Maariqoosi 10:38 - Kafa Linguistics Project

³⁸ Tunebaani Yesuusi ishichiye: “Ittoshi qollee beeton ariyaachote. Ta uchemmi xuuxee xoofoochee uyon, ta afaalleyemmi afaalleyoon afaalleyoo hakkehote?” iꞌi echehe.

Maariqoosi 10:38 ပူးပေါင်းရင်းမြစ်များ

1 Taateenaꞌo 2:22

Taatoo Solomooniyoo bi indeyich ishichiye: “Amoyich Shuneemee ashe Abishagin baach Adoniyaasich echenne? Ta qaabbe manoo bi tunetoyich, taatittinoonoo biich echebani am! Biich baach tuneyaanoon, qeeshoo Abiyataarinaa Tseruuyi bushoo Yoꞌaabinoyichoo ebiyoommon echebe!” iye.

Shoddo 75:8

Doono Yeerichi kishooch xoofoo beetone; biyoo umbeebeeti bi kaaree kashi woyinee uyoon arooch ceechiye. Ebinoo bi woniitaa, showee toommeexi gondeenaꞌo bulli uchiyeete; cingoonolla echiyaanoon cangeheete.

Isiyaasi 51:22

Bi asheenaꞌoyich taggeebeeti Doono, ne Nuggishoo Doono Yeeri, ishichii beetone: “Dadeddiibeeti xoofoon, ta kaaree xoofoon ne kishoochee daammeto taane; ebiyee bekk uyaachemmi neene.

Erimiyaasi 25:15

Israꞌeelee Nuggishoo Doono Yeeri taach ishichiye: “Hini kaareechi woyinee uyee xoofoon ta kishoochee deꞌe; neen ta wochaabeeti aageteenaꞌo bulli uchemmoyich tuniibe.

Erimiyaasi 45:5

Ne qellich beshe mooyon qaawii beetine? Ebin qaawiyaahine; ebiyoo meeno taheto bulli toommooch gonde mooyon deebemmo ta tunetoyichiye, iye Doono Yeeri. Tunebaani ne hammemmi xaaꞌoo bulliichaa ne kashe muriccemmoyich tuniyemmo taane’ itone” iye.

Maatiyoosi 26:39

Boonoshi aafoochee giishechoon wokkiꞌi hammiye. Baroona guufeechii corootiibee, “Ta Nihoocho, tunesho gaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iye.

Maatiyoosi 3:6

Boonoshi axaaxoon boonoshi aannaa, Yoordaanoosi aacoochaa boonoshin Yowannisi afaallii beehe.

Maariqoosi 14:36

Ishichiye: “Taabbo, ta Nihoocho! Bulli neech hakkeehe. Hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iye.

Luqaasi 12:50

Tunebaani ta afaalleyemmi xuuxee afaalleyoo beetone; are afaalleyoo beshemmi wottoon ta kasheyich kashe xaaꞌoo aalloone.

Luqaasi 22:42

“Ta Nihoocho, ne daaggigaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iibee corootiye.

Yowannisi 18:11

Yesuusi Pheexiroosin “Ne goraadoon bi gonenooch wochibe; Nihoo Yeeri taach bi immiti xuuxee xoofoochee uchaayote?” iye.

Roomi 8:26

Ebiyoommon wotta Yeerichi Ayaano no maraatoon gaachee beetone; aabichiree no corootemmo gaata ariyaano noone; tunebaani Yeerichi Ayaano bi qelloona ebine getaa getteyoo hakkeyaani qaaroona gaashilliibee no qoodoon Yeerin nooch qollee beetone.

Yaaqobi 4:3

Ittoshi qaatiibeeti mooyon Yeeri ittoshich bi immemmoyich qollehote; tunebaani ittoshi qaatoon ceechoyicha iꞌi gonde gaboona ittoshi qollee beetoyich, bi waanee daneyaachote.