Luqaasi 8:10 - Kafa Linguistics Project

¹⁰ Yesuusiyoo ishichiye: “Yeeri bi taatittinee maacee mooyon ittoshich arichiitone; tunebaani bareenaꞌoyich bulli mooyo bi getteebeeto shaahiyoonane. Ebiyoo, ciinibee boonoshi beegaachemmoyich, waayebee boonoshi shalligaachemmoyichiye” iye.

Luqaasi 8:10 ပူးပေါင်းရင်းမြစ်များ

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Isiyaasi 29:14

Ebich hini asheenaꞌo daggooch worganikkiti gaakkechi mooyon wochinnoon tuniyemmo taane; ariyechinaꞌo ariyoo aallemmone; shalligechinaꞌochi shalligoo dooggemmone” iye.

Isiyaasi 44:18

Ebiyoommi asheenaꞌo shalligaalli mullaalleenaꞌone; boonoshi aafo kaappetone; ebich beegon hakkaacheete; boonoshi mulloo kaappetone; ebich gaboon hakkaacheete.

Isiyaasi 6:9

Biyoo taach ishichiye; “Ishigaata, hamiree ebi asheenaꞌoyich ishichibe: ‘Waayoon waayeebeeto ittoshine; tunebaani shalligaachote; ciinon ciinniibeeto ittoshine; tunebaani beegaachote’ gete.

Hiziqeeli 12:2

“Ashi bushoocho, hukkechi macceenaꞌo daggooch koteto neene; ciinoyich aafoo beetaa ciinaacheete; waayoyich waamo beetaa waayeyaacheete; ebiyoo hukkechi yareenaꞌo boonoshi tunetoyichiye.

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Maatiyoosi 16:17

Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.

Maariqoosi 4:11

Yesuusiyoo boonoshich ishichiye: “Yeeri bi taatittinee maacee mooyon ittoshich arichiitone; tunetaa bareenaꞌoyich bulli mooyo shaahiyoona bi getteebeeto, ‘Ciinibee boonoshi beegaachemmoyich, waayebee boonoshi shalligaachemmoyich, Yeer waan boonoshi wotteyaachemmoyich, boonoshi axaaxoo bi maareyaachemmoyichiye’” iye.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

1 Qorontoosi 12:11

Ebi bullin shuuneebeeto, are ikke Yaafe Ayaano baachiye. Are Yaafe Ayaano bi hajjee daaggoonane kittinneenaꞌoyich boonoshi qelli qelloona wojjoon bi qoodii beeto.

Yibbaatoo 29:4

Tunebaani Doono Yeeri hanaach beddaahaa, ittoshi aafo ciinnii beetonaa ittoshi waamo waayee beetonon shalligemmi mulloon ittoshich imaanoone.

Qolaasiyaasi 2:2

Ta qiiccaabeeto, boonoshi mullo kupphemmonaa shunoona boonoshi ikkottemmonoyich, ceeni shalligoon daneree Yeerichi maacee mooyo tuneti Kiristoosin boonoshi ariyemmoyichiye.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.