Maariqoosi 2:16 - Kafa Linguistics Project

¹⁶ Arooba Muusichi Sheeree dojjechinaꞌonaa Fariseenaꞌona Yesuusi gabiyee guudeenaꞌonaa axaaxechinaꞌona tookkii maa bi beetaa beeggiꞌi, bi dabbeenaꞌon “Gabiyee guudeenaꞌonaa axaaxechinaꞌona tookkii amoyichiye maa uchii bi beeto?” iꞌi echeheete.

Maariqoosi 2:16 ပူးပေါင်းရင်းမြစ်များ

Isiyaasi 65:5

Boonoshiyoo bareenaꞌon, ‘No, yaafoo no tunetoyich, no waan giddeyaahote’ ii beetinaꞌone. Eboshi ta muddooch cufoomminaꞌone; heeyo bullin aaxxeebeeti qaaqqoomminaꞌone.

Maatiyoosi 18:17

Boonoshi getaa waayo bi qayigaata, kittinnee guuphoyich gete. Wotta kittinnee guupho getaa waayo bi qayigaata, Aagetoonaa gabiyee guudoonon tuniiree ciine.

Maatiyoosi 5:46

Ittoshin shunnii beetinaꞌon baach ittoshi shunigaata, Yeer waanee amee wojjoon danehote? Gabiyee guudeenaꞌo ebin tuniyaacheete?

Maatiyoosi 9:11

Ikkikke Fariseenaꞌo ebin beeggiꞌi bi dabbeenaꞌon “Ittoshi dojjecho gabiyee guudeenaꞌonaa axaaxechinaꞌona tookkii ikkooch bi maabeeto amoyichiye?” iꞌi echeheete.

Maariqoosi 2:15

Aroyee gubb Yesuusi Lewi kexoochaa maayoon maa bi beetaa, meeti gabiyee guudeenaꞌonaa axaaxechinaꞌona biinnaa bi dabbeenaꞌona tookkii maa beeheete; eboshi daggoochee biin dabbitinaꞌo meetinaꞌone.

Maariqoosi 2:7

“Hini uro amoyich ishichiꞌi gettiye? Ebi Yeerin naagone. Ikke Yeeriyee damba ashi axaaxoon maaroon hakkemmo konine?” iꞌi gabiyeete.

Luqaasi 18:11

Hini are Farisoo yaafee kexooch neexeechii ishichiꞌi bi mulloona corootiye: ‘Yeero, bare asho bullichoommon, boggecho, xumme moochechonaa shunimaayoona woyee hini gabiyee guudoommonolla tuno ta qajjetoyich, neen galletehoye.

Luqaasi 19:10

Ashi Bushoo bi waato, aalleton qaawoonaa wodiyoonoyichiye” iye.

Luqaasi 19:7

Arooba are asheenaꞌo bulli beeggiꞌi, “Axaaxecho kexooch iibbiitaa giyitone” iꞌi guruuxiyeete.

Luqaasi 5:30

Ebich Fariseenaꞌonaa boonoshi guuphinaꞌo tuneti Muusichi Sheeree dojjechinaꞌona “Amoyichiye gabiyee guudeenaꞌonaa axaaxechinaꞌona tookkiꞌi maa uchii ittoshi beeto?” iꞌi Yesuusichi dabbeenaꞌo toommooch guruuxeeheete.

Mishiraachechinaꞌo 23:9

Oogeti cookoo tunehe; Fariseenaꞌo waanee tuneti Muusichi Sheeree dojjechinaꞌo “Hini uro toommoochee no daneti gonde mooyo aalloone; ayaano woyee maraakoo biich gettito tunemmone; no amoon ariihone?” iꞌi gajjiteeheete.

1 Qorontoosi 2:15

Yaafe Ayaano bi toommooch beeti asho mooyo bullin maqqiꞌi ariyoon hakkiye; tunetaa koniyoona ebi are uroochi mooyon maqqiꞌi ariyoon hakkaache.

Hibireena'o 12:3

Ittoshi qelloona taahiree gubb ittoshi echeyaachemmoyich, axaaxechinaꞌo bi toommooch deebiti ebi shaahe xuuxoon bi haaꞌiyoon gabibote.