Luqaasi 7:47 - Kafa Linguistics Project

⁴⁷ Ebich neech gettoye: Ceeni bi mulloona taan shunnetine; ebina bi toommooch beeti meeti axaaxoyich maaroon danetine; tunebaani giisheche axaaxoyich maaroon daneti asho giishechooniye bi shunniibeeto” iye.

Luqaasi 7:47 ပူးပေါင်းရင်းမြစ်များ

Isiyaasi 1:18

Doono Yeeri ishichiye: “Ittoshi waataa ittibateebone. Ittoshi axaaxoo uchilloo ceelloommon bi ceelleteenona, kecho naccoommon naccemmone; damoo celloommon bi ceelleteenona, huuttoo naccoommon naccemmone.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Mikiyaasi 7:19

Wochinnoon nooch ariqqehine; no xuꞌoon ne baatee dechiich neexxehine; no axaaxoonoo baharee dechi duchooch duppehine.

Maatiyoosi 10:37

“Tayee beshiiꞌi bi nihoon woyee bi indeen shunniibeeto taacho tunoon hakkaache; ebiyoommon tayee beshiiꞌi bi bushoon woyee bi busheen shunniibeeto taacho tunoon hakkaache.

Luqaasi 7:39

Yesuusin ataalliti Farisoo ebin beeggiꞌi, bi mulloona “Hini keemecho bi gaata, hini bi baatoon yechaabeeti ure koni bi gaata, bi shuunoo amoommo gaata ariyeshone; biyoo axaaxechine” iꞌi gabiye.

Luqaasi 7:46

Zayitoon ta qellooch ne huutaano neene; tunebaani hini ure ta baatooch shittoon ukkitine.

Luqaasi 7:48

Ureyichoo “Ne axaaxoo maareetone” iye.

Mishiraachechinaꞌo 5:31

Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

Roomi 5:20

Wotta xuꞌo woddemmoyich Muusichi Sheeroo daakkeeꞌi ichehe; tunebaani axaaxoo woddehooba, Yeerichi wojjoo beshaa beshoon woddehe.

2 Qorontoosi 5:14

Ikkoo bullicha iꞌi qitito bi tunoon, ebichoo asho bulli qitito bi tunoon no ariitoyich, Kiristoosichi shuno noon hajjii beetone.

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Efesooni 6:24

shaddeyaani shunoona no Doono Yesuus Kiristoosin shunnii beetinaꞌo bullina tookki Yeerichi wojjoo tunebe.

Filipphisiyoosi 1:9

Yeeri oogemmonaa galleteyemmonoyich Yesuus Kiristoos waanee daneebeeti cadiqee aafo ittoshi kashooch ceenee, Kiristoosi woyemmi aaboobich qanniree xalloonaa bachaalloona ittoshi tunemmoyich, beshe gaaweti mooyon ciini beegiree ittoshi ariyemmoyich, ittoshi shuno, ariyoonaa shalligoo bullina aafichoyee beshoon dici bi woddemmoyich, corootaabeeto taane.

1 Ximootiyoosi 1:14

No Doono Yeerichi wojjoo, Kiristoos Yesuusina noocho tuneti mullee tooꞌiyoonaa shunoona tookkii beshaa besho tuneꞌi taach ichehe.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

1 Yowannisi 3:18

Ta shuni bushiisheenaꞌote! Ibere maacoona no shunoon shuunoona bekkiibonalli, qaaroona woyee yibbaatoona baach shunaayone.

1 Yowannisi 4:19

Yeeri shiichii noon bi shunnitoyich, no biin shunnaabeeto noone; noonnaa noonnoo shunaabeeto noone.

1 Yowannisi 5:3

Yeerin no shunnaa beetoyich, bi getoon ceechaabeeto noone; Yeer waanee shiijjeto bulli hini alemoon kochii wochii bi beetoyich, bi geto maggoo toonoone. Hini alemoon kochaa no wochaabeeto bi toommooch no mullee tooꞌiyoonane.