Maariqoosi 10:30 - Kafa Linguistics Project

³⁰ And hini yemeenooch duꞌeree beebee, kexinaꞌon, anaami maneenaꞌon, maache maneenaꞌon, indeenaꞌon, bushiisheenaꞌon, bi gochiibeeti showoon balle kishoon daakkaa danemmone; wotta woyemmi yemeenoochoo bulli yemeenee kashoon danemmone.

Maariqoosi 10:30 ပူးပေါင်းရင်းမြစ်များ

2 Kiinoo 25:9

Amasiyaasiyoo Yeer ashoyich, “Israꞌeelee ginee naayinaꞌoyich ta immeti ebi shaahe gijjochi aabicheeba?” iye. Yeer ashoo, “Doono Yeeri ebiyee beshoon neech imon hakkiye” iꞌi wochiye.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Shaahiyoo 16:16

Aachoon danoyee shalligoon dano beshiye; birewoon danoyee goommii deꞌon dano gaawiye.

Milikiyaasi 3:10

Ta kexooch bede maayo bi beeyemmoyich, asraatoon ceenoona gotooch giijjibote. Shimaajji mallee kelloon qechaꞌa beddii echeti diiroon ittoshich ukkoon ta qayigaata, ebina taan beegote.

Maatiyoosi 12:32

Ashi Bushoo toommooch gondoon yibbaatee beeto bulli maareyemmone; tunebaani Yaafe Ayaano toommooch gondoon yibbaateebeeto bulli hini yemeenooch tunetaa woyemmi yemeenooch maaroon daneyaachemmone” iye.

Maatiyoosi 13:8

Baroo wotta qeemi showooch holliꞌi collehe; diccii kechiꞌinoo aafehe; ikkoo balle aafoon, ikkoo shiche aafoon, ikkoo shaashe aafoon aafehe.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Luqaasi 18:30

hini yemeenooch beshaa beshoon daakkaa danemmone; wotta woyemmi yemeenoochoo bulli yemeenee kashoon danemmone” iye.

Yowannisi 10:23

Yesuusi yaafee kexooch beeti Solomoonichi Genje Gaaddaafoona shaꞌee beehe.

Mishiraachechinaꞌo 16:25

Tunetaa xumee gutte qellimooch Phawuloosinaa Sillaasina corootiibee shoddoona Yeerin galletee beeheete; arooch beeti qoppeenaꞌoo ellee beeheete.

Mishiraachechinaꞌo 5:41

Ebich mishiraachechinaꞌo Yesuusichi shigoyich hoxeyoyich bedditinaꞌo tuneꞌi boonoshi haddeetoyich emiriibee Ayihudee nallechinaꞌo aafoochee kechiyeete.

Roomi 5:3

Tunebaani ebi ikkeetona baach toonoone; iritoo haaꞌiyoon, haaꞌiyoo qocee gaawoon, qocee gaawoo gibenoon immemmo bi tunoon ariibee, no iritoonoo wotta geeciyone.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

2 Qorontoosi 6:10

Ayinikkiti mooyo no toommooch bi shaggitaa, bulli aaboon emiriyone; girecho no tunetaa, meetinaꞌon gaannecho tuniihone; amolla nooch aallo bi tunetaa, bulli mooyo noochone.

Filipphisiyoosi 3:8

Ebi ikkeeto tuneyaanoon, bulliyee beshiton danoyich, ebiyoo Kiristoos Yesuusi ta Doonon ariyoyicha iyaꞌa ebi mooyinaꞌon ciroona gaacaachemminaꞌon tuniiꞌa haddito taane. Biicha iyaꞌa eboshi bullin qajjeto taane. Kiristoos Yesuusi toommooch mullee tooꞌiyoona daneebeeti cadiqoo, ebiyoo sheeroon ceechii ta quyoona daneti cadiqoo tuneyaanoon, mullee tooꞌiyoona Yeer waanee daneebeeti cadiqoo taach bi beeyemmoyich, Kiristoosin danoyicha iyaꞌa bullin guudoon shaahiiꞌa duppeto taane.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

1 Ximootiyoosi 4:8

Iiwittinoon danoyich ashittinoon kupphiyee dojjoo giisheche mooyoyich gaaccemmone; tunebaani Yeerich diireeti kittinnittinee qocoona beemoyich qellee dojjoo, and hini showee toommooch no beeti beemonaa gubbichoo shimaajji kexooch no beeyemmi beemonoyich gibenikkiibeeto bi tunetoyich, mooyo bullich gaaccemmone.

1 Ximootiyoosi 6:6

Tunebaani asho “Taach beeto beddiye” bi getigaata, Yeerich diireeti kittinnee qocoona beemo biin ibere gaannechon tuniyemmone.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaqobi 5:11

Haaꞌiyoona manjitinaꞌon diireetinaꞌone ii beeto noone. Iyoobichi haaꞌiyoon waayeto ittoshine; wotta ciiroochaa Doono Yeeri biich tuniiton beeggito ittoshine; Doono Yeeri oogeti deꞌoonaa ariqqechonane.

1 Yowannisi 2:25

Kiristoosi nooch bi gibenikkiti hini gibeno, bulli yemeenee kashoone.

1 Yowannisi 3:1

“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.

Yaaꞌoo 2:9

Ne toommooch shaggiti duꞌoon, ne giroonoo ariibeeto taane; tunebaani gaannecho neene. Ayihudo tuneyaanoon ‘Ayihudo noone’ ii beeti, Sheexaanoyichoo maddeebeeti guupho ne shigoon gondiyoon ariibeeto taane.

Yaaꞌoo 3:18

Ebich gaannecho ne tunemmoyich, qaaqqoona wociitaa shuuneeti aachoon, shokkaachoo tuneree ne yeelleyaachemmoyich ne tahemmi nacce tahoon, ne aafo ciinnemmoyich ne huutemmi attoon ta waanee ne kememmoyich neen ciiccaabeeto taane.