Luqaasi 8:28 - Kafa Linguistics Project

^28-29 Meeti aaboon are yinno tiyaa, bi kishoon sansalatoona, bi baatoonoo qoqqaannoona cuchiꞌi quyee beeheete; uroo eboshi bullin kuxxii ciichiꞌi bi toommeexi yinnoona barahooch tiishee beehe. Arooba Yesuusi uroona daneꞌi, “Hini yinnoocho, uro toommoochee tibe” iꞌi noggehe. Bekkech hini are uro Yesuusin beeggiꞌi bi baatooch dihiye. Oogichii cookiꞌi, “Beshe Nuggishoo Yeerichi bushoo Yesuuso, ta mooyooch neen amo geddiye? ‘Taan yulliyaahine’ iyaꞌa neen qollehoye” iye.

Luqaasi 8:28 ပူးပေါင်းရင်းမြစ်များ

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Maatiyoosi 8:29

Boonoshiyoo bekkech bunneꞌi, “Yeerichi Bushoocho, no mooyooch neen amo geddiye? Nallaa galloo waataan beetaa noon xuuxiiya hiniich waanne?” iibee cookiyeete.

Luqaasi 8:27

Yesuusi markabeechee bi kindimmona, yinneenaꞌo bi toommooch beeti ikke uro are katemoochee kechiꞌi biinna danehe. Hini are uroo meeti yemeenoon shokkaachoon beehalli tahoon taheyaanoone; maashoochalli kexooch beetaanoone.

Yaaqobi 2:19

Yeeri ikkoo bi tunoon iberiibeeto neene; gaawiye! Yinneenaꞌolla wotta ebiyoommon iberii beetinaꞌone; qeweenoo beetinaꞌone.

2 Pheexiroosi 2:4

Yeeriyoo axaaxoon shuuneti maraakeenaꞌoyich ariqqeyaanoon, shiweree qaaqqooch duppiꞌi hoone manderooch tuneree nallee aabooch beddaahaa boonoshi quyeyemmoyich bi tuniitoyee;

1 Yowannisi 3:8

Tunebaani axaaxoon shuuneebeeto daabiloosi magechone. Daabiloosi shiichoochee tiijjiꞌi axaaxoon shuunee beetone. Yeerichi Bushoo bi waato daabiloosichi shuunoon happoyichiye.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.