Maariqoosi 2:5 - Kafa Linguistics Project

⁵ Yesuusiyoo bi toommooch mulloon boonoshi tooꞌiyoon beeggiꞌi, ashittino qititi uroon “Ta bushoocho, ne axaaxoo maareetone” iye.

Maariqoosi 2:5 ပူးပေါင်းရင်းမြစ်များ

Halloo 22:12

Maraakoo “Bushoochi achooch shaggaahine. Bi toommooch amoonolla halliyaahine. Ne bushoon, ikke mixxe ne bushoon, taach woonaano ne tunetoyich, Yeerin shattaabeeto ne tunoon and ariito taane” iye.

Shoddo 103:3

Ne axaaxoo bullin maariibeeto ne biiyo bullin wodiibeeto,

Isiyaasi 38:17

Ebiyoche oogichaa ta caammo taach gaacoon tunehe; newoo ta kasheen aallee oppoochee wochihine; ta axaaxoo bullin ne gubb duppehine.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Maatiyoosi 9:2

Arooba bi ashittino qititi ikke uroon shaaꞌoona shaaggiꞌi bi waan deebiyeete. Yesuusiyoo bi toommooch mulloon boonoshi tooꞌiyoon beeggiꞌi, bi ashittino qititi uroon “Ta bushoochoo, kupphebe; ne axaaxoo maareetone” iye.

Maatiyoosi 9:22

Yesuusiyoo guuddii wottee ciinniꞌi tiyii, “Ta busheene, kupphebe! Ta toommooch ne mulloon ne tooꞌiyoo neen wodiitone” iye. Ureyoo bekkech wodiyan.

Maatiyoosi 9:5

‘Ne axaaxoo maareetone’ getonaa ‘Tiyiree hambe’ getonoochee kettoo aabine?

Maariqoosi 2:6

Areegaata Muusichi Sheeree dojjechinaꞌo daggoochee ikkikkeenaꞌo arooch koteꞌi beeheete; boonoshiyoo boonoshi mulloona

Maariqoosi 5:34

Yesuusi wochiꞌi, “Ta busheene, ta toommooch mulloon ne tooꞌiyoo neen wodiitone. Diggoona hambe; biiyaꞌa ne shooddoochee kashebe” iye.

Luqaasi 5:20

Ebich Yesuusi bi toommooch mulloon boonoshi tooꞌiyoon beeggiꞌi, “Hini uroocho, ne axaaxoo maareetone” iye.

Luqaasi 8:48

Biyoo “Ta busheene, ta toommooch mulloon ne tooꞌiyoo neen wodiitone; diggoona hambe” iye.

Yowannisi 2:25

Biyoo bi qelloona ashi mullooch beeti mooyon bi arii beetoyich, ashi mooyon biich ashi miixo amolla qaawiyaanoone.

Yowannisi 5:14

Ebiyee gubb, Yesuusi uroon yaafee kexoochaa daneꞌi, “And wodito neene; ebiyee beshe mooyo ne toommooch bi waataachemmoyich, ebiyee bekk axaaxoon shuuneyaahine” iye.

Mishiraachechinaꞌo 11:23

Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye.

Mishiraachechinaꞌo 14:9

Hini uro Phawuloosi yibbaatoon koteꞌi ellee beehe. Phawuloosi biin manjii ciinnii, wodoyich mulloon Yeeri toommooch tooꞌiito bi tunoon beeggiꞌi,

Mishiraachechinaꞌo 5:31

Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

1 Qorontoosi 11:30

Ebichi naboona ittoshi daggoochee meetinaꞌo biiyeꞌi niretinaꞌone; ikkikkeenaꞌoo qititinaꞌone.

2 Qorontoosi 2:10

Illa ittoshi maariti ashoon tawoo wotta maarito taane; ta maaremmi mooyo amolla bi beegaata, ittoshicha iyaꞌa Kiristoosi aafooch maarito taane.

Efesooni 2:8

Bi toommooch ittoshi mullee tooꞌiyoona Yeeri bi wojjoona ittoshin wodiitone; ebiyoo bi immiti wojjoonalli ittoshi shuunoona toonoone;

Qolaasiyaasi 3:13

Ittoshinaa ittoshina ikkoochi mooyon baroo haaꞌiibe; koniyoona bi manoo toommooch bi qoonniti mooyo beegaata, maaribote. Doono ittoshin bi maaritoommon ittoshiyoo wotta ebiyoommon maaribote.

Yaaqobi 5:15

Ebiyoommi mullee tooꞌiyoona giddeti corooto biiyeton wodiyemmone; Doono Yeeriyoo bi biiyoochee biin wodiyemmone; axaaxoon shuuneto bi tunegaatoo, biin maaremmone.