Maariqoosi 12:24 - Kafa Linguistics Project

²⁴ Yesuusi wochiꞌi ishichiye: “Yaafe Macaafo gettii beetonaa Yeerichi giidoonon ittoshi tuushitoyich muricciyote.

Maariqoosi 12:24 ပူးပေါင်းရင်းမြစ်များ

Halloo 18:14

Iberoon Doono Yeerin mawemmi mooyo beete? Waabeeti natooch ebi goora ne waan wotteree woyemmo taane; Saari anaami bushoon shiyemmine” iye.

Isiyaasi 25:8

Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Isiyaasi 26:19

Qititi ne asheenaꞌo kashechinaꞌon tunemminaꞌone; boonoshi dubeno qitoochee tiyemmone; showee daggooch beetinaꞌote, tibote; emiroonoo shoddebote. Wacciibeeti keetoo showoon bi shuxiyoommon, qitii yagitinaꞌo tiyiree, kashoona beeyemmoyich Doono Yeeri tuniyemmone.

Isiyaasi 8:20

Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Erimiyaasi 32:17

“Nuggishoo Doono Yeero, shimaayoonaa showoonon ooge ne hakkoona wottoo yaggeeti ne mochoona hallito neene; neen mawemmi mooyo amolla aalloone;

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

Hosee'i 13:14

Maash hamoochee boonoshin biishe echiyehote? Qitee giidoochee boonoshin shiwe wodiyehote? Qitoocho, ne naxeenaꞌon yeshi wobe! Maashoocho, ne aalliyoon yeshi wobe! Ebiyee bekk boonoshich ariqqeyaachemmo taane.

Hosee'i 6:2

Gutte qemoyee gubb noon wodiyemmone. Bi aafooch kashoona no beeyemmoyich keejjinnee qemooba noon tiijjemmone.

Hosee'i 6:6

Ebiyoo deejjoyee shoodoon, micciibeeti deejjoyee Doono Yeeri taan ne ariyoon ta shunnaa beetoyichiye.

Hosee'i 8:12

Sheerooch beeti wodde mooyon boonoshich kooriyoye; tunebaani boonoshi dallaawe mooyon tuniiꞌi ciinniyeete.

Maatiyoosi 22:29

Yesuusi wochiꞌi ishichiye: “Yaafe Macaafo gettii beetonaa Yeerichi giidoonon ittoshi tuushitoyich muricciyote.

Maariqoosi 10:27

Wotta Yesuusi boonoshin ciinniꞌi, “Hini mooyon tuniyoyich hakkemmo Yeeriyalli asho hakkaache. Yeeri bulli mooyon tuniyoyich hakkechone” iye.

Maariqoosi 12:23

Illa hini shabaatteenaꞌo are ureen shaaggitinaꞌone. Ebich qititinaꞌo tiyiyooba ebi ure mechee bi tunemmo aabichiye?” iꞌi echeheete.

Maariqoosi 12:25

Qititinaꞌo tiyiyooba, boonoshi tunemmo shimaajji maraakeenaꞌoommonalli shaagaacheete; shaakkeyaacheete.

Luqaasi 1:37

Yeerin mawemmi mooyo amolla aalloone” iye.

Yowannisi 20:9

Tunebaani “Qitoochee timo biich qaawiihe” ii beeti Yaafe Macaafee qaaroon batt shalligaaneenaꞌone.

Yowannisi 5:39

Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

Roomi 15:4

Yaafe Macaafoochee no danaabeeti haaꞌiyoonaa goggoona gibeno nooch bi beeyemmoyich, shiichiꞌi Yaafe Macaafooch kooreeto bulli nooch dojjiya kooreetone.

Filipphisiyoosi 3:21

Biyoo hini yiingaalli, qitemmi no ashittinoon shaddiree, worganikkiti oogee yiirechi bi ashittinoon shaahiyemmone. Ebin bi tuniyemmo bullin bi oogee dechiich tuniyoon bi hakkemmi giidoonane.