Maariqoosi 10:33 - Kafa Linguistics Project

³³ “Ebiyoche, and Yerusaalem hammaabeeto noone. Aroochaa Ashi Bushoon qeeshee ukkireenaꞌonaa Muusichi Sheeree dojjechinaꞌonoyich beshiiree immemminaꞌone. Boonoshiyoo ‘Qitibe’ getiree bi toommooch nallemminaꞌone; Aageteenaꞌoyichoo beshiiree immemminaꞌone.

Maariqoosi 10:33 ပူးပေါင်းရင်းမြစ်များ

Isiyaasi 53:3

Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.

Maatiyoosi 16:21

Aroobee aabooba Yesuusi bi dabbeenaꞌoyich ishichiꞌi getooch giyiye: “Yerusaalem hamo taach qaawiihe; aroochaa showee geeneenaꞌo, qeeshee ukkireenaꞌonaa Muusichi Sheeree dojjechinaꞌonochi kishoochee wodde xuuxoon beeggemmo taane; taan wuxemminaꞌone. Tunebaani keejje qemooba qitoochee tiyemmo taane” iye.

Maatiyoosi 26:66

Illa ittoshich amo shaahii beete?” iꞌi echehe. Boonoshiyoo “Qita beddiye” iꞌi wochiyeete.

Maatiyoosi 27:2

Cuchiꞌi daammii iraashoo Phelaaxoosich beshiiꞌi immiyeete.

Maariqoosi 14:64

Bi naagoon gaata, waayeto ittoshine. Illa ittoshich amo shaahii beete?” iye. Boonoshi bulliyoo “Qita beddiye” iꞌi nalliyeete.

Maariqoosi 15:1

Dechara maaddoona qeeshee ukkireenaꞌo, showee geeneenaꞌonaa Muusichi Sheeree dojjechinaꞌona, Ayihudee nallechinaꞌo bullina tookkii boonoshi echeetoyee gubb, Yesuusin cuchiiꞌi daammii Phelaaxoosich beshiiꞌi immiyeete.

Maariqoosi 8:31

Ebiyee gubb, Yesuusi bi dabbeenaꞌoyich ishichiꞌi dojjooch giyiye: “Ashi Bushoo wodde xuuxoon beego biich echeyaani mooyone. Geeneenaꞌonaa qeeshee ukkireenaꞌona, Muusichi Sheeree dojjechinaꞌoo biin shixxemminaꞌone; wuxiishoo gettemminaꞌone. Keejje qemooba qitoochee tiyemmone” iye.

Maariqoosi 9:12

Biyoo wochiꞌi boonoshich ishichiye: “Iberoone; Eliyaasi shiichiree woyemmone; waaree bulli mooyon tachemmone. Tunetaa Ashi Bushoo wodde xuuxoon beeggemmo, hoxeyemmoo bi tuno bi kooreeto amoyichiye?

Maariqoosi 9:31

Ebiyoo bi dabbeenaꞌoyich dojjii bi beetoyichiye. Boonoshich “Ashi Bushoo taan ashi kishooch beshiiree immemminaꞌone; wuxemminaꞌone; boonoshi wuxitoyee gubb keejje qemooba qitoochee tiyemmo taane” iye.

Luqaasi 23:21

Tunebaani boonoshi “Yoode! Yoode!” iꞌi cookiyeete.

Luqaasi 9:22

Yesuusi daakkiꞌi bi dabbeenaꞌoyich ishichiye: “Ashi Bushoo wodde xuuxoon beego biich echeyaani mooyone. Geeneenaꞌonaa qeeshee ukkireenaꞌona, Muusichi Sheeree dojjechinaꞌoo biin shixxemminaꞌone; wuxiishoo gettemminaꞌone; tunebaani keejje qemooba qitoochee tiyemmone” iꞌi manjii gettiye.

Yowannisi 18:28

Yesuusin Qeyaaf waanee Yihudee iraashoo kibbooch daammiyeete. Showoo batt maaddoone; Ayihudeenaꞌo “Iraashoo kibbooch giyaꞌa no eeꞌegaata Beshee Baaree maayoon mamon hakkaachemmo noone” iꞌi boonoshi shattitoyich, iraashoo kibbooch giyaaneenaꞌone.

Yowannisi 18:32

Ebi bi tuneto, Yesuusi amoommi qitoon bi qitemmo gaata bekkiyoyich bi gettiti qaaro ceennemmoyichiye.

Yowannisi 19:11

Yesuusiyoo wochiꞌi, “Yeeri daaggaan gaata, ta toommooch amoonolla tuniyoon hakkaachesho neene; ebich neech taan beshiiꞌi immitochi axaaxoo beshoone” iye.

Mishiraachechinaꞌo 13:27

Tunetaa Yerusaalem beeti asheenaꞌonaa boonoshi ukkireenaꞌona shambeti shambetooba shemmeebeeti keemechinaꞌochi qaaro bi ceennemmoyich, bi toommooch nalliyeetalli, Yesuusi koni bi gaata ariyaaneenaꞌone.

Mishiraachechinaꞌo 20:22

“Andoo ta, Yaafe Ayaanoona yechaꞌa, Yerusaalem hammaabeeto taane; aroochaa ta toommooch shaggemmo amo gaata ariyaano taane.

Yaaqobi 5:6

Cadiqo tuneti ashi toommooch nalliꞌi biin wuxito ittoshine; biyoo cikkii qajjiye.