Luqaasi 6:36 - Kafa Linguistics Project

³⁶ Illa ittoshi Nihoo Yeeri ariqqecho bi tunetoommon ittoshiyoo wotta ariqqechon tunebote” iye.

Luqaasi 6:36 ပူးပေါင်းရင်းမြစ်များ

Maatiyoosi 5:48

Illa shimaayeexi ittoshi Nihoo Yeeri deꞌo bi tunetoommon, ittoshiyoo wotta deꞌoon tunebote” iye.

Luqaasi 6:35

Tunebaani ittoshin shixxii beetinaꞌon shunote; boonoshich deꞌoon shuunebote; ‘Amoonolla taach gaaccemmone’ getiree gibenaayi, boonoshich erettiibote. Ooge wojjoon danemmo ittoshine; Beshoo Yeerichi bushiishoonoo tunemmo ittoshine; ebiyoo Yeeri biin galleteyaaneenaꞌonaa gondeenaꞌonoyich maac deꞌo bi tunetoyichiye.

Luqaasi 6:37

“Ashi gondoon hadiyaahote; Yeeri ittoshi gondoon haddaachemmone. Ashi toommooch nalliyaahote; Yeeri ittoshi toommooch nallaachemmone. Ashi xuꞌoon maaribote; Yeeri ittoshi xuꞌoon maaremmone.

Efesooni 4:31

Caamittino, ippo, kaaro, caagoonaa naagoona, gondo bullina tookki ittoshi waanee ciroona wohe.

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.