Maariqoosi 13:31 - Kafa Linguistics Project

³¹ Showoonaa shimaayoona beshemmone; tunebaani ta qaaro besheyaachemmone” iye.

Maariqoosi 13:31 ပူးပေါင်းရင်းမြစ်များ

2 Taateenaꞌo 15:12

Doono Yeeri Yehich, “Ne yareenaꞌo awudde shiijjerooch beddaahaa, Israꞌeelee taatee qeenooch kotemminaꞌone” iꞌi bi gettito, ebina ceenniye.

Shoddo 19:7

Doono Yeerichi sheeroo ceenoone; kashoon andiriihe; Doono Yeerichi sheeroo gibeneetone; tuushoon ariyecho tuniihe.

Isiyaasi 40:8

Mocoo shoolliye; mocee bungoo oojjiye; tunebaani no Nuggishoochi qaaro bulli yemeenoon manjiree beeyemmone” iye.

Isiyaasi 51:6

Ittoshi aafoon kaachiree shimaayooch ciinote; dugilla showoochoo ciinote. Shimaayoo cufoochoommon naayi aallemmone; showoo qoreddoochoommon geenemmone; arooch beetinaꞌoo mattoochoommon qiti ciiremminaꞌone; tunebaani ta wodiyoo bulli yemeeneechone; ta wodiyoyich ciiro aalloone.

Zakaariyaasi 1:6

Ittoshi qaabbechinaꞌo ta maddechinaꞌo tuneti keemechinaꞌona ta getteti ta qaaroonaa ta qociyoonon quyo boonoshi qajjitoyich sheereetinaꞌone. “Boonoshiyoo boonoshi shuuneti gondoyich ayiniꞌi, ‘Beshe Mawe Doono Yeeri tuniiya bi gabitoommon, no gommoommonaa no shuunoommonon no toommooch bi tuniyoo tatoone’ itinaꞌone” iye.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.

Maatiyoosi 5:18

Iberoon ittoshich gettoye: Showoonaa shimaayoona beshemmi wottoon Muusichi Sheeroo bulli ceenaanoon nappeyoommi mooyiyolla showooch hollaachemmine.

Maariqoosi 13:30

Iberoon ittoshich gettoye: Hini mooyinaꞌo bulli tuneyaanoon hini shiijjeroo besheyaachemmone.

Maariqoosi 13:32

“Tunetaa are aaboonaa are saatoonon Nihoo Yeeriyee damba ariibeeto aalloone. Shimaajji maraakeenaꞌo tunebeeta, Yeerichi Bushoo tuneba ariibeeto aalloone.

Luqaasi 21:33

Showoonaa shimaayoona beshemmone; tunebaani ta qaaro besheyaachemmone” iye.

2 Ximootiyoosi 2:13

Gibeneeto tuno no qayigaata, bi qelloon nookkeyaachemmo bi tunetoyich, bi gibeneeto tuneree beeyemmone” getteeti yibbaatoo iberoone.

Titoosi 1:2

Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.