeyaachemmo ittoshine.

1 Ximootiyoosi 3:7

Wotta gonde mooyona oonneeree daabiloosi shaachiti ollooch bi yecheyaachemmoyich, Kiristoosi toommooch mulloon tooꞌiyaani asheenaꞌo waanaa gaawe mooyona naadeeto tunebe.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.