Maariqoosi 10:29 - Kafa Linguistics Project

²⁹ Yesuusi wochiꞌi ishichiye: “Iberoon ittoshich gettoye: Taannaa ta mishiraachee qaaroonoyicha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito koniyoona beshoon danemmone.

Maariqoosi 10:29 ပူးပေါင်းရင်းမြစ်များ

Halloo 45:20

Dufiree ittoshi woyemmi qiicoyich amoonolla gabiyaahote. Gibitsee showeexi oogeti qeemi showoo ittoshicho tunemmone’ gete” iye.

Maatiyoosi 10:18

Ta naboyich iraasheenaꞌonaa taateenaꞌonochi aafooch ittoshin neechemminaꞌone; ebi bi tunemmo boonoshinaa Aageteenaꞌonoyich miixoo ittoshi tunemmoyichiye.

Maatiyoosi 19:29

Taacha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito bulli, eboshi bullin balle kishoon daakkaa danemmone; wotta bulli yemeenee kashoon danemmone.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Luqaasi 18:29

Yesuusiyoo boonoshich wochiꞌi ishichiye, “Iberoon ittoshich gettoye: Yeerichi taatittineyicha iꞌi bi kexon woyee bi mecheen woyee bi maneenaꞌon woyee bi nihoonaa bi indeenon woyee bi bushiishoon qajjito koniyoona, beshoon danemmone;

1 Qorontoosi 9:23

Mishiraachee qaaroochee daneebeeti diiroon ta qoodeyemmoyich, mishiraachee qaaroyicha iyaꞌa ebi bullin tuniyaabeeto taane.

Yaaꞌoo 2:3

Haaꞌiito neene; ta naboyicha getona duꞌeto neene; ebi bullina taahaano neene.