Maariqoosi 10:24 - Kafa Linguistics Project

²⁴ Ebina bi dabbeenaꞌo worganeheete. Tunetaa Yesuusi wotta ishichiye: “Ta bushiisheenaꞌote, [boonoshi gaannoon gibenee beetinaꞌoyich] Yeerichi taatittineech gimo am shaahe maggoone!

Maariqoosi 10:24 ပူးပေါင်းရင်းမြစ်များ

Shoddo 17:14

Doono Yeero, asheenaꞌo waanee, boonoshi ixee qoodoo showee toommeexi kasho baach tuneti asheenaꞌo kishoochee, ne kishoona taan wodiibe. Ne shunnaa beetinaꞌo michemmoyich tuniibe; boonoshi bushiisheenaꞌoyich, boonoshi bushaa bushiisheenaꞌoyichoo wodde maayo beeyemmoyich tuniibe.

Shoddo 52:7

“Yeerichi shoobooch gimon qajjiichii, bi gaannee woddoon gibeneebeeti, gondee shuunoona kupphee qeyiti asho, ebeegote” gettemminaꞌone.

Shoddo 62:10

Bogoona woyee xuꞌoona gaannoon danemmo noone getiree gibeneyaahote; ittoshi gaanno woddegaata, aroon gibeneyaahote.

Shaahiyoo 11:28

Bi gaannoon gibeneebeeto oojjemmone; tunebaani cadiqo mocee waamochoommon waarwaariyemmone.

Shaahiyoo 18:11

Gaannechoyich bi gaanno mishigechi katemoon, genje xaqqee uxerooniye bi shaahiibeeto.

Shaahiyoo 23:5

Gaannoon aafoon waaxxaa ne ciinigaata, aallemmone; shimaayooch yoobbiibeeti booyochoommon bi qellich qoshoo kichi aallemmone.

Erimiyaasi 9:23

Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;

Imbaaqoomi 2:9

Boggii ittoshi deqqiti mooyona ittoshi kexon gaanniiti, gonde mooyo ittoshi toommooch bi shagaachemmoyich, manje kexinaꞌon haggiti, ittoshich woowo!

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Maatiyoosi 19:25

Bi dabbeenaꞌo ishin waayeꞌi oogichii worganeebee, “Ishigaata, konine wodoon hakkemmo?” iyeete.

Maariqoosi 1:27

Ebin beeggiti asheenaꞌo bulli “Ebi amoone? Doonjittinoona yinneenaꞌon noggehe; boonoshiyoo biich deꞌa iyeete. Hini bi dojjiibeeto andire doyoone” iꞌi boonoshi echeemmi wottoon oogichiꞌi worganeheete.

Maariqoosi 10:23

Aree hillooch Yesuusi guuddii wottee ciinniꞌi bi dabbeenaꞌoyich “Gaannechinaꞌoyich Yeerichi taatittineech gimo am shaahe maggoone!” iye.

Luqaasi 16:14

Fariseenaꞌo gijja shuneenaꞌo boonoshi tunetoyich, ebi Yesuusi gettito bullin waayeꞌi cooqqiriyeete.

Yowannisi 13:33

“Ta bushiisheenaꞌote, batt giisheche saatoon ittoshina tookkaa beeto taane. Taan qaawemmo ittoshine; Ayihudee ukkireenaꞌoyich ‘Ta hammaa beetooch womon hakkaachote’ ta itoommon, andoo ittoshich wotta gettoye.

Yowannisi 21:5

Yesuusi “Ta bushiisheenaꞌote, haashoo ittoshich beete?” iꞌi echehe. Boonoshiyoo “Amolla aalloone” iꞌi wochiyeete.

Yowannisi 6:60

Yesuusin dabbitinaꞌoochee meetinaꞌo ishin waayeꞌi, “Hini ashoon giiriibeeti yibbaatoone; hinin waayoon hakkemmo konine?” iyeete.

Galaati 4:19

Ta shuni bushiisheenaꞌote! Ibere Kiristoosichi dabboon ittoshi tunemmi wottoon wochinnoon ittoshich maaxoo manjaabeeti ureyoommon tuneto taane.

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.

1 Yowannisi 2:1

Ta shuni bushiisheenaꞌote! Hinin ittoshich ta kooraabeeto, axaaxoon ittoshi shuuneyaachemmoyichiye; tunetaa no daggoochee koniyoona axaaxoon bi shuunegaata, no keroyich shoobbecho Nihoo Yeeri aafooch beetone; biyoo cadiqe Yesuus Kiristoosine.

1 Yowannisi 4:4

Ta shuni bushiisheenaꞌote! Ittoshi Yeer magecho ittoshine; hini alemeexi asheenaꞌona tookkii beetoyee, ittoshina tookkii beeto besho bi tunetoyich, are koote keemechinaꞌon kochii wochito ittoshine.

1 Yowannisi 5:21

Ta shuni bushiisheenaꞌote! Shahalloyich goyinnoochee ittoshi qelloon quyebote!

Yaaꞌoo 3:17

‘Gaannecho taane; bedditi gaanno taach beete; baroo amolla taach qaawiyaache’ ii beeto neene; tunebaani xuuxoona yexxeto, ayinikkito, girecho, wolloo, shokkaachoo ne tunoon ariyaano neene.