Luqaasi 8:3 - Kafa Linguistics Project

³ taatoo Heroodisichi kechi guudo Kuuzi mechee Yowani, Susaaninaa bare meeti genneenaꞌona boonoshi gijjoona Yesuusinaa bi dabbeenaꞌonon deggii beeheete.

Luqaasi 8:3 ပူးပေါင်းရင်းမြစ်များ

1 Kiinoo 29:14

“Bulliyona daneto ne waaneeniye. Neech no immetoo ne kishoochee no deqqeton baachiye. Ebi bullin no giddiyemmoyich ta koni taane? Ta asheenaꞌochi konoshine?

Isiyaasi 23:18

Giixoochee bi danemmi gijjoo bulli Doono Yeerich kechemmone; ebiyoo koteyaachemmone; bi shimo Doono Yeeri aafooch maddee beetinaꞌoyich, beshaa beshe maayoonaa gaawe tahoonooch heechemmone.

Maatiyoosi 14:1

Arooba Galiilee iraashoo Heroodisi Yesuusichi mooyon waayehe.

Maatiyoosi 14:3

Heroodisi bi ishichiti naboo ebine: Heroodisi bi manoo Filipphoosichi mechee Heroodiyaadin bi shaaggitoyich, Yowannisi tiyiꞌi biich “ ‘Ne manoochi mecheen shaage’ iꞌi Muusichi Sheeroo daaggaanoone” iye. Heroodisi ureechi naboyich “Yowannisin yeshi cuyote” iꞌi bi ginee naayinaꞌoochee wochehe. Boonoshiyoo hammiꞌi yechii cuyee kexooch cuchiyeete.

Maatiyoosi 14:6

Tunebaani ebiyee gubb, Heroodisichi shiijjee aabee baarooba Heroodiyaadichi bushee iibbeenaꞌo aafooch giyaa duubbaꞌa Heroodisin emirikkiyan.

Maatiyoosi 2:11

Are kexooch giyiꞌi bi indee Maariyamina tookkii beeti gaggere bushoon beeggiyeete. Yittiꞌinoo biich goyinneheete; boonoshi saaxenoon qechiꞌi aachoon, ixaanoonaa hareboonon kichii immiyeete.

Maatiyoosi 20:8

“Showoo xumetaa woyinee doono bi ukkiriiton ‘Shuunechinaꞌon ceegiree ciirooch waatinaꞌoochee tiijjiree shiichii waatinaꞌooch beddaahaa boonoshi shumaayoon imbe’ iye.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maatiyoosi 26:11

Girechinaꞌo bulli aaboon ittoshina tookkiiniye boonoshi beeto; tunetaa ta bulli aaboon ittoshina tookki beetaachemmo taane.

Maatiyoosi 27:55

Yesuusin degoyich Galiilee showoochee biin dabbiti wodde genneenaꞌo arooch wokkii neexeechii ciinnii beeheete.

Luqaasi 24:10

Ebin mishiraachechinaꞌoyich hammiꞌi gettitinaꞌo, Magidalechi Maariyami, Yowani, Yaaqobichi indee Maariyaminaa boonoshina tookkii beeti bare genneenaꞌonane.

Yowannisi 12:6

Ishin bi gettito, gaayo bi tunetoyichalli, girechinaꞌoyich ariqqeꞌi toonoone; gijje yeshe kolloon kalleꞌi kollee daggooch kicee beetoochee bi qellich bi deqqii beetoyichiye.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.

Filipphisiyoosi 4:22

Hiniich beeti yaafeenaꞌo bulli, beshoonoo Qesaari kechi asheenaꞌo ittoshin diggiitinaꞌone.

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.