Maariqoosi 10:17 - Kafa Linguistics Project

¹⁷ Yesuusi aroochee tiyiꞌi bi hammii beetaa, ikke uro bi waan woccii waaꞌi bi baatooch goyinneechii, “Deꞌe Dojjechocho, bulli yemeenee kashoon ta danemmoyich amoon hallibote?” iꞌi echehe.

Maariqoosi 10:17 ပူးပေါင်းရင်းမြစ်များ

Daaneeli 6:10

Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.

Maatiyoosi 17:14

Ebiyee gubb, Yesuusinaa keejje bi dabbeenaꞌona dofee asheenaꞌo beetooch shaggiyeete; ikke uroo Yesuus waan giddee goyinneꞌi

Maatiyoosi 25:34

“Taatoo qanne badd beetinaꞌoyich ishichemmone: ‘Hini ta Nihoo diiritinaꞌote, wobote! Yeeri alemoon bi hallitoochee tiijjiꞌi ittoshich bi qanniiti taatittineech giyiree woraashibote!

Maatiyoosi 28:8

Genneenaꞌoo boonoshi shattitaa, oogichii emiriibee afaafinoona oppee xaaꞌoochee tiyiꞌi Yesuusi dabbeenaꞌoyich getta woceheete.

Maariqoosi 1:40

Ebichi hillooch qeddee shaddee biiyechi uro Yesuus waan waa guteneꞌi, “Ne daaggigaata, taan wodiyoon hakkihine” iꞌi qollehe.

Maariqoosi 10:18

Yesuusi wochiꞌi, “Amoyich taan deꞌo ii beetine? Ikke Yeeriyee damba deꞌo koniyoona aalloone.

Maariqoosi 12:14

Wocheetinaꞌo waaꞌi Yesuusin “Dojjechocho, ashoon giisho oogoo getaanoon iberoon Yeerichi gommon dojjaabeeto neene. Ebich ibere moochecho, konichona beshii shappii dabiyaano ne tunoon ariibeeto noone. Illa Qesaarich qaraxee qocon Muusichi Sheeroo daaggiibeetee, daaggaache? Qaraxoon qoconaa woyee qoccaayona?” iꞌi echeheete.

Maariqoosi 9:25

Aree hillooch Yesuusi meeti asheenaꞌo daappiibee womon beeggiꞌi, yinnoon “Hini ulle miime yinnoocho, ‘Bushoo toommoochee tibe; illa guttinnoon bi toommooch koteyaahine’ ito taane” iꞌi noggehe.

Luqaasi 10:25

Ikke areddoon, Muusichi Sheeree dojjecho Yesuusin muriciiya qaawii kotoochee tiyiꞌi, “Dojjechocho, bulli yemeenee kashoon ta danemmoyich, amoon hallibote?” iꞌi echehe.

Yowannisi 3:2

Biyoo xumoona Yesuus waan waaꞌi, “Dojjechocho, Yeeri biinna tookkii tunetoyee damba, ne tuniibeeti hini worganikkiti malleteenaꞌon tuniyoon koniyoona hakkaache. Ebich dojjecho tunaꞌa Yeer waanee ne womon ariibeeto noone” iye.

Yowannisi 5:39

Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Yowannisi 6:40

Yeerichi Bushoo taan ciinniꞌi bi mulloon ta toommooch tooꞌiibeeto bulli, bulli yemeenee kashoon bi danemmoyich ta Nihoochi daaggoo ebine; tawoo ciireexi aabooba qitoochee biin tiijjemmo taane” iye.

Mishiraachechinaꞌo 16:30

Boonoshin maaxooch kichiꞌi, “Ta dooninaꞌote, ta wodemmoyich aabichibote?” iꞌi echehe.

Mishiraachechinaꞌo 2:37

Asheenaꞌo ishin waayeꞌi, boonoshi mulloona xeejjii miijjiyeete. Pheexiroosinaa bare mishiraachechinaꞌonon “No maneenaꞌote, ebich and aabichibona?” iꞌi echeheete.

Mishiraachechinaꞌo 20:32

“Andoo ittoshin kupphiyoonaa yaafeeti asheenaꞌo bullichi daggooch iristoon imonon hakkiibeeti Yeerinaa bi wojjeechon gettiibeeti qaaroonoyich adereto taane.

Mishiraachechinaꞌo 9:6

And tiyiree katemooch gibe; ne tuniyemmo neech getteyemmone” iye.

Roomi 2:7

Gaawe mooyon shuunoona kuppheebee oogee yiiroonaa naadoonon, bulli yemeenee kashoonoo qaawii beetinaꞌoyich, bulli yemeenee kashoon immemmone.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

Efesooni 1:18

Wotta ta qollaabeetoo, ittoshi mullee aafo gaxxeeree ciinaa, ittoshin bi ceeggiti gibeno amo gaata, bi yaafeenaꞌoyich bi immemmi worganikkiti iristo amoommo gaata, no mulloon Kiristoosi toommooch tooꞌiibeeti nooch shuuneebeeti bi giidoo am shaahe ooge giidoo gaata ittoshi ariyemmoyichiye.

Titoosi 3:7

ebin bi tuniito, bi wojjoona cadiqiree gibenoona no quyeebeeti bulli yemeenee kashoon no woraashemmoyichiye.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?

1 Pheexiroosi 1:4

Ebich Yeeri shimaajji kexooch ittoshich aalleyaani, duubeyaani, ciireyaani iristoon kotiitone.

1 Yowannisi 2:25

Kiristoosi nooch bi gibenikkiti hini gibeno, bulli yemeenee kashoone.