Maariqoosi 12:29 - Kafa Linguistics Project

²⁹ Yesuusi wochiꞌi ishichiye: “Bulliyee beshe sheeroo ‘Israꞌeeleenaꞌote, waayebote! Yeeri no Nuggishoo ikke Nuggishoone.

Maariqoosi 12:29 ပူးပေါင်းရင်းမြစ်များ

Shoddo 86:10

Ebiyoo oogoo ne tunetoyich, worganeeti mooyonoo ne tuniitoyichiye; ne ikkeeto baach Nuggishoo neene.

Shaahiyoo 23:26

Ta bushoocho, gaawichi ellebe; ne aafeenaꞌo ta gommon ciineete.

Maatiyoosi 10:37

“Tayee beshiiꞌi bi nihoon woyee bi indeen shunniibeeto taacho tunoon hakkaache; ebiyoommon tayee beshiiꞌi bi bushoon woyee bi busheen shunniibeeto taacho tunoon hakkaache.

Maatiyoosi 23:9

Wotta shimaayooch beeti ittoshi Nihoo ikkoo bi tunetoyich, showee toommooch beeto koninolla nihoo getiree ceeggaahote.

Luqaasi 10:27

Uroo wochiꞌi, “ ‘Ne Nuggishoo Doono Yeerin ceeni ne mulloona, ceeni ne kashoona, ceeni ne giidoona, ceeni ne shalligoonoo shune; neenoommi ne manoon neenna tachiree shune’ ii beetone” iye.

Roomi 3:30

Ebiyoo dokireeti Ayihudeenaꞌon Kiristoosi toommooch mulloon tooꞌiyoona, dokireyaani Aageteenaꞌonoo Kiristoosi toommooch mulloon tooꞌiyoona cadiqiibeeti ikke Nuggishoo baach beetoyichiye.

1 Qorontoosi 8:4

Illa and shahalloyich deejjeeti deejjoon mamichon bi tunegaata, shahalloo koote nuggishoo bi tunoonaa ikke Yeeriyee damba bare nuggishoo aallo bi tunoonon ariibeeto noone.

Galaati 3:20

Shoobbecho guttoochi qoodoyichalli, ikkoochi qoodoyich baach neexeyaache; tunebaani Yeeri ikkoone.

Yibbaatoo 10:12

“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,

Yibbaatoo 30:6

Doono Yeeri ne mulloonaa ne shiijjereenaꞌo mulloona biich deꞌa gettemmoyich tuniyemmone. Ebiyoo ne Nuggishoo Doono Yeerin ceeni ne mulloonaa ceeni ne kashoona ne shunnemmoyich, kashoonoo ne beeyemmoyichiye.

Yibbaatoo 6:4

“Israꞌeelo, elle waayebe. No Nuggishoo Doono Yeeri ikke Nuggishoone.

1 Ximootiyoosi 1:5

Ebin neech ta gettaabeeto, “Noonnaa noonna shunebone” getoyichiye. Ebi shuno bi danemmo xalle mulloonaa gaawe gaboona, Kiristoosi toommooch mulloon ibere tooꞌiyoonane.

1 Ximootiyoosi 2:5

Ikke Yeeriyee damba bare nuggishoo aalloone; wotta Yeerinaa ashoonochi gutte daggooch beeti ikke shoobbechoyee damba bare shoobbecho aalloone; biyoo asho tuneti Kiristoos Yesuusine.

Yaaqobi 2:19

Yeeri ikkoo bi tunoon iberiibeeto neene; gaawiye! Yinneenaꞌolla wotta ebiyoommon iberii beetinaꞌone; qeweenoo beetinaꞌone.

Yihudi 1:25

bi ikkeeto baach Nuggishoo tuneti, noon Wodiyechi Yeerich, bulli yemeenoyee aaf, andoo, bulli yemeenoonoo no Doono Yesuus Kiristoos waanaa oogee yiiroo, oogo, giidoonaa hakkoona tunebe. Ameena.