Maariqoosi 1:11 - Kafa Linguistics Project

¹¹ Wotta shimaayoochee “Ta shuni bushoo neene; neenna emirito taane” ii beeti qaaro waayeehe.

Maariqoosi 1:11 ပူးပေါင်းရင်းမြစ်များ

Shoddo 2:7

Doono Yeerichi getoon awaajjemmo taane; biyoo taach ishichitone: “Ne, ta bushoo neene; hanaach neen shiyeto taane.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Maatiyoosi 12:18

“ ‘Ebiyoche, taach bi wocheyemmoyich ta kaacceti ta naayo, ta shunnaabeeto, taanoo emirikkito hinine. Ta Ayaanoon bi toommooch kotiyemmo taane; biyoo dayinnetoon Aageteenaꞌoyich gettemmone.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Maatiyoosi 3:17

Wotta shimaayoochee “Biinna ta emiriti, ta shuni Bushoo hinine” ii beeti qaaro waayeehe.

Maariqoosi 1:10

Bekkech Yesuusi aacoochee bi kechimmona, shimaayoo qecheeꞌi Yaafe Ayaano bi ashittinee halloo uggechoommon tuneꞌi Yesuusi toommooch bi kindoon Yowannisi beeggiye.

Maariqoosi 9:7

Aree hillooch qubo waaꞌi boonoshin yiirehe. Qubee daggoochaa “Ta shuni bushoo hinine; bi waanee waayebote” immi qaaroon waayeheete.

Luqaasi 9:35

Qubee daggoochaa “Ta kaacceti ta Bushoo hinine; bi waanee waayebote” immi qaaroon waayeheete.

Yowannisi 1:34

Tawoo ebin ta aafoona beeggeto taane; biyoo Yeerichi Bushoo bi tunoon miixeto taane” iye.

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Yowannisi 5:37

Wotta taan wocheti Nihoo Yeeri taachon miixetone; tunebaani bi qaaroon cir waayeyaano ittoshine; bi aafoonoo beegaano ittoshine.

Yowannisi 6:69

Nowoo, Yeerichi Yaafoo ne tunoon iberiito noone; ariinoo ito noone” iye.

Qolaasiyaasi 1:13

Biyoo manderee taatoo kishoochee noon kichiye; bi shuni Bushoochi taatittineech noon giijjiye.