Maariqoosi 10:52 - Kafa Linguistics Project

⁵² Yesuusiyoo “Hambe; ta toommooch mulloon ne tooꞌiyoo neen wodiitone” iye. Hini are aaf doogo bekkech ciinniꞌi gommona Yesuusin dabbii hammiye.

Maariqoosi 10:52 ပူးပေါင်းရင်းမြစ်များ

Shoddo 146:8

Doono Yeeri aaf doogoochi aafoon qechiye; Doono Yeeri goobetinaꞌon kaachiye; Doono Yeeri cadiqeenaꞌon shunniye.

Shoddo 33:9

Bi getaa showoo halleehe; bi gettitoyichoo manjiye.

Isiyaasi 35:5

Arooba aaf doogeenaꞌo aafo ciinnemmone; ulleenaꞌochi waamo waayemmone.

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Maatiyoosi 12:22

Ebiyee gubb, yinno bi toommooch beeti aaf dooge, noona miime uroon Yesuus waan deebiyeete. Yesuusi are uroon wodiihe; uroo ciinonaa yibbaatoonon hakkiye.

Maatiyoosi 15:28

Arooba Yesuusi ureyich wochiꞌi, “Haane, ta toommooch mulloon ne tooꞌiyoo oogeti mooyone. Ebich ne qaawitoommon neech tunebe” iye. Arooba bi bushee bekkech wodiyan.

Maatiyoosi 21:14

Yesuusi yaafee kexooch bi beetaa, aaf doogeenaꞌonaa baata yesheenaꞌona bi waan waataa, boonoshin wodiihe.

Maatiyoosi 8:3

Yesuusiyoo bi kishoon hini are uro toommooch kotiiꞌi, “Daaggiyoye, wodibe” iye. Ishichii bi immona, uro bekkech qeddee shaddee biiyoochee wodiye.

Maatiyoosi 9:22

Yesuusiyoo guuddii wottee ciinniꞌi tiyii, “Ta busheene, kupphebe! Ta toommooch ne mulloon ne tooꞌiyoo neen wodiitone” iye. Ureyoo bekkech wodiyan.

Maariqoosi 1:31

Ebich Yesuusi qeyaa bi beetooch hammii ureen kishoona yechii tiijjiꞌi kotiihe; bi achee gaamoo bekkech aqqehe; tiyaa maayoon boonoshich giddiihan.

Maariqoosi 5:34

Yesuusi wochiꞌi, “Ta busheene, ta toommooch mulloon ne tooꞌiyoo neen wodiitone. Diggoona hambe; biiyaꞌa ne shooddoochee kashebe” iye.

Maariqoosi 8:25

Ebiyee gubb, Yesuusi guttinnoon wotta uroo aafooch bi kishoon kotiihe. Bekkech aaf doogo manjiiꞌi ciinniye. Wodiꞌinoo bulli mooyon xalliiꞌi ciinniye.

Luqaasi 7:50

Tunebaani Yesuusi ureen “Ta toommooch mulloon ne tooꞌiyoo neen wodiitone. Diggoona hambe” iye.

Luqaasi 9:48

boonoshich ishichiye: “Koniyoona taacha iꞌi ebiyoommi giisheche bushoon bi shunigaata taan shunnii beetone; wotta koniyoona taan bi shunigaata, taan deejjiti Yeerin shunnii beetone; ittoshi bulli daggoochee giishecho bulliyee besho tunemmone” iye.

Yowannisi 9:32

Yeeri alemoon bi hallitoochee tiijjiꞌi, koniyoona ‘Aaf doogo tuneꞌi shiijjeti ashi aafoon ciichiitone’ getaa waayeyaanoone.

Yowannisi 9:39

Yesuusiyoo “Ciinaaneenaꞌo ciinaa, ciinnii beetinaꞌo doogaa, nalloona boonoshi barbaremmoyich, ta hini alemooch waato taane” iye.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.