Maariqoosi 10:14 - Kafa Linguistics Project

¹⁴ Yesuusi ebin beeggii kaareꞌi bi dabbeenaꞌoyich ishichiye: “Qayote! Yeerichi taatittine eboshiyoomminaꞌochine. Ebich gishiishi bushiisheenaꞌo ta waan wobeete; bajjaahote.

Maariqoosi 10:14 ပူးပေါင်းရင်းမြစ်များ

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

Shoddo 78:4

Ebinoo no bushiisheenaꞌoyich aachaachemmo noone; Doono Yeeri tuniiti worganikkiti mooyon, bi hakkoonaa gaakkechi shuunoonon woyemmi shiijjeroyich gettemmo noone.

Isiyaasi 65:23

Boonoshinaa boonoshi bushiishoona Doono Yeerina diireetinaꞌo boonoshi tunetoyich, duuboon aayaachemminaꞌone; aallemmi bushiishoon shiyaachemminaꞌone.

Haddoo 14:31

Tunebaani kecceyemminaꞌone ittoshi iti ittoshi bushiisheenaꞌon giijjemmo taane; ittoshi hoxeti showoon boonoshi woraashemminaꞌone.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Maatiyoosi 18:4

Illa hini giisheche bushoochoommon bi qelloon giishiibeeto shimaajji taatittineechaa bulliyee beshoone.

Maatiyoosi 19:14

Tunebaani Yesuusi bi dabbeenaꞌon “Qayote! Shimaajji taatittine tunemmo eboshiyoominaꞌoyichiye; ebich gishiishi bushiisheenaꞌo ta waan wobeete; bajjaahote” iye.

Maatiyoosi 5:10

Cadiqe shuunoon boonoshi shuunetoyich duꞌee beetinaꞌo diireetinaꞌone; shimaajji taatittine boonoshichine.

Maatiyoosi 5:3

“Ayaanoona girechinaꞌo diireetinaꞌone; shimaajji taatittine boonoshichine.

Maariqoosi 3:5

Yesuusi boonoshi mullo muumetoyich oogichii ayiniꞌi bi guudoona beetinaꞌon kaaree aafoona ciinniye. Uroonoo “Ne kishoon yaggibe” iye. Biyoo yaggiye; bi kishoo wotteꞌi iiwehe.

Maariqoosi 8:33

Tunebaani Yesuusi eche bi dabbeenaꞌo waan guuddii ciinniibee, Pheexiroosin, “Hini Sheexaanoocho, ta waanee wohe! Ashichonalli Yeerichon gabaachine” iꞌi noggehe.

Yowannisi 3:3

Yesuusiyoo wochiꞌi, “Iberoon neech gettoye: Koniyoona bi tunetaa, guttinnoon bi shiijjo qayigaata, Yeerichi taatittineen beegon hakkaachemmone” iye.

Yowannisi 3:5

Yesuusiyoo wochiꞌi ishichiye: “Iberoon neech gettoye: Koniyoona bi tunetaa, aaconaa Ayaanoonoochee shiijjo bi qayigaata, Yeerichi taatittineech gimon hakkaachemmone.

Mishiraachechinaꞌo 2:39

Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Mishiraachechinaꞌo 3:25

Ittoshiyoo Yeerichi keemechinaꞌochi noonoona bi gibenikkiti gibenoonaa no qaabbechinaꞌona tookkii bi giyiti wogoonon qoodeyecho ittoshine; are wogo Yeeri Abrahamin, ‘Ne yaroona showee toommooch beeti shiijjeroo bullin diiremmo taane’ iꞌi bi wogeti wogoone.

Roomi 11:16

Bukeeti koshoochee shiichiꞌi tiijjeeti ikke xeko yaafoo bi tunegaata, echeti kosho bulli wotta yaafoone. Xeppho Yeerich yaafeeto bi tunegaata, ateenaꞌo wotta biich yaafeetinaꞌone.

Roomi 11:28

Israꞌeeleenaꞌo mishiraachee qaaroon boonoshi qajjitoyich Yeerichi shixechinaꞌo tunetinaꞌone; ebiyoo Ayihudee asho tuneyaani ittoshich gaaccitone. Tunebaani Yeeri bi kaacciti qaabbechinaꞌoyich bi gibenikkiti gibenoochee tiyitona Yeeri boonoshin shunnitone.

1 Qorontoosi 14:20

Ta maneenaꞌote! Gonde mooyoyich nallefoon tunebotalli, gabee shappoona gaggereyaahote; gaboona dicciti ashoon tunebote.

1 Qorontoosi 7:14

Ishichaa ta beeto, Kiristoosi toommooch mulloon tooꞌiyaani keno bi mulloon tooꞌiiti mecheena diireeto bi tunetoyichiye; ebiyoommon wotta Kiristoosi toommooch mulloon tooꞌiyaani mechee bi mulloon tooꞌiiti kenoona diireeti bi tunetoyichiye. Ebi bi tuno qayigaata, boonoshi bushiishoo eeꞌeenaꞌo tunemminaꞌone; tunebaani ibere mooyoochaa boonoshi bushiisheenaꞌo Yeerich yaafeetinaꞌone.

Efesooni 4:26

Ittoshi kaare gaatoona, ebi ittoshi kaaro axaaxooch ittoshin bechiibeeto tunaaye; ittoshi kaaree daggooch aabo giyaaye.

Yibbaatoo 4:37

Ittoshi qaabbechinaꞌon bi shunnitoyich, boonoshi shiijjereenaꞌo tuneti ittoshin kaacciye. Ittoshina tookkii tuneꞌi bi hajjee giidoona Gibitsee ittoshin kichii deebiye.

2 Ximootiyoosi 1:5

Kiristoosi toommooch ibere ne mullee tooꞌiyoon gabaabeeto taane; shiichiꞌi ne indinde Loyidinaa ne indee Ewuniqina boonoshi mulloon Kiristoosi toommooch tooꞌiitinaꞌone; and ne wotta ebiyoommon Kiristoosi toommooch ne mulloon ne tooꞌiyoonoo xiishito taane.

2 Ximootiyoosi 3:15

Kiristoos Yesuusi toommooch mullee tooꞌiyoona wodoo daneebeeti shalligoon neech imon hakkiibeeti Yaafe Macaafeenaꞌon ne bushittinoochee tiijjaꞌa ariito neene.

Yaasi 8:35

Yaasi maacheenaꞌo, nallefeenaꞌo, Israꞌeelee iiteenaꞌo bullinaa boonoshi daggooch beeti shiqqeenaꞌonochi aafoochaa shemmehe. Muusi gettiti sheeree qaaroochee ikkoonolla echiyaanoone.

1 Pheexiroosi 2:2

Wodooch ittoshi diccemmoyich, and shiijjeti gaggere bushiisheenaꞌo ejjoon qaatoommon, ittoshi wotta xalloo tuneti Yeerichi qaaree ejjoon qaatibote.

Yaaꞌoo 14:5

Kootoon koottii ariyaaneenaꞌone; ikke bachaalleenaꞌone.

1 Saameeli 1:11

Ishichaanoo mookkahan: “Beshe Mawe Doono Yeero, ne gonnee ta xuuxoon beeggaꞌa taan ne gabigaata, ne gonnee taanoo batteyaanoon anaami bushoon taach ne imigaata, kashoona bi beemmi yemeeno bullin neech immemmi taane; bi qelloochoo appoo shagaachemmone” iyan.

1 Saameeli 1:22

Tunebaani Haanni bi kenoyich “Bushoo xano bi kuxxitoyee gubb, daamiree Doono Yeeri aafooch giddiyemmi taane. Biyoo echeti bi yemeeno bullin arooch beeyemmone” iyan. Ebich hamaaneene.