Maariqoosi 2:26 - Kafa Linguistics Project

²⁶ Abiyataari qeeshee guudo tuneꞌi bi beetaa, Daawiti Yeerichi kexooch giyiꞌi, qeesheenaꞌoyee damba bare asho maataachemmoyich Muusichi Sheeroo bajjiti yaaree koshon tiijjiꞌi maahe; biinna tookkii beetinaꞌoyichoo wotta aroochee immiye” iꞌi gettiye.

Maariqoosi 2:26 ပူးပေါင်းရင်းမြစ်များ

2 Saameeli 15:24

Qeesheenaꞌo tuneti Sadooqinaa Abiyataarina wotta arooch beetinaꞌone. Lewi yoodoochee ikkikkeenaꞌo Yeerichi wogee taabootoon shaaggiꞌi arooch beetinaꞌone. Boonoshiyoo Yeerichi taabootoon kindii kotiiheete; asheenaꞌo bulli katemoochee kechii boonoshi ciiremmi wottoon, wochinnoon tiijjaaneenaꞌone.

2 Saameeli 15:29

Ebich Sadooqinaa Abiyataarina Yeerichi taabootoon Yerusaalem wochiyeete; boonoshiyoo arooch koteheete.

2 Saameeli 15:35

Qeesheenaꞌo Sadooqinaa Abiyataarina arooch neenna tookki tunemminaꞌone. Taatoo kexoochee ne waayemmi amee mooyonona, boonoshich gete.

2 Saameeli 20:25

Sheewi, taatoochi koorechone; Sadooqinaa Abiyataarina qeesheenaꞌone.

2 Saameeli 8:17

Ebiyoommon wotta Akixuubi bushoo Sadooqinaa Abiyataari bushoo Ahimeleekina qeesheenaꞌone. Seraayiyoo taatoochi koorechone.

1 Taateenaꞌo 1:7

Adoniyaasi Tseruuyichi bushoo Yoꞌaabinaa qeeshoo Abiyataarina tookkii koceehe. Boonoshiyoo Adoniyaasin dabbiꞌi biin gaacheheete.

1 Taateenaꞌo 2:22

Taatoo Solomooniyoo bi indeyich ishichiye: “Amoyich Shuneemee ashe Abishagin baach Adoniyaasich echenne? Ta qaabbe manoo bi tunetoyich, taatittinoonoo biich echebani am! Biich baach tuneyaanoon, qeeshoo Abiyataarinaa Tseruuyi bushoo Yoꞌaabinoyichoo ebiyoommon echebe!” iye.

1 Taateenaꞌo 4:4

Yoyaadi bushoo Beenayi ginee iraashoone; Sadooqinaa Abiyataarina qeesheenaꞌone;

1 Kiinoo 24:6

Lewee asho, Netaaneli bushoo koorechi Shemayaahi, taatoo aafoochaa, iraasheenaꞌo, qeeshoo Sadooqinaa Abiyataari bushoo Ahimeleekina aafoochaa, wottoo qeesheenaꞌonaa Lewee yoodee yaree ukkireenaꞌo aafoochaa boonoshi shigoon kooriye. Bi kooritoo ikke yaroon Elazaarichoochee baroon wotta Itamaarichoochee ixoona tiijjiibeeniye.

Maatiyoosi 12:4

Yeerichi kexooch giyiꞌi qeesheenaꞌoyichalli boonoshich daaggeyaani yaaree koshon biinnaa biinna tookkii beetinaꞌona maatinaꞌone.

Maariqoosi 2:25

Yesuusiyoo “Daawitinaa biinna tookkii beetinaꞌona shaaceꞌi iriteetaa, Daawiti aabichii bi ito gaata shemmeyaachote?

1 Saameeli 21:1

Aroochee Daawiti qeeshoo Ahimeleeki beeti, Noob hammiye. Ahimeleekiyoo qeweebee Daawitina daneya kechiꞌi, “Asho neenna tookkii aalloon amoyich ne ikkeeton waanne?” iye.

1 Saameeli 23:6

Ahimeleeki bushoo Abiyataari muricciꞌi Daawit waan Qeꞌila bi hamiyooba, efoodoon yechiꞌiniye bi hammito.

1 Saameeli 23:9

Daawitiyoo Saaꞌooli gondoon bi toommooch bi gaboon ariihe. Biyoo qeeshoo Abiyataarin “Eke efoodoon taach deebe” iye.