Maariqoosi 15:21 - Kafa Linguistics Project

²¹ Hammii boonoshi beetaa, Iskindiroosinaa Rofoosinochi nihoo Qerenechi Simooni goyechi gafoochee waa beshee bi beetaa daneꞌi, “Masqaloon shaage” iꞌi yechiyeete.

Maariqoosi 15:21 ပူးပေါင်းရင်းမြစ်များ

Maatiyoosi 27:32

Yerusaalemee kechiꞌi Simooni getteebeeti Qerenechi uroona daneheete; biinoo “Yesuusichi masqaloon shaage” iꞌi yechiyeete.

Maatiyoosi 5:41

Wotta ginechinaꞌo daggoochee ikkoo ‘Ikke kiilo meetiree wottoon ta qiicoon shaage’ iꞌi neen bi yeshigaata, hachee ikkoon daakkiree hambe.

Maariqoosi 15:20

Eechiꞌi boonoshi coonetoyee gubb, boonoshi tajjiti damere tahoon shoottiichii, biichon tajjiꞌi yoodoyich daammiyeete.

Luqaasi 14:27

Bi masqaloon shaaggiꞌi taan dabbaani asho koniyoona ta dabboo tunoon hakkaache.

Luqaasi 23:26

Yesuusin daammii boonoshi beetaa, Qerenechi Simooni goyechi gafoochee Yerusaalem waa bi beetaa daneꞌi, Yesuusichi masqaloon shaagiree bi hillooch bi dabbemmoyich tuniiheete.

Yowannisi 19:17

Aroochee Yesuusin yechiꞌi daammiyeete; bi yooddeyemmi masqaloon shaaggii katemoochee kechiꞌi Qellee Koofee Xaaꞌoo woyee Hibiree noonoona Golgooti gettee beetooch shaggiye.

Mishiraachechinaꞌo 11:20

Tunetaa boonoshi daggoochee Qoophiroosee showoonaa Qereni katemoonoochee waati ikkikkeenaꞌo Antsooka hammiꞌi, Doono Yesuusichi mishiraachee qaaroon Aageteenaꞌoyich wotta gettiyeete.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

Mishiraachechinaꞌo 2:10

Firigee, Fenfulee, Gibitsee, Qereni gafee gaꞌooch beeti Liibiyee waati no, Roomee waati iibbe Ayihudo noonnaa Ayihudeenaꞌo waan wotteti noonna, Qerixeesee, Arabee showoocheenoo waati no, Yeeri shuuneti gaakkechi shuunoon no showi showee noonoona boonoshi yibbaatetaa waayaabeeto noone” iyeete.

Mishiraachechinaꞌo 6:9

Arooba Qereni katemoonaa Iskindiri katemoonoochee, Kiliqee showoonaa Isiyee showoonoochee waati Ayihudeenaꞌo Guuchittinoochee Kechiti Ayihudeenaꞌo Kiceebeeti Kexo getteebeeti kexooch kicee beeheete. Eboshi daggoochee ikkikkeenaꞌo tiyiꞌi Isxifanoosina tookkii taggeheete.

Roomi 16:13

Doono Yesuusina kaacheti Rofoosich, bi hajjee bushoon tuniiꞌa taan deggeti bi indeyichoo ta diggiyoon getote.