Luqaasi 6:49 - Kafa Linguistics Project

⁴⁹ Wotta hini ta qaaroon waayeꞌi ceechaano, oppoon genjiiꞌi iiyaanoon, cikkii toommooch bi kexon haggiti uroommone. Ambamboo waahooba, aaco are kexon bi xuqqimmona, bekkech are kexo gugummii dihiye” iye.

Luqaasi 6:49 ပူးပေါင်းရင်းမြစ်များ

Shaahiyoo 28:18

Bi shaaddo kaamoo tuneti asho wodemmone; tunebaani xumme gommecho diqqoona dihemmone.

Hiziqeeli 33:31

Bulli aaboon boonoshi tunii beetoommon ta macceenaꞌo waaree ne aafooch kotemminaꞌone; ne gettaa beeton waayemminaꞌone; tunebaani tuniyaachemminaꞌone; boonoshi noonoona wodde shunoon bekkiiheete; tunebaani boono mulloona boono gaacoon dabbiyeete.

Hosee'i 4:14

Ittoshi maache bushiisheenaꞌo yahechinaꞌo, ittoshi naamecheenaꞌo shunimaayeenaꞌo boonoshi tunegaata boonoshin sheeraachemmo taane. Ebiyoo doonjo ittoshi yaafee kechi yahechinaꞌona tookkii yahii, boonoshina tookkii boonoshi nuggisheenaꞌoyich deejjii ittoshi beetoyichiye. Shalligaalli asho aallemmone.

Maatiyoosi 23:3

Ebich boonoshi gettiibeeto bullin tuniibote; ceechibote. Tunebaani boonoshi shuunee beeton shuuneyaahote. Ebiyoo boonoshi yibbaatee beeton boonoshi qelloona tuniyaaneenaꞌo boonoshi tunetoyichiye.

Maatiyoosi 24:10

Arooba meetinaꞌo taan qajjemminaꞌone; boonoshinaa boonoshina ikkoo ikkoon beshiiree immemmone; boonoshinaa boonoshina shixeyemminaꞌone.

Maariqoosi 4:17

Tunetaa cammon yeshaaneenaꞌo boonoshi tunetoyich yagaachemminaꞌone; Yeerichi qaaree naboona iritoo woyee duꞌo waahooba bekkech giinnii dihechinaꞌone.

Luqaasi 12:47

“Bi doonochi daaggoon ariibee qanniyaano, bi daaggitonoo tuniyaani are guuno oogichi xooppemmone.

Luqaasi 19:14

“Tunebaani are showee asheenaꞌo biin boonoshi shixxitoyich, ‘Hini uro no toommooch bi taatoon shunnaachone’ iꞌi bi hillooch biin taatiyemmo waan wochoon daachiiheete.

Luqaasi 19:27

Wotta boonoshi toommooch ta taatemmoyich shunaani ta shixechinaꞌon yeshiree taach hach deebote. Ta aafoochaanoo boonoshin guuribote’ iye” iꞌi gettiye.

Luqaasi 6:46

“Ta gettaa beeton ceechaachote. Illa amoyichiye ‘Ta Doonocho, ta Doonocho’ iꞌi taan ittoshi ceeggiibeeto?

Luqaasi 6:48

Biyoo oppoon genjii iijjiichii manje xaqqee toommooch manjiiꞌi bi kexon haggiti uroommone. Ambamboo waahooba, aaco are kexon xuqqiye; tunetaa gaawichaa bi hakketoyich, shuurikkoon cir hakkaache.

Luqaasi 7:1

Yesuusi biin elleebeeti meeti asheenaꞌoyich bi yibbaatoon bi ciichitoyee gubb, Qifirinaahi katemooch giyiye.

Yowannisi 15:2

Ta toommooch beechii aafeyaani ato bullin kuxi wokkiyemmone; aafoon aafeebeeto bullinoo woddiiree bi aafemmoyich qephemmone.

Mishiraachechinaꞌo 20:29

Hiniichee ta hammetoyee gubb, bageenaꞌoyich ariqqeyaachemmi gonde okereenaꞌo ittoshi daggooch boonoshi giyemmon ariibeeto taane.

Mishiraachechinaꞌo 26:11

Meeti areddoon Ayihudeenaꞌo kiceebeeti kexo bulliich deebaa sheeraabee, Yesuusin boonoshi nookkemmoyich qiiccaa beehoye. Oogichaa kaaraꞌa Ayihudee showoyee maach tuneti katemeenaꞌooch beddaahaa hammaꞌa boonoshin duꞌii beehoye” iye.

1 Tasaloonqi 3:5

Ebich wotta haaꞌiyoo taach hakkeyoo bi qajjitoyich, “Daabiloosi diqqich ittoshin dawushi dichi beeyemmone; no aayo duubo tuno qayaache” iyaꞌa Kiristoosi toommooch ittoshich beeti mullee tooꞌiyoona am shaahoon ittoshi manjito gaata ariyoyich wochaa daachiito taane.

2 Pheexiroosi 2:20

No Doononaa noon Wodiyechona tuneti Yesuus Kiristoosin ariiꞌi, hini alemee eeꞌe shuunoochee boonoshi kechitoyee gubb, wochinnoon are eeꞌe shuunoona olleeꞌi boonoshi yechegaata, aafi boonoshi beemoyee beshoon gubbi beemo sheeqqito tunemmone.

1 Yowannisi 2:19

Boonoshiyoo no daggeexinaꞌo tuno boonoshi qajjitoyich, no daggoochee kechiyeete. No magechinaꞌo boonoshi tuneto gaata, noonna tookki manjiree beeyeshinaꞌone. Ebina boonoshi bulli no magechinaꞌo boonoshi tunee qayo arichemmoyich, no waanee bariꞌi kechitinaꞌone.