Luqaasi 7:16 - Kafa Linguistics Project

¹⁶ Asheenaꞌo bulli oogichii shattiꞌi boonoshinaa boonoshina “Yeeri ooge keemechon no daggoochee kaacciꞌi neechitone” iyeete. Wotta “Yeeri bi asheenaꞌon ciinnitone” iibee Yeerin galleteheete.

Luqaasi 7:16 ပူးပေါင်းရင်းမြစ်များ

Shoddo 65:9

Amiyon dichoona showeyich aaxxiyaabeeto ne tunoon bekkiihine; oogeton bi gaannemmoyich tuniihine; Doono Yeero, showee maayoon bi immemmoyich tuniyoyich, aacinaꞌo shappii ariyaaneenaꞌone; ebiyoommo bi tunemmoyich tuniihine.

Keyo 4:31

Boonoshiyoo iberiiheete. Doono Yeeri boonoshich qaakkeebeeto bi tunoonaa boonoshi xuuxoon beeggito bi tunoonon waayeꞌi, Doono Yeerich yittiꞌi goyinneheete.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Maatiyoosi 15:31

Ebich dofee asheenaꞌo noona miimeenaꞌo yibbaatetaa, dureenaꞌo wodaa, baata yesheenaꞌo shaꞌetaa, aaf doogeenaꞌo ciinaa beeggiꞌi worganeheete; Israꞌeelichi Nuggishoon galleteheete.

Maatiyoosi 21:11

Dofee asheenaꞌoo “Hini Galiilee showooch beeti Naazireeti katemoochee waati keemechi Yesuusine” iyeete.

Maatiyoosi 28:8

Genneenaꞌoo boonoshi shattitaa, oogichii emiriibee afaafinoona oppee xaaꞌoochee tiyiꞌi Yesuusi dabbeenaꞌoyich getta woceheete.

Maatiyoosi 9:8

Dofee asheenaꞌo ebin beeggiꞌi shattiyeete; ebiyoommi doonjittinoon ashich bi immitoyich Yeerin oogiiheete.

Luqaasi 1:65

Ebich boonoshi giyeenaꞌo bulli oogichiꞌi shattiyeete. Ebi mooyo bulli Yihudee showeexi geppechi katemoo bulliich waayeehe.

Luqaasi 1:68

“Israꞌeelee Nuggishoo Doono Yeeri galleteebe! Wonna yaafeeti keemechinaꞌochi noonoona bi gettitoommon, bi aagetoon wodiyoyich waaꞌi boonoshi qoodoon qocciichii biishetone; biich maddeebeeti Daawiti yaroochee giidechi wodiyechon nooch tiijjitone.

Luqaasi 19:44

Hini katemeexi asho ittoshinoo, ittoshi bushiishoonoo showoo maanjjemminaꞌone; xaqqo xaqqee toommooch keddeeree bi echemmoyich tuniyachemminaꞌone. Ebiyoo, Yeeri ittoshin wodiiya bi waati aaboon shalligoo ittoshi qajjitoyichiye” iye.

Luqaasi 2:20

Qiddeenaꞌoyich getteti mooyo ceenniye; ebich boonoshi waayetonaa boonoshi beeggito bullinoyich Yeerin oogiibee, galleteebeenoo wotteheete.

Luqaasi 24:19

Yesuusiyoo “Arochi amoone?” iꞌi echehe. Boonoshiyoo wochiꞌi ishichiyeete: “Yeerinaa asho bullinochi aafooch qaaroonaa shuunoona giidechi keemechi Naazireetechi Yesuusichi mooyone.

Luqaasi 5:26

Ebina asheenaꞌo bulli worganeheete; Yeerin oogiiꞌi, “Hanaach worganikkiti mooyon beeggeto noone” iibee oogichiꞌi shattiyeete.

Luqaasi 5:8

Simoon Pheexiroosi ebin beeggiꞌi Yesuusichi baatooch dihiꞌi, “Ta Doonocho, tayee wohe! Axaaxecho taane” iye.

Luqaasi 7:15

Qititi gurimaashoo bekkech motekkimii tiyii koteꞌi yibbaatehe. Areegaata Yesuusi bushoochi indeech “Ebeege ne bushoo” iꞌi immiye.

Luqaasi 7:39

Yesuusin ataalliti Farisoo ebin beeggiꞌi, bi mulloona “Hini keemecho bi gaata, hini bi baatoon yechaabeeti ure koni bi gaata, bi shuunoo amoommo gaata ariyeshone; biyoo axaaxechine” iꞌi gabiye.

Luqaasi 8:37

Ebi Gergeseenee showee asheenaꞌo bulli oogichiꞌi boonoshi shattitoyich, “No waanee hambe” iꞌi Yesuusin qolleheete. Ebich Yesuusi markabee toommooch kechii koteꞌi wottee hamma tiyiye.

Luqaasi 9:19

Boonoshiyoo wochiꞌi, “Ikkikkeenaꞌo ‘Hini Aacona Afaallechi Yowannisine’ ii beeteete; echeenaꞌo ‘Eliyaasine’, echeenaꞌoo wotta ‘Wonnee keemecho qitoochee tiyitone’ ii beetinaꞌone” iyeete.

Yowannisi 1:21

“Ishigaata, ne koni neene? Eliyaasi neene?” iꞌi echeheete. “Ta Eliyaasi toono taane” iye. “ ‘Woyemmone’ getteebeeti Keemecho neene?” iꞌi echeheete. “Toono taane” iꞌi wochiye.

Yowannisi 1:25

“Ishigaata, ne Kiristoosi woyee Eliyaasi woyee ‘Woyemmone’ getteebeeti keemecho ne toonee gaata, amoyichiye asheenaꞌon aacona ne afaallaabeeto?” iꞌi echeheete.

Yowannisi 4:19

Ure “Ta doonocho, keemecho ne tuno taach bekkeebeete.

Yowannisi 6:14

Arooch beeti asheenaꞌo Yesuusi tuniiti malletoon beeggiꞌi, “Iberoon hini uro ‘Alemooch woyemmone’ getteeti Keemechone” iyeete.

Yowannisi 9:17

Ebich Fariseenaꞌo wochiꞌi uroon “Ne aafoon ciichiiti uroochon ama gettenne?” iyeete. Biyoo “Keemechone” iye.

Mishiraachechinaꞌo 5:5

Hanaani ishin waayeꞌi bekkech dihiye; bi dihiti xaaꞌoochaa bi kasho kechiye. Ebin waayetinaꞌo bulli oogichii shattiyeete.

Mishiraachechinaꞌo 7:37

“Israꞌeeleenaꞌon ‘Yeeri, taanoommi keemechon ittoshi maneenaꞌochi daggoochee ittoshich kaaciree neechemmone’ iꞌi gettito hini are Muusine.

Galaati 1:24

ta nabonoo Yeerin galleteheete.

Yibbaatoo 18:15

Ne Nuggishoo Doono Yeeri ne maneenaꞌo daggoochee taanoommi keemechon neech tiijjemmone. Bi gettimmon waayebe.