Luqaasi 7:33 - Kafa Linguistics Project

³³ Aacona Afaallechi Yowannisi koshon maataanoon, woyinee uyoon uyaanoon bi waataa, ittoshi ‘Hini yinnechone’ iyote.

Luqaasi 7:33 ပူးပေါင်းရင်းမြစ်များ

Maatiyoosi 10:25

Dabbito biin dabbiitochoommon, guuno bi doonochoommon tuno biich beddiye. Kechi doonon ‘Beelzebuli’ boonoshi itoyee, bi kechi ashoon am shaahoon beshiiree getteeheete” iye.

Maatiyoosi 3:1

Ebiyee gubb, Aacona Afaallechi Yowannisi Yihudee barahooch waaꞌi, “Shimaajji taatittine ittoshi kellooch shaggetine; ebich axaaxee gommoochee Yeer waan wottebote” iꞌi getooch giyiye.

Maatiyoosi 3:4

Yowannisi gaalechi eexoochee shippeti tahoon tahee beehe; wotta gooqqoochee shuuneeti shachoon cuyee beehe; bi maayoo gechoonaa bobbiyee eeyonane.

Maariqoosi 1:6

Biyoo gaalee eexoochee shippeti qoreddoon taheꞌi gooqqoochee shuuneeti shachoon cuyee beehe; gecheenaa bobbiyee eeyonon maa beehe.

Luqaasi 1:15

Biyoo Doonochi aafooch oogemmone; wotta woyinee uyoonaa mashiibeeti bare uyo bullinon uyaachemmone; shiijjeyaanoon bi indee maacooch beebee, Yaafe Ayaanoona ceennemmone.

Luqaasi 7:32

Gabiyee godooch koteebeeti bushiisheenaꞌoniye boonoshi shaahiibeeto; boonoshinaa boonoshina ceegeebee, ‘Emiree shumburoon ittoshich huggehone; tunebaani ittoshi duubaachote; muushenee shooshoon shooshehone; tunebaani ittoshi eefaachote’ ii beeti bushiishoomminaꞌone.

Luqaasi 7:34

Ashi Bushoo maabee, uchiibeenoo bi waataa, ‘Hini maayoonaa uyoonochi buujjoone; wotta gabiyee guudeenaꞌonaa axaaxechinaꞌonochi shunechone’ iyote.

Yowannisi 10:20

Boonoshi daggoochee meetinaꞌo “Yinnechone; geyetone; amoyich bi yibbaatoon waayee beetote?” iyeete.

Yowannisi 8:48

Ayihudeenaꞌo wochiꞌi, “Shamaarecho ne tunoon, yinnoo ne toommooch beemon no geto iberoo toone?” iyeete.

Yowannisi 8:52

Ayihudeenaꞌo “And ne toommooch yinno beemon xiishaa ariito noone. Abrahami qititone; wotta keemechinaꞌoo qititinaꞌone. Tunetaa ne ‘Ta gettaa beeton ceechiibeeto koniyoona bi beegaata, cir qitaachemmone’ ii beetine.

Mishiraachechinaꞌo 2:13

Tunebaani bareenaꞌo “Uchii masheꞌiniye” iibee cooqqirii cooneheete.