Luqaasi 6:38 - Kafa Linguistics Project

³⁸ Imbote; ittoshi immitoyee beshoon ceennii beshiꞌi aphireton Yeeri ittoshich degi ceechiree immemmone. Ittoshi qeellee beetoommon Yeeri wochiree ittoshich qeellemmone” iye.

Luqaasi 6:38 ပူးပေါင်းရင်းမြစ်များ

2 Saameeli 19:36

Taatoo ebiyoommi mooyon taach tuniiya bi qaawiibeeto amoyichiye? Ne guuno ta, Yoordaanoosi aacoyee beqach besheree giisheche gommon baach neenna tookki hambona.

Asteeri 7:10

Ebich Mordokiyoosich bi qanniiti giimbooch Hamaanin yooddiyeete. Aroochee taatoochi ippo aqqehe.

Iyoobi 42:11

Bi anaami maneenaꞌo, maache maneenaꞌonaa bi aricheenaꞌo tuneti asheenaꞌo bullina biin beegga waaheete; bi kexoochaa biinna tookkii maa uchiyeete; Doono Yeeri bi toommooch deebiti xuuxoyich ayiniyeete; biinoo goggiiheete. Boonoshi ikkikkoona xure birewoonaa aachee qalibetoonon biich immiyeete.

Shoddo 79:12

Ta Doonocho, no giyeenaꞌo neen boonoshi hoxetoyich, shabaatte kishoon boonoshi toommooch wochibe.

Keyo 21:24

aafoon dookkito bi tunegaata, bi aafo dooge; gashoon tiichito bi tunegaata, bi gasho tiishebe; kishoon tiichito bi tunegaata, bi kishoo tiishebe; baatoon tiichito bi tunegaata, bi baatoo tiishebe;

Shaahiyoo 10:22

Doono Yeerichi diiroo gaannechon tuniihe; ayinoonoo arooch daakkaache.

Shaahiyoo 19:17

Girechoyich immiibeeto, Doono Yeerich erettiihe; Doono Yeeri bi shuunee gaacoon biich gaaccemmone.

Shaahiyoo 22:9

Bi maayoochee girechoyich bi qooditoyich, wojjechi asho diireyemmone.

Erimiyaasi 32:18

humeenaꞌoyich ne shoodoon bekkiihine; tunebaani niheenaꞌochi xuꞌoyich boonoshiyee gubbi boonoshi bushiisheenaꞌon sheerihine; oogechi, hakkechi Nuggishoocho, ne shigo Beshe Mawe Doono Yeerine.

Maatiyoosi 10:42

Koniyoona hini gishiisheenaꞌoochee ikkoo ta dabboo bi tunetoyich gare aaconona immiibeeto, iberoon ittoshich gettoye, wojjoon mucceyaachemmone” iye.

Maariqoosi 4:24

Wotta Yesuusi boonoshich ishichiye: “Elleree waayebote; ashich ittoshi qeellee (shafirii) beetoommon Yeeri wochiree ittoshich qeellemmone; beshoon daakkiree ittoshich immemmone.

Luqaasi 6:30

Duꞌeꞌi neen qollemmo bullich imbe; ne gijjoon daammimmoo wochi neech bi immemmoyich echeyaahine.

Yibbaatoo 15:10

Ne kishoon maggii, mulloochee tiijjiree biich imbe. Ebina Doono Yeeri ne kishoona ne shuuneti mooyo bullina neen diiremmone.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.

Woraaferasheenaꞌo 1:7

Adon Bezeeqiyoo “Boonoshi kishee indecheenaꞌonaa baatee indecheenaꞌona kucheti shabe taateenaꞌo ta madee ooyoon maciibee echetinaꞌone. Ebi boonoshi toommooch ta tuniitoommon, Yeeri ta toommooch tuniitone” iye. Biinoo Yerusaalem daammiyeete. Biyoo aroochaa qitiye.