Luqaasi 7:44 - Kafa Linguistics Project

⁴⁴ Aroochee ure waan guuddiꞌi Simoonich ishichiye: “Hini ureen beeggaa beetine? Ne kexooch iibboo tunaꞌa ta waataa, aaconona ta baatoyich giddiyaano neene; tunebaani hini ure bi acimoon ta baatee toommooch ukkitine; bi qelli eexonoo hiditine.

Luqaasi 7:44 ပူးပေါင်းရင်းမြစ်များ

Halloo 18:4

Hini michi yiirooch kote kashebote. Giisheche aaco waataa ittoshi baatoon machebote.

Halloo 19:2

ishichiinoo iye: “Ta dooninaꞌote, doogena ittoshi guuno ta kexooch shagote. Ittoshi baatoonoo macheree qeyemmo ittoshine; aroochee yaach maaddoona ittoshi gommon hammemmo ittoshine” iye. Boonoshiyoo “Tuneyaache. Hini addibaaboochiye no qeyemmo” iyeete.

Halloo 43:24

Kechi ukkiroo asheenaꞌon Yooseefi kexooch giijjiye; baatee aacon bi giddiitaa boonoshi baatoon macheheete; boonoshi kureenaꞌoyichoo gaferoon immiye.

2 Saameeli 11:8

Daawitiyoo Uuriyin “Ne kexooch hamiree ne baatoon machebe” iye. Uuriyi taatoo kexoochee kechimmona, taatoo bi maaddoochee maayoon bi hillooch dabbii daachiihe.

Luqaasi 7:38

Waa bi gubbaa Yesuusichi baatee gaꞌooch yittaachaa eeppaabee acimoon bi baatooch ukkiyan; bi qelli eexonoo Yesuusichi baatoon hidiyan; hidaꞌa shummahan; are cinnechi shittoonoo bi baatooch huuttahan.

Luqaasi 7:43

Simooni wochiꞌi, “Wodde gijjoon bi qajjiti hiishecho shaahiye” iye. Yesuusiyoo “Iberoon nallitine” iye.

Yowannisi 13:5

Aree hillooch aachi kite qiicoona aacon uubbiꞌi bi dabbeenaꞌochi baatoon mayonaa bi eddeti qoreddoona hidii shokkiyoonooch giyiye.

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

Yaaqobi 2:6

Tunebaani ittoshi girechinaꞌon coonehote. Ittoshin xuqqii beetinaꞌo gaannechinaꞌo tooneenaꞌone? Nallee gabberee aafooch ittoshin geechii beetinaꞌo boonoshi tooneenaꞌone?

Woraaferasheenaꞌo 19:21

Bi kexooch daammii giijjiye. Kureenaꞌoyich boonoshi maayemmon immiye. Iibbeenaꞌoo boonoshi baatoon macheheete; maa uchiinoo iyeete.

1 Saameeli 25:41

Biyoo tiyaa baroona showooch guufeechaa, “Ta bi gonnee biich maddoonaa bi naayinaꞌochi baatoon mayonoyich qanniti taane” iyan.