Maariqoosi 14:5 - Kafa Linguistics Project

⁵ Ebi shitto keejje balle diinaaroyee beshe gatiyoona kemaa girechinaꞌoyich amoyich icheyaache?” iꞌi boonoshinaa boonoshina yibbaateheete; ureenoo kaareheete.

Maariqoosi 14:5 ပူးပေါင်းရင်းမြစ်များ

Shoddo 106:25

Boonoshi duukkaani duukkaanoochaa guruuxiyeete; Doono Yeerichi qaaroon waayemmon qajjiyeete.

Maatiyoosi 18:28

“Tunebaani are uro kechii hammiibee, bi waanee balle diinaaroon eretteti ikke bi nuuchoona daneꞌi, ‘Ta hiishoon qoce’ iꞌi bi qettoona yechiye.

Maatiyoosi 20:11

Boonoshi deqqitoyee gubb ‘Hini gubb waatinaꞌo ikke saato baach shuuneheete; no heeyi xumoon aabee sheelloona miccaabee maraataa heecheti noonna deebaa tachinne?’ iꞌi woyinee doono toommooch guruuxeeheete.

Maatiyoosi 26:9

Ebi shitto aaxxe gatiyoona kemaa girechinaꞌoyich amoyich icheyaache?” iyeete.

Maariqoosi 14:4

Arooch beeti asheenaꞌo daggoochee ikkikkeenaꞌo ippeꞌi, “Hini shittoon cikkii bi duubiibeeto amoyichiye?

Maariqoosi 14:6

Tunetaa Yesuusi ishichiye: “Qayote! Hini ureen amoyich iritii beetote? Biyoo taach deꞌe shuunoon shuunetine.

Luqaasi 15:2

Arooba Fariseenaꞌonaa Muusichi Sheeree dojjechinaꞌona “Hini uro axaaxechinaꞌon bi waan katichii beete; boonoshina tookkiinoo maabeete” iꞌi boonoshinaa boonoshina guruuxeeheete.

Yowannisi 13:29

Yihudi koolla yesho bi tunetoyich, ikkikkeenaꞌo Yesuusi “Baaroyich qaawiimmon kemebe” woyee “Girechinaꞌoyich ikke mooyon imbe” ito boonoshich shaahiye.

Yowannisi 6:43

Yesuusi boonoshich ishichiye: “Ittoshinaa ittoshina guruuxiyaahote.

Yowannisi 6:7

Filipphoosi “Boonoshi qelli qelloona giishi giishecheenolla boonoshi maagaata, gutte balle diinaaroona kosho kemetaa boonoshich bedaache” iꞌi wochiye.

1 Qorontoosi 10:10

Boonoshichoommon guruuxaayone; boonoshi daggoochee ikkikkeenaꞌo guruuxaa, aalliyecho kindiꞌi boonoshin aalliitone.

Efesooni 4:28

Gaajjiibee echeto ebiyee bekk gaajjaaye; ebi aree qoodoon iriteetoyich qoodi bi immemmo biich beeyemmoyich, bi hajjee kishoona gaaweton aayi shuunebe.

Yibbaatoo 1:27

Ittoshi duukkaanooch koteechii guruuxiibee ishichiyote: ‘Doono Yeeri noon shixxitone. Gibitsee kichii noon bi deebito, Amooreenaꞌo kishooch beshii imiree noon aalliyane.

Filipphisiyoosi 2:14

Gondoonaa xummoona tuneti shiijjeree daggooch oonaalli, bachaalli xalle Yeerichi bushiishoo ittoshi tunemmoyich, guruuxaanoon, hayeyaanoon bulli mooyon tuniibote. Kashoon immiibeeti Yeerichi qaaroon boonoshi daggooch getibee hini alemooch xojjenoochoommon bekkemmo ittoshine. Ebich ta woconaa ta aayona duubo bi tunee qayo Kiristoosi wotteꞌi bi waahooba taach geecoo tunemmone.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.