Maariqoosi 12:28 - Kafa Linguistics Project

²⁸ Muusichi Sheeree dojjechinaꞌo daggoochee ikkoo giddee, Saduuqeenaꞌo gajjitee beeton waayeꞌi, Yesuusiyoo gaawichii boonoshich bi wochoon beeggiꞌi, Yesuusin “Sheeroo bulliichee beshe sheeroo aabine?” iꞌi echehe.

Maariqoosi 12:28 ပူးပေါင်းရင်းမြစ်များ

Maatiyoosi 19:18

Uroo wochiꞌi, “Bi gettitoochee aabiniye?” iye. Yesuusi wochiꞌi, “ ‘Ashoon wuxiyaahine; shunoon maayaahine; gaajjaahine; kootoon miixeyaahine;

Maatiyoosi 23:23

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Kefoo, aaꞌaafoonaa kamuunonoochee asraatoon Yeerich kichiyote; tunebaani sheeree daggooch beeti beshe mooyon qajjitote; ebiyoo tachii nalloo, ashich ariqqeꞌi maaroonaa gibeneeto tunoonane. Are Yeerich ittoshi kichii beeton qayaanoon, eboshinoo wotta tuniiya bedo ittoshine.

Maatiyoosi 5:19

Illa Yeeri tuniibote iꞌi bi gettiti hini sheereenaꞌoochee ikke giishecheyichona ‘Deꞌa getaache’ ii bareenaꞌonoo ‘Deꞌa gettaahote’ iꞌi dojjiibeeti asho koniyoona shimaajji taatittineechaa bulliyee desho tunemmone; tunetaa deꞌa ii beetonaa bareenaꞌon ‘Deꞌa getote’ iꞌi dojjii beetona koniyoona shimaajji taatittineechaa oogo tunemmone.

Maariqoosi 9:14

Ebiyee gubb, Yesuusinaa keejje bi dabbeenaꞌona eche bi dabbeenaꞌo waan wottee waaꞌi, dofee asheenaꞌo boonoshin giichiꞌi, Muusichi Sheeree dojjechinaꞌo boonoshina tookkii gajjitee beetaa beeggiyeete.

Luqaasi 11:42

“Tunebaani hini Fariseenaꞌote, kefoonaa caddiraammoonoochee, daaddeexi cinnechi bechoo bulliichee asraatoon Yeerich kichiyote; tunebaani tachiꞌi nalloonaa Yeerin shunonon qajjitote; are Yeerich ittoshi kichii beeton qayaanoon, eboshinoo wotta tuniiya bedo ittoshine. Ebich ittoshich woowo!

Luqaasi 20:39

Arooba Muusichi Sheeree dojjechinaꞌo daggoochee ikkikkeenaꞌo wochiꞌi, “Dojjechocho, gaawichii gettetine” iyeete.