Maariqoosi 12:14 - Kafa Linguistics Project

¹⁴ Wocheetinaꞌo waaꞌi Yesuusin “Dojjechocho, ashoon giisho oogoo getaanoon iberoon Yeerichi gommon dojjaabeeto neene. Ebich ibere moochecho, konichona beshii shappii dabiyaano ne tunoon ariibeeto noone. Illa Qesaarich qaraxee qocon Muusichi Sheeroo daaggiibeetee, daaggaache? Qaraxoon qoconaa woyee qoccaayona?” iꞌi echeheete.

Maariqoosi 12:14 ပူးပေါင်းရင်းမြစ်များ

2 Kiinoo 18:13

Tunebaani Mikiyaasi “Beeyechi Doono Yeeri beege! Ta Nuggishoo taach gettimmon baach gettemmo taane” iye.

2 Kiinoo 19:7

Andoo Doono Yeerin shatote; no Nuggishoo Doono Yeer waan dayinnetoon dabiyoo, ashi aafoon ciinniꞌi heppoonaa xuccoon mamona aallo bi tunetoyich, bulli mooyon ittoshi qelloon ariyoona tuniibote” iye.

Nehimi 9:37

No axaaxee naboona are showoochee daneebeeti gaanno giyiibeeto, no toommooch ne taatiiti taateenaꞌoyichiye; no ashittinoonoo hajjiyeete; no gijjeenaꞌon boonoshi shunnitoommon tuniiheete. Nowoo ooge iritoochiye no beeto.

Shoddo 120:2

Doono Yeero, koottiibeeti noonoonaa dawushiibeeti heciyoonoochee taan wodiibe.

Shoddo 55:21

Bi yibbaatoo qefoyee beshe aniꞌoone; tunebaani bi gabiibeeto koyooniye; bi qaareenaꞌo zayitoyee beshe nireenaꞌone; tunebaani kaacheti goraadoomminaꞌone.

Erimiyaasi 42:20

‘No Nuggishoo Doono Yeer waan nooch corootibe; no Nuggishoo Doono Yeeri neech gettimmon nooch gete; nowoo tuniyemmo noone’ iꞌi ittoshi Nuggishoo Doono Yeer waan taan ittoshi wochetoyich, wochii ittoshi qelloon dawushito ittoshine.

Mikiyaasi 3:8

Tunebaani ta, Israꞌeeleenaꞌoyich boonoshi xuꞌoonaa axaaxoonon ta gettemmoyich, Doono Yeeri bi Ayaanoon, giidoon, dayinnetoonaa hakkoonon taach immitone.

Maatiyoosi 22:16

Boonoshi dabbeenaꞌon Heroodisi asheenaꞌona tookkii Yesuusin boonoshi echemmoyich daachiiheete. Boonoshiyoo hammiꞌi, “Dojjechocho, ibere moochecho ne tunoon, ibere mooyona Yeerichi gommichon ne dojjoon ariibeeto noone. Ashoon giisho, oogoo getaachine; ebich konicholla beshii shappii dabiyaachine.

Maatiyoosi 22:17

Illa and amoon gabaa beetine? Eke nooch gete: Qesaarich qaraxee qocon Muusichi Sheeroo daaggitee, daaggaache?” iꞌi echeheete.

Maariqoosi 12:13

Ebiyee gubb, Yesuusichi noonoochee muricoon boonoshi danemmoyich, Fariseenaꞌonaa Heroodisinochi asheenaꞌona daggoochee ikkikkeenaꞌon bi waan wocheheete.

Maariqoosi 12:15

Tunetaa Yesuusi boonoshi noonee noocon ariiꞌi, “Amoyich taan muriciiya qaawii beetote? Eke ikke diinaaroon taach deebi bekkiibote” iye.

Maariqoosi 14:45

Yihudi shaggii bekkech Yesuus waan giddeꞌi, “Dojjechocho!” iꞌi shummiye.

Luqaasi 20:22

Illa Qesaarich qaraxee qocon Muusichi Sheeroo daaggiibeetee, daaggaache?” iꞌi echeheete.

Luqaasi 23:2

“Hini uro no aagetoon hukkecho tuniiya koccii bi beetaa, daneto noone. Wotta no macceenaꞌon ‘Qesaarich qaraxoon qoccaahote’ iꞌi bajjitone; ebichi toommooch ‘Ta Kiristoosi, taatoo taane’ ii beetone” iꞌi taggoon yaaqqiyeete.

Yowannisi 7:18

Bi qellee gaboona gettiibeeto, ashi waanee oogoon qaawiibeeti ashoone; tunetaa biin wocheton oogiiya qaawiibeeto, aroo ibere moochechone; xummittino bi mullooch aalloone.

Roomi 13:6

Wotta ebi shuunoona kuppheebeeti, Yeerichi maddechinaꞌone; ebich boonoshi echeebeeti gibiroon qocciibeeto ittoshine.

2 Qorontoosi 2:17

Yeerichi qaaroon giixeebeeti, bare meeti asheenaꞌoommo toono noone; tunebaani Yeerina wocheeto noone; Kiristoosina tunaꞌa Yeeri aafooch xalle mulloona yibbaataabeeto noone.

2 Qorontoosi 2:2

Ittoshin ayinikkito ta tunegaata, illa ta ayinikkiti ashoyee beshetaa, taan emirikkemmi asho konine?

2 Qorontoosi 4:1

Ebich Yeeri bi maaroona hini shuunoon nooch bi immitoyich taahaachone.

2 Qorontoosi 5:11

Illa Doono Yeerin shato geto ama geto gaata no arii beetoyich, asheenaꞌo bi waan boonoshi wottemmoyich qollaabeeto noone; no mullooch beeto amo gaata Yeeri arii beetone; ittoshiyoo wotta ittoshi mulloona amoommi asho no gaata ariibeeto ittoshine immi gibeno taach beetone.

2 Qorontoosi 5:16

Illa ebiyee bekk koninolla ashi shalligoommona ciinaachone; ebiyee aaf Kiristoosin ashi shalligoommona ciinnaabee echeto noone; tunebaani illa and ebiyoommon tuniiꞌa ciinaachone.

Galaati 1:10

Illa and naadoon danoon ta qaawaabeeto, ashi waaneeniyee Yeer waaneeniye? Woyee ashoon emirikkoon qaawaa beetote? Ashoon emirikkoon qaawaabeeto ta tunemmogaata, Kiristoosichi maddecho tuneyaachesho taane.

Galaati 2:6

Ebi are kittinnee guuphinaꞌon yaabii qeejjii beeton shaahiꞌi bekkee beetinaꞌo, koni boonoshi tunetaanoona aaxxiyaano taane; Yeeri ashoon heppaache; eboshi taach boonoshi giddiiti dallaawe mooyo aalloone.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

1 Tasaloonqi 2:4

Tunebaani Yeeri mishiraachee qaaree getti shuunoon nooch guudii bi immemmoyich gibeneeto tunaꞌa no danetoyich, arooniye no gettaabeeto; no gettaa beegaata emirikkoyich no qaawaabeeto, no mulleexi gaboon maqqiꞌi ariibeeti Yeerinalli, ashoon toonoone.