Maariqoosi 14:55 - Kafa Linguistics Project

⁵⁵ Arooba qeeshee ukkireenaꞌonaa kaacheti Ayihudee nallechinaꞌo bullina Yesuusin wuxiiya bi toommooch miixemmon qaawiyeete; tunetaa daneyaaneenaꞌone.

Maariqoosi 14:55 ပူးပေါင်းရင်းမြစ်များ

1 Taateenaꞌo 21:10

Gutte gaacaalli asheenaꞌon bi ciinooch ittoshi kotiitaa, ‘Yeerinaa taatoonon naaggitone’ geti bi toommooch miixebeete. Ebiyee gubb, biin katemoyee maach kichiree, xaqqoona yexi wuxibote” iyan.

1 Taateenaꞌo 21:13

Gutte gaacaalli asheenaꞌoo waaꞌi bi ciinooch koteheete. Ebi gaacaalli asheenaꞌo, asheenaꞌo aafoochaa, “Nabooti Yeerinaa taatoonon naaggitone” iꞌi bi toommooch miixeheete. Ebich asheenaꞌo biin katemoyee maach kichiꞌi, xaqqoona yexxii wuxiyeete.

Shoddo 27:12

Koote asheenaꞌo miichoona ta toommooch boonoshi tiyitoyich, ta etteenaꞌochi qaatooch taan beshii immaahine.

Shoddo 35:11

Gonde asheenaꞌo ta toommooch miixeheete; ta ariyaani mooyon taan echeheete.

Daaneeli 6:4

Ebich ebi iraasheenaꞌo Daaneeli shuuneebeeti taatee kexeexi shuunoochee muricoon daneree biin taggeya qaawiyeete; tunebaani Daaneeli gibeneeto, muricoon woyee shappe mooyon tuniyaani asho bi tunetoyich, biin boonoshi taggemmi mooyon mucceheete.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Maariqoosi 14:56

Ebiyoo meetinaꞌo bi toommooch boonoshi miixeti mooyo kooto bi tunetoyichiye. Boonoshi miixeti miixee qaaro ikkotteyaanoone.

Yowannisi 18:19

Qeeshee guudo Yesuusin bi dojjeechonaa bi dabbeenaꞌochonon echehe.

Yowannisi 18:21

Illa amoyichiye taan ne echaabeeto? Boonoshich ta gettaa beetaa waayeti asheenaꞌon echebe; boonoshich ta getteton arii beetinaꞌone” iye.