Luqaasi 9:19 - Kafa Linguistics Project

¹⁹ Boonoshiyoo wochiꞌi, “Ikkikkeenaꞌo ‘Hini Aacona Afaallechi Yowannisine’ ii beeteete; echeenaꞌo ‘Eliyaasine’, echeenaꞌoo wotta ‘Wonnee keemecho qitoochee tiyitone’ ii beetinaꞌone” iyeete.

Luqaasi 9:19 ပူးပေါင်းရင်းမြစ်များ

Milikiyaasi 4:5

“Ebiyoche, oogoonaa shattiitona tuneti Doono Yeeri ta aabo waataan beetaa keemechi Eliyaasin ittoshich deejjemmo taane.

Maatiyoosi 14:2

Bi mikkirechinaꞌoyich “Hini Aacona Afaallechi Yowannisine; ebiyoommi gaakkechi mooyon tuniyoo bi hakkito, qitoochee tiyiꞌiniye” iye.

Maatiyoosi 3:1

Ebiyee gubb, Aacona Afaallechi Yowannisi Yihudee barahooch waaꞌi, “Shimaajji taatittine ittoshi kellooch shaggetine; ebich axaaxee gommoochee Yeer waan wottebote” iꞌi getooch giyiye.

Maariqoosi 6:14

Yesuusichi shigo bulli xaaꞌooch gaminnii bi arichetoyich, taatoo Heroodisi waayehe. Ikkikke asheenaꞌo “Hini Aacona Afaallechi Yowannisine; ebiyoommi gaakkechi mooyon tuniyoo bi hakkito, qitoochee tiyiꞌiniye” iyeete.

Maariqoosi 6:15

Bare asheenaꞌo Eliyaasine iyeete. Bareenaꞌo wotta “Hini keemechone; wonnee keemechinaꞌoommi ikke keemechone” iyeete.

Luqaasi 9:18

Ikke areddoon, Yesuusi bi ikkeeto corootii bi beetaa, bi dabbeenaꞌo biinna tookkii beeheete. Arooba boonoshin “Asheenaꞌo taan konine ii beeteete?” iꞌi echehe.

Luqaasi 9:20

Biyoo “Ittoshiyochi taan konine ii beetote?” iye. Pheexiroosi tiyiꞌi, “Ne, Yeerichi Masihi neene” iye.

Yowannisi 1:21

“Ishigaata, ne koni neene? Eliyaasi neene?” iꞌi echeheete. “Ta Eliyaasi toono taane” iye. “ ‘Woyemmone’ getteebeeti Keemecho neene?” iꞌi echeheete. “Toono taane” iꞌi wochiye.

Yowannisi 1:25

“Ishigaata, ne Kiristoosi woyee Eliyaasi woyee ‘Woyemmone’ getteebeeti keemecho ne toonee gaata, amoyichiye asheenaꞌon aacona ne afaallaabeeto?” iꞌi echeheete.

Yowannisi 7:40

Ebich dofee asheenaꞌo daggoochee ikkikkeenaꞌo hini bi yibbaatoon waayeꞌi, “Iberoon hini uro quyaa no beeti Keemechone” iyeete.

Yowannisi 9:17

Ebich Fariseenaꞌo wochiꞌi uroon “Ne aafoon ciichiiti uroochon ama gettenne?” iyeete. Biyoo “Keemechone” iye.