Luqaasi 7:13 - Kafa Linguistics Project

¹³ Doono Yesuusiyoo ureen ciinniꞌi ayiniye; biinoo eeppaahine iꞌi goggiihe.

Luqaasi 7:13 ပူးပေါင်းရင်းမြစ်များ

Shoddo 103:13

Nihoo bi bushiishoyich bi ariqqoommon, Doono Yeeri biin shattii beetinaꞌoyich ariqqehe.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Erimiyaasi 31:20

Efreemi aaxxe ta bushoo toone? Ta kashoommi gaggeroo toone? Biin ta kaaremmi aabo bullin, wochii biin gabiyoye; ta maacee meeno biich qewetoyich biin ariqqemmo taane” iye Doono Yeeri.

Maariqoosi 8:2

“Hini asheenaꞌo taanna tookkii boonoshi koteto hanaach keejje qemone. Boonoshi maayemmo aalletoyich taan oogichii ayinikkitone.

Luqaasi 10:1

Ebiyee gubb, Doono Yesuusi aaraa gutte bi dabbeenaꞌoyee bare shabaa gutteenaꞌon ukkiriihe; gutti guttoo tuniiꞌi, bi hammemmi katemoonaa gafoo bullinooch biyee shiichiree boonoshi shaggemmoyich daachiihe.

Luqaasi 11:1

Ikke areddoon Yesuusi ikke xaaꞌooch corootii beehe. Corootoon bi ciichitoyee gubb, bi dabbeenaꞌoochee ikkoo tiyiꞌi, “Doonocho, Yowannisi bi dabbeenaꞌon bi dojjitoommon ama getiree no corootemmo gaata noon dojjibe” iye.

Luqaasi 11:39

Tunebaani Doono Yesuusi biich ishichiye: “Farisoo tuneti asho ittoshi bulli xoofoonaa shaatoonochi qeddoon machiyote; tunebaani ittoshi maacooch bogoonaa gonde gaboona ceennitone.

Luqaasi 12:42

Doono Yesuusiyoo ishichiye: “Illa heeyi maayoon boonoshich qaawiimmi saatoona bi immemmoyich, doono bi kechi asheenaꞌo toommooch bi ukkiriiti gibeneeti mullechi wochee bushoo konine?

Luqaasi 13:15

Arooba Doono Yesuusi tiyiꞌi, “Hini ittoshi maacoon xalloo shaahiibeeti asheenaꞌote! Ittoshi daggoochee shambetooba bi gattoon woyee bi kuroon bi tippetoochee biichiꞌi aaco uchiya daamaano konine?

Luqaasi 17:5

Mishiraachechinaꞌo Doono Yesuusin “Ne toommooch mullee tooꞌiyoon nooch daakkibe” iyeete.

Luqaasi 17:6

Biyoo wochiꞌi boonoshich ishichiye: “Shanaafee aafeyoommi giisheche mullee tooꞌiyoo ittoshich bi beemmo gaata, hini neexeꞌi beeti caaree mixon ‘Cammona waaxeree baharooch hamiree becheebe’ ittoshi getaa, biyoo ittoshich deꞌa getteshone” iye.

Luqaasi 18:6

Daakkiꞌi Doono Yesuusi ishichiye: “Are nallecho tuneti xumme uro gettiton waayebote.

Luqaasi 19:8

Tunebaani Zakiyoosi bulli aafooch neexeꞌi Doono Yesuusin “Ta Doonocho, taach beeto bulliichee qaton girechoyich wojjemmo taane; koninolla kootoon taggaꞌa ta deqqeto beegaata, awudde kishoon tuniiree wochemmo taane” iye.

Luqaasi 22:61

Doono Yesuusiyoo gubb wotteꞌi Pheexiroosin ciinniye; wotta “Hanaach baakkoo kuukkaahaa, keejje wottoon taan nookkemmo neene” iꞌi Doono Yesuusi biich gettiti qaaro bi mullooch tipphimiye.

Luqaasi 24:3

Tunebaani maac giyii ciinniꞌi, Doono Yesuusichi cahoon daneyaaneenaꞌone.

Luqaasi 24:34

Hini kiceeti asheenaꞌo “Iberoon Doono qitoochee tiyitone! Simoonich bekketone” iyeete.

Luqaasi 7:12

Are katemee kellooch bi katinnimmona, asheenaꞌo dubenoon shaageꞌi kechiyeete; qititi gurimaashoo bi indeech ikke mixxoone; bi indeyoo xuumeene. Are katemeexi dofee asheenaꞌo biinna tookkii beetinaꞌone.

Luqaasi 7:14

Giddeꞌi shaaꞌoon yechiye. Shaaggitinaꞌoo neexeheete. Yesuusiyoo qititi gurimaashoon “Hini gurimaashoocho, neen tibe ii beeto taane” iye.

Luqaasi 7:19

“ ‘Woyemmone’ getteeti Kiristoosi neenee, baroon quyebona? getiree echebote” iꞌi Doono Yesuus waan daachiihe.

Yowannisi 11:2

Hini are Maariyami shittoon Doono Yesuusichi baatooch ukkaachaa bi qelli eexona hiditi ureene; wotta biiyeti Alazaariyoo bi manoone.

Yowannisi 11:3

Ebich bi maneenaꞌo Maarittinaa Maariyamina “Ta Doonocho, ne shunnaabeeti Alazaari biiyetone” iꞌi bi waan wochoon daachiiheete.

Yowannisi 20:13

Boonoshiyoo “Haane, amoyichiye ne eeppaabeeto?” iyeete. Areyoo “Ta Doonon daammitinaꞌone; amooch boonoshi geddito gaata ariyaane taane” iyan.

Yowannisi 20:15

Yesuusiyoo “Haane, amoyichiye ne eeppaabeeto? Koniniye ne qaawiibeeto?” iye. Areyoo becheeti mixinaꞌon quyeebeeti uro biich bi shaahaa, “Ta doonocho, biin ne daammeto gaata, amooch ne geddeto gaata taach get; hamiree daambone” iyan.

Yowannisi 4:1

Arooba Yesuusi Yowannisiyee beshoon dofee asheenaꞌon bi dabbiyoonaa aacona bi afaalloonon Fariseenaꞌo waayeheete.

Yowannisi 6:23

Tunebaani [Doono galletetaa] koshon boonoshi maati xaaꞌee gaꞌooch beeti Xibaaridoosi katemoochee bare markabeenaꞌona hammiyeete.

1 Tasaloonqi 4:13

Andoo no maneenaꞌote! Gibenaalli bare asheenaꞌochoommon ittoshi ayinaachemmoyich, qititi asheenaꞌochon ittoshi ariyemmoyich shunnoye.

Hibireena'o 2:17

Ebich asheenaꞌochi axaaxoon maariyoyich, Yeerich bi maddoona ariqqechonaa gibeneetona tuneti qeeshee guudo bi tunemmoyich, mooyo bullina bi maneenaꞌon shaahoo biich qaawiitone.

Hibireena'o 4:15

Axaaxoon baach shuuneyaachalli, bulli gommona noochoommon daabiloosi biin gondoon shuuniiya qiiccetaa beeggitone; ebich no maraato biich waayeyaani, qeeshee guudo toonoone.

Woraaferasheenaꞌo 10:16

Aroochee dallaawe nuggisheenaꞌon boonoshi daggoochee wokkiichii, Doono Yeerich goyinnee maddeheete. Doono Yeeriyoo Israꞌeeleenaꞌochi duꞌoyich oogeton ayiniye.