Luqaasi 9:44 - Kafa Linguistics Project

⁴⁴ “Ittoshi hini mooyon ittoshi mulloona manjiiree yeshote. Ashi Bushoon ashi kishooch beshiiree imma ii beetinaꞌone” iye.

Luqaasi 9:44 ပူးပေါင်းရင်းမြစ်များ

2 Saameeli 24:14

Aroochee Daawiti Gaadich ishichiye: “And oogeton xuuxeto taane. Bi ariqqo woddoo bi tunetoyich, Doono Yeeri kishooch dihoo nooch gaawiye. Tunebaani ashi kishooch dihoon qaawaache” iye.

Maatiyoosi 16:21

Aroobee aabooba Yesuusi bi dabbeenaꞌoyich ishichiꞌi getooch giyiye: “Yerusaalem hamo taach qaawiihe; aroochaa showee geeneenaꞌo, qeeshee ukkireenaꞌonaa Muusichi Sheeree dojjechinaꞌonochi kishoochee wodde xuuxoon beeggemmo taane; taan wuxemminaꞌone. Tunebaani keejje qemooba qitoochee tiyemmo taane” iye.

Maatiyoosi 26:2

“Gutte qemoyee gubb Beshee Baaroo bi tunoon ariibeeto ittoshine; Ashi Bushoon yooddiyoyich beshiiree immemminaꞌone” iye.

Maariqoosi 8:31

Ebiyee gubb, Yesuusi bi dabbeenaꞌoyich ishichiꞌi dojjooch giyiye: “Ashi Bushoo wodde xuuxoon beego biich echeyaani mooyone. Geeneenaꞌonaa qeeshee ukkireenaꞌona, Muusichi Sheeree dojjechinaꞌoo biin shixxemminaꞌone; wuxiishoo gettemminaꞌone. Keejje qemooba qitoochee tiyemmone” iye.

Maariqoosi 9:31

Ebiyoo bi dabbeenaꞌoyich dojjii bi beetoyichiye. Boonoshich “Ashi Bushoo taan ashi kishooch beshiiree immemminaꞌone; wuxemminaꞌone; boonoshi wuxitoyee gubb keejje qemooba qitoochee tiyemmo taane” iye.

Luqaasi 1:66

Ebin waayetinaꞌo bulli “Ishigaata, hini bushoo gubb amoon tunehe?” iibee hini mooyon boonoshi mullooch kotiiheete; ebiyoo Doonochi giidoo biin gaachee bi beetoyichiye.

Luqaasi 18:31

Yesuusi aaraa gutte bi dabbeenaꞌon bi waan kiciꞌi ishichiye: “Ebiyoche, and Yerusaalem hammaabeeto noone; aroochaa keemechinaꞌo kooriti Ashi Bushoo mooyo bulli ceennemmone.

Luqaasi 2:19

Tunetaa Maariyami hini mooyo bullin bi mullooch kotiichaa kichaa kindii beehan.

Luqaasi 2:51

Aroochee boonoshina tookkii wotteꞌi Naazireet hammiye. Boonoshichoo deꞌa iꞌi wochee beehe. Bi indeyoo hini mooyo bullin bi mullooch kotii beehan.

Luqaasi 24:44

Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Luqaasi 9:22

Yesuusi daakkiꞌi bi dabbeenaꞌoyich ishichiye: “Ashi Bushoo wodde xuuxoon beego biich echeyaani mooyone. Geeneenaꞌonaa qeeshee ukkireenaꞌona, Muusichi Sheeree dojjechinaꞌoo biin shixxemminaꞌone; wuxiishoo gettemminaꞌone; tunebaani keejje qemooba qitoochee tiyemmone” iꞌi manjii gettiye.

Yowannisi 16:31

Yesuusiyoo boonoshich ishichiꞌi wochiye: “And iberiitote?

Yowannisi 16:4

Ebin boonoshi tuniyemmi aabo waahooba, ittoshich ta getteton ittoshi shalligemmoyich, ebin ittoshich getteto taane” iye. “Ittoshina tookkaa batt ta beetoyich, shiichaꞌa ittoshich ebin getaano taane.

Yowannisi 19:11

Yesuusiyoo wochiꞌi, “Yeeri daaggaan gaata, ta toommooch amoonolla tuniyoon hakkaachesho neene; ebich neech taan beshiiꞌi immitochi axaaxoo beshoone” iye.

Mishiraachechinaꞌo 2:23

Ebiyee Yeeri bi hajjee shalligoonaa bi ariyoona ittoshich beshiitaa bi ichemmoyich shiichiꞌi maaccitone; ittoshiyoo gonde asheenaꞌo kishoona yooddiiꞌi wuxiihote.

Hibireena'o 2:1

Ebich no waayeti mooyoochee muriciree no dihaachemmoyich, no waayeti mooyoyich beshoon no qelloon quyo nooch qaawiihe.