Maariqoosi 11:22 - Kafa Linguistics Project

²² Yesuusiyoo wochiꞌi ishichiye: “Ittoshi mulloon Yeeri toommooch tooꞌiibote.

Maariqoosi 11:22 ပူးပေါင်းရင်းမြစ်များ

2 Kiinoo 20:20

Asheenaꞌo maaddoona tiyiꞌi, Teqoꞌi barahooch qaxiriyeete. Boonoshi hammiibeeta, Yoshafaaxi boonoshich, “Yihudee asheenaꞌonaa Yerusaalemi asheenaꞌonote, ellebote; ittoshi Nuggishoo Doono Yeerin gibenebote; kupphemmo ittoshine. Bi keemechinaꞌon gibenebote; mooyo ittoshich kaamemmone” iye.

Shoddo 62:8

Asheenaꞌote, bulli aaboon biin gibenebote; Yeeri nooch deebo bi tunetoyich, ittoshi mullee gaboo bullin biich getote.

Isiyaasi 7:9

Efreemi shimbo Shamaarine; Shamaarichi shimbo Remaliyichi bushoone. Illa taan gibenoona kuppho ittoshi qayigaata, ciroona manjiree neexeyaachemmo ittoshine’ gete” iye.

Maatiyoosi 14:29

Yesuusiyoo “Wobe” iye. Pheexiroosi markabeechee kindiꞌi aachi toommona shaꞌeebee Yesuus waan hammiye.

Maatiyoosi 17:20

Yesuusi boonoshich wochiꞌi ishichiye: “Yeeri toommooch mulloon tooꞌiyoo ittoshi qajjitoyichiye. Iberoon ittoshich gettoye: Ittoshi mulloon giishecheenolla Yeeri toommooch ittoshi tooꞌii gaata, hini geppoon ‘Hiniichee tiyiree okk ebiich beshebe’ ittoshi getigaata, beshemmone; ittoshin mawemmi mooyo amolla aalloone.

Maatiyoosi 21:21

Yesuusiyoo wochiꞌi, “Iberoon ittoshich gettoye: Mulloon Yeeri toommooch ittoshi tooꞌiigaata, wotta mulloonoo guttiyoo ittoshi qayigaata, balaasee mixin ta tuniito ikkeeto tuneyaanoon, hini geppoonolla ‘Hiniichee waaxeree baharooch awureebe’ ittoshi getigaata, tunemmone.

Maariqoosi 9:23

Yesuusi wochiꞌi, “ ‘Neech bi hakkeegaata’ inne? Mulloon Yeeri toommooch tooꞌitoyich, bulli mooyo hakkeyemmone” iye.

Yowannisi 14:1

Yesuusi daakkiꞌi bi dabbeenaꞌoyich ishichiye: “Ayini xuuxeyaahote; ittoshi mulloon Yeeri toommooch tooꞌiibote; wotta ta toommoochoo tooꞌiibote.

Qolaasiyaasi 2:12

Aacona afaalleyoona Kiristoosina tookkii duukkehote; wotta qitoochee biin tiijjiti Yeerichi shuunee toommooch mulloon ittoshi tooꞌitoyich Kiristoosina tookkii kashechon tunehote.

Titoosi 1:1

Yeeri kaaccitinaꞌo Kiristoosi toommooch mullee tooꞌiyoona boonoshi kupphemmoyich, wotta Yeerin oogiibeeti beemon beemooch bechiibeeti iberoon boonoshi ariyemmoyich tuniyoyich wocheeti, Yeerichi guuno, Yesuus Kiristoosichi mishiraachecho tuneti Phawuloosi waanee: