Maariqoosi 1:8 - Kafa Linguistics Project

⁸ Ta ittoshin aacona afaalliyoye; tunebaani aroo ittoshin Yaafe Ayaanoona afaallemmone” ii gettii beehe.

Maariqoosi 1:8 ပူးပေါင်းရင်းမြစ်များ

Shaahiyoo 1:23

Ta ciicoon waayebe; ta ayaanoon ittoshich ukkemmi taane; ta qaaroonoo ittoshi ariyemmoyich tuniyemmi taane.

Isiyaasi 32:15

Ebi tunemmo, dambee no toommooch Ayaano ufemmi wottoon, barahoo qeemi showoon tunemmi wottoon, qeemi showoo shaaroon shaahimmi wottooniye.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Maatiyoosi 3:11

“Tawoo axaaxee gommoochee Yeerichi gommooch ittoshi wottoon bekkiyoyich, ittoshin aacona afaalliibeeto taane; tunebaani bi caammoonolla shaagoyich ta bedaano ta hillooch waabeeto, tayee beshe kupphoone; aroo Yaafe Ayaanoonaa qaaqqoona ittoshin afaallemmone.

Maariqoosi 1:7

Wotta arooba “Yittaꞌa bi caammee cuyoon biich ta bedaani tayee besho ta hillooch waa beetone.

Maariqoosi 1:9

Arooba Yesuusi Galiilee showooch beeti Naazireetee waaꞌi, Yowannisina Yoordaanoosi aacoochaa afaalleehe.

Luqaasi 3:16

Yowannisi tiyiꞌi bullich “Tawoo aacona ittoshin afaallaabeeto taane. Tunebaani bi caammee cuyoon biich ta bedaani tayee beshe kuppho waa beetone; aroo Yaafe Ayaanoonaa qaaqqoona ittoshin afaallemmone.

Yowannisi 1:26

Yowannisi wochiꞌi, “Ta, aacona afaallaabeeto taane; tunebaani ittoshi ariyaano ittoshi daggooch neexee beetone.

Yowannisi 1:33

Tawoo koni bi gaata arooba ariyaan beeto taane; tunebaani aacona ta afaallemmoyich shiichiꞌi taan deejjiti aroo ‘Ayaano kindiree bi toommooch bi kotetaa ne beeggemmo, Yaafe Ayaanoona afaallemmo aroone’ iꞌi taach gettiye.

Mishiraachechinaꞌo 1:5

Yowannisi asheenaꞌon aacona afaallitone; tunebaani and giisheche aaboyee gubb Yaafe Ayaanoona afaalleyemmo ittoshine” iꞌi gettiye.

Mishiraachechinaꞌo 10:45

Pheexiroosina tookkii waati, boonoshi mulloon Yesuusi toommooch tooꞌiiti Ayihudeenaꞌo, Yeerichi wojjoo tuneti Yaafe Ayaano Aageteenaꞌo toommooch bi kindoon beeggiꞌi worganeheete.

Mishiraachechinaꞌo 2:17

‘Yeeri ishichii beetone: “Yemeenee ciirooba ebiyoommon tunemmone: Meeno taheti asho bulli toommooch ta Ayaanoon woniyemmo taane. Ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi gurimaasheenaꞌo yaaꞌoon beeggemminaꞌone; geeneenaꞌoo gumon gummemminaꞌone.

Mishiraachechinaꞌo 2:4

Boonoshi bulli Yaafe Ayaanoona ceenniyeete; bekkech Yaafe Ayaano boonoshich hakkoon imaa boonoshi ariyaani noonoona yibbaateheete.

1 Qorontoosi 12:13

Ebiyoo Ayihudoon tunebon, Giriikoonoo tunebon, guunonoo tunebon, doononoo tunebon, ikke ashittinoon tunoyich ikke Yaafe Ayaanoona no afaalleetoyichiye; wotta Yeeri are ikke Yaafe Ayaanoochee no bullich bi uchitoyichiye.