Luqaasi 9:1 - Kafa Linguistics Project

¹ Yesuusi aaraa gutte bi dabbeenaꞌon ikkooch ceeggiꞌi yinneenaꞌo bullin asheenaꞌo toommoochee boonoshi yookkemmoyich, biiyechinaꞌonoo boonoshi wodiyemmoyich hakkoonaa ukkirittinoonon boonoshich immiye.

Luqaasi 9:1 ပူးပေါင်းရင်းမြစ်များ

Maatiyoosi 16:19

Shimaajji taatittinee kellee qulfoon neech immemmo taane; showoochaa ne cucheti mooyo bulli shimaayoochaa cucheeto tunemmone; showoochaa ne biicheti mooyo bulli shimaayoochaa biicheto tunemmone” iye.

Maatiyoosi 4:24

Arooba bi mooyo Sooriyee showoo bulliich waayeehe. Ebich asheenaꞌo baribare biiyoonaa xuuxoona xuuxeꞌi beetinaꞌo bullin, yinno boonoshi toommooch beetinaꞌon, duppiibeeti biiyechinaꞌon, boonoshi ashittino qititinaꞌon eboshi bullin bi waan deebiyeete; boonoshinoo Yesuusi wodiihe.

Maatiyoosi 8:9

Ta wotta tayee dambeenaꞌoyich hajjeebeeto taane; tayee desh beeti ginee naayinaꞌo wotta taach hajjee beetinaꞌone. Ikkoon hambe ta getigaata, hammii beetone; baroon wobe ta getigaata, waa beetone; ta aafee bushoon ‘Ebin tuniibe’ ta getigaata, tunii beetone” iye.

Luqaasi 10:1

Ebiyee gubb, Doono Yesuusi aaraa gutte bi dabbeenaꞌoyee bare shabaa gutteenaꞌon ukkiriihe; gutti guttoo tuniiꞌi, bi hammemmi katemoonaa gafoo bullinooch biyee shiichiree boonoshi shaggemmoyich daachiihe.

Luqaasi 10:19

Dingeroonaa barahee machoonon baatoona ittoshi neexxemmoyich, ittoshin shixxiibeeti Sheexaanee giidoo bullin yittiiree ittoshi hajjemmoyich, ukkirittinoon ittoshich immeto taane. Ittoshich etto tunemmi mooyo amolla aalloone.

Yowannisi 14:12

Iberoon ittoshich gettoye: Bi mulloon ta toommooch tooꞌiimmo ta shuunaabeeti shuunoon aroo wotta shuunemmone; ta, Nihoo Yeer waan hammaa ta beetoyich ebiyee beshe shuunoonolla shuunemmone.

Mishiraachechinaꞌo 1:8

Tunebaani Yaafe Ayaano ittoshi toommooch bi kindiyooba, giidoon danemmo ittoshine. Arooba Yerusaalem, Yihudee showoo bulliich, Shamaaree showooch, showee tuggo bulliichoo ta mooyon miixemmo ittoshine” iye.

Mishiraachechinaꞌo 3:16

Hini ittoshi ciinnii beeti, ittoshi ariibeeti uro wodiꞌi bi kuppheto Yesuusichi shigoona daneti mullee tooꞌiyoonane. Ittoshi bulli beeggii beetoommon, Yesuusichi shigoona daneti mullee tooꞌiyoo hini uroyich ceeni wodoon immitone.

Mishiraachechinaꞌo 4:30

Ashoon wodiyoyichoo ne kishoon yaggiree, yaafe ne Bushoo Yesuusichi shigoona worganikkiti malletoonaa gaakkechi shuunoonon shuunebe” iꞌi corootiyeete.

Mishiraachechinaꞌo 9:34

Biinoo ishichiye: “Eeniyoo, Yesuus Kiristoosi neen wodiitone. Tibe, ne qeenon yaggibe” iye. Aroo bekkech tiyiye.