Luqaasi 9:2 - Kafa Linguistics Project

² Yeerichi taatittinee mishiraachee qaaroon boonoshi gettemmonaa biiyechinaꞌon boonoshi wodiyemmonoyich wochehe.

Luqaasi 9:2 ပူးပေါင်းရင်းမြစ်များ

Maatiyoosi 10:5

Arooba Yesuusi hini are aaraa gutteenaꞌon wochehe; ishichiinoo boonoshich gettiye: “Aageteenaꞌo showee gommona hammaahote; Shamaari katemoochoo giyaahote.

Maatiyoosi 13:19

Yeerichi taatittinee qaaroon waayeꞌi shalligaano bulli toommooch gondoochi nihoo woyemmone; boonoshi mullooch shookketi qaaroon maciree daammemmone; eboshi gommi gashooch holliti yaroomminaꞌone.

Maatiyoosi 24:14

Ashi yaroo bullich miixoo bi tunemmoyich hini Yeerichi taatittinee mishiraachee qaaro showee toommo bulliich getteyemmone; arooba yemeenee ciiro woyemmone” iye.

Maariqoosi 16:15

Daakkiꞌi ishichiye: “Showee toommo bulliich hambote; ta mishiraachoon halleeto bullich getote.

Maariqoosi 6:12

Boonoshiyoo hammiꞌi, axaaxee gommoochee Yeer waan boonoshi wottemmoyich asheenaꞌoyich gettiyeete.

Luqaasi 10:1

Ebiyee gubb, Doono Yesuusi aaraa gutte bi dabbeenaꞌoyee bare shabaa gutteenaꞌon ukkiriihe; gutti guttoo tuniiꞌi, bi hammemmi katemoonaa gafoo bullinooch biyee shiichiree boonoshi shaggemmoyich daachiihe.

Luqaasi 10:11

‘Ittoshi toommooch miixoo bi tunemmoyich, no baatooch beeti ittoshi katemeexi quttoonolla tebbemmo noone; tunebaani ebin ariibote: Yeerichi taatittine ittoshi kellooch shaggetine’ getote.

Luqaasi 10:9

are katemooch beeti biiyechinaꞌon wodiibote; arooch beeti asheenaꞌoyichoo ‘Yeerichi taatittine ittoshi kellooch shaggetine’ getote.

Luqaasi 16:16

“Muusichi Sheeroonaa keemechinaꞌochi macaafeenaꞌona Aacona Afaallechi Yowannisi yemeenooch beddaahaa gettee beeheete. Aroochee tiijjiꞌi ikka getaa Yeerichi taatittinee mishiraachee qaaro gettee beetone; asho bulliyoo Yeerichi taatittineech giya qiiccee beetone.

Luqaasi 9:11

Tunetaa dofee asheenaꞌo ebin ariiꞌi biin dabbiyeete; bi waan giddiiꞌi Yeerichi taatittineechon boonoshich gettiye; biiyoona iritee beetinaꞌonoo wodiihe.