Maariqoosi 15:43 - Kafa Linguistics Project

⁴³ Ayihudeenaꞌo oogiibeeti nallecho tuneti Arimaatechi Yooseefi waahe. Biyoo wotta woyemmi Yeerichi taatittineen quyeebeeti uroone. Aroo aafoon kuppheꞌi Phelaaxoosi aafooch giddeꞌi, “Yesuusichi cahoon taach imbe” iꞌi qollehe.

Maariqoosi 15:43 ပူးပေါင်းရင်းမြစ်များ

Maatiyoosi 19:30

Tunebaani shiichitinaꞌo getteeti meetinaꞌo gubbemminaꞌone; gubbetinaꞌo getteeti meetinaꞌo shiichemminaꞌone” iye.

Maatiyoosi 20:16

“Ebiyoommon gubbetinaꞌo getteetinaꞌo shiichemminaꞌone; shiichitinaꞌo getteetinaꞌo gubbemminaꞌone” iye.

Maatiyoosi 27:57

Aroochee womikkoo wottetaa, Yooseefi getteebeeti gaannechi uro Arimaati katemoochee waahe; biyoo wotta Yesuusichi dabboone.

Maariqoosi 14:54

Arooba Pheexiroosi qeeshee guudoochi kibbooch beddaahaa wokkiibee Yesuusin dabbiye. Hammii uxeree maac giyii kellechinaꞌona tookkii koteꞌi qaaqqoon kachii beehe.

Maariqoosi 15:44

Phelaaxoosi “Yesuusi aabi goora kaatee qitiye?” iꞌi worganehe. Ebich masqalee ciinooch neexeti balle ginee iraashoon ceekkiiꞌi, “Yesuusichi kasho kechii yagite?” iꞌi echehe.

Luqaasi 2:25

Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.

Luqaasi 2:38

Bekkech areegaata Yooseefinaa Maariyamina waan waaꞌa Yeerin galletahan; aroochee Yeeri Yerusaalem beeti asheenaꞌon xuuxoochee biisheree bi wodiyemmi aaboon quyee beetinaꞌo bullich are gaggere bushoochi mooyon gettahan.

Luqaasi 23:50

Arooba Ayihudee nallechinaꞌochi daggeexi ikkoo, Yooseefi getteebeeti deꞌe cadiqe uro beehe.

Luqaasi 23:51

Are uro nallechinaꞌochi koceyoonaa boonoshi shuunoonooch bacceyaani ashoone; biyoo Arimaati getteebeeti Ayihudeenaꞌochi katemeexi ashoone; aroo Yeerichi taatittinoon quyeebeeti uroone.

Yowannisi 19:38

Ebiyee gubb, Ayihudee ukkireenaꞌon bi shattitoyich aashoona Yesuusichi dabboo tuneti Arimaatechi Yooseefi Yesuusichi cahoon daamma Phelaaxoosin qollehe; Phelaaxoosiyoo Yooseefich daaggiye. Ebich Yesuusichi cahoon hammii kindiiꞌi daammiye.

Mishiraachechinaꞌo 13:50

Tunetaa Ayihudeenaꞌo “Yeerich qeyehone” ii beeti gaannechi genneenaꞌonaa katemeexi ogooge asheenaꞌonon kocciꞌi, Phawuloosinaa Barnabaasinochi toommooch kaaroon tiijjiꞌi, boonoshi showoochee kichiyeete.

Mishiraachechinaꞌo 17:12

Ebich boonoshi waanee meetinaꞌo boonoshi mulloon Yesuusi toommooch tooꞌiiheete; wotta Giriikeenaꞌo daggoochee aricheti meeti genneenaꞌonaa anaaminaꞌona boonoshi mulloon Yesuusi toommooch tooꞌiiheete.

Filipphisiyoosi 1:14

Kittinnoo tuneti maneenaꞌo daggoochee meetinaꞌo ta cucheyee naboona beshoon Doono Yeerin gibenetinaꞌone; shataanoonoo Yeerichi qaaroon getoyich aafichoyee beshoon aafoon kupphee beetinaꞌone.