Maariqoosi 11:18 - Kafa Linguistics Project

¹⁸ Qeeshee ukkireenaꞌonaa Muusichi Sheeree dojjechinaꞌona ishin waayeꞌi, “Hini uroon aabichiree wuxibona?” iꞌi gommon qaawiyeete. Ebiyoo asheenaꞌo bulli Yesuusi dojjiti doyoona worganetoyich biin shattiꞌiniye.

Maariqoosi 11:18 ပူးပေါင်းရင်းမြစ်များ

1 Taateenaꞌo 21:20

Akaabi Eliyaasin beeggiꞌi, “Ta ettoocho, batt taan danenne?” iye. Eliyaasiyoo biich wochiꞌi ishichiye: “Eeha, Doono Yeeri aafooch gonde shuunoon shuunoyich ne qelloon kemmeto ne tunetoyich, neen daneto taane.

1 Taateenaꞌo 22:18

Yoshafaaxich Israꞌeelee taatoo, “Gondoonani, deꞌe mooyon taach kemaachemmo bi tunoon getaano taane?” iye.

1 Taateenaꞌo 22:8

Yoshafaaxich Israꞌeelee taatoo, “Biinna Doono Yeerin no echaabeeti ikke uro beetone; biyoo Imilaahi bushoo Mikiyaasine. Tunebaani taach bi keemmiibeeto gondoonani, deꞌoon tuno bi qajjitoyich, biin shixxoye” iye. Yoshafaaxiyoo, “Taatoo ishichaaye” iye.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Maatiyoosi 21:15

Tunebaani qeeshee ukkireenaꞌonaa Muusichi Sheeree dojjechinaꞌona Yesuusi tuniiti worganikkiti mooyonaa yaafee kexoochaa “Hosaana! Daawitichi Bushoyich oogo tunebe” iibee cookiibeeti bushiisheenaꞌonon beeggiꞌi ippeheete.

Maatiyoosi 7:28

Yesuusi hini yibbaatoon yibbaateꞌi bi ciichimmona, asheenaꞌo bi dojjiti doyoona worganeheete.

Maariqoosi 1:22

Boonoshich bi dojjito sheeroon immiibeeti taatoochoommonalli, Muusichi Sheeree dojjechinaꞌo dojjii beetoommon toonoone. Ebinoo waayetinaꞌo bi dojjiti doyoona worganeheete.

Maariqoosi 11:32

Ashoone no getigaatoche?” iyeete. Ishichi boonoshi getaachemmoyich, Yowannisin asheenaꞌo bulli “Iberoon keemechone” iꞌi boonoshi gabii beetoyich asheenaꞌon shattiyeete.

Maariqoosi 12:12

Ayihudee iraasheenaꞌo ebi shaahiyoona bi gettiibeeto boonoshin bi tunoon ariiꞌi Yesuusin yecha qaawiyeete; tunebaani asheenaꞌon shattiꞌi qajjii hammiyeete.

Maariqoosi 3:6

Arooba Fariseenaꞌo bekkech Ayihudeenaꞌo kiceebeeti kexoochee kechiꞌi, “Aabichiree biin wuxibona?” iꞌi Heroodisichi asheenaꞌona tookkii echeeheete.

Maariqoosi 6:20

Ebiyoo Heroodisi Yowannisi cadiqoonaa yaafoona bi tunoon bi ariitoyich, biin shattiꞌi quyii bi beetoyichiye. Heroodisi Yowannisi getaa emiriibee waayee beehe; tunetaa bi waayeti mooyona oogichii gaabbii beehe.

Luqaasi 19:47

Ebiyee gubb, qemi qemona asheenaꞌoyich yaafee kexoochaa dojjii beehe; tunebaani qeeshee ukkireenaꞌo, Muusichi Sheeree dojjechinaꞌonaa Ayihudee ukkireenaꞌona Yesuusin wuxiya qaawii beeheete.

Luqaasi 2:47

Bi yibbaatoon waayetinaꞌo bulli gaawe bi shalligoonaa tate bi wochoonoyich worganeheete.

Luqaasi 20:19

Qeeshee ukkireenaꞌonaa Muusichi Sheeree dojjechinaꞌona “Ebi shaahiyoona noonalli bi gettiibeeto” iꞌi, areegaata Yesuusin yecha qaawiyeete; tunetaa dofee asheenaꞌon shattiꞌi qajjiyeete.

Luqaasi 4:22

Asheenaꞌo bulli “Bi gettito iberoone” ii beeheete. Bi noonoochee kechiibeeti yibbaatee shaawon worganeꞌi, “Hini uro Yooseefichi bushoo toone?” iyeete.

Yowannisi 7:1

Ebiyee gubb, Yesuusi Ayihudee ukkireenaꞌo biin wuxiya boonoshi qaawii beetoyich, Yihudee showoona shaꞌoon shunaanoone; ebich Galiilee showoona shaꞌee beehe.

Yowannisi 7:19

Muusi Yeerichi sheeroon ittoshich imaache? Tunebaani ittoshi daggoochee are sheeroon quyeebeeto ikkolla aalloone. Taan wuxoyich aakkiya qaawii beetote?” iye.

Yowannisi 7:46

Kellechinaꞌoo “Hini uroochoommon koniyoona yibbaatee ariyaanoone” iꞌi wochiyeete.

Mishiraachechinaꞌo 24:25

Biyoo cadiqeechonaa qellee ariyeechonon, wotta woyemmi nallaa galleechon bi getaa Filikisi waayeꞌi shattiye. Ishichiinoo iye: “And hambe; taach gaawehooba, neen ceekkiyemmo taane” iꞌi gettiye.