Luqaasi 6:23 - Kafa Linguistics Project

²³ “Ebiyee aaf boonoshi qaabbechinaꞌo ebiyoommon keemechinaꞌon duꞌiitinaꞌone; ebich ooge wojjoon shimaayoochaa Yeeri ittoshich immemmo bi tunetoyich, ittoshin boonoshi duꞌiimmi aabooba emiroona wucwucote; caphebote.

Luqaasi 6:23 ပူးပေါင်းရင်းမြစ်များ

2 Saameeli 6:16

Doono Yeerichi taabooto Daawiti Katemooch giyii bi beetaa, Saaꞌooli bushee Mikaali mallee kelloona ciinnaa beehan. Taatoo Daawiti taabootee aafooch capphii duubbii bi beetaa beeggaꞌa, bi mulloona biin hoxahan.

1 Taateenaꞌo 18:4

Elizabeeli Doono Yeerichi keemechinaꞌon bi wuxiihooba, Abidiyi keemechi balle asheenaꞌon daammiꞌi, aachi aachoon gutte xaqqee gofooch aachiichii, koshonaa aaconon immii beehe.

1 Taateenaꞌo 19:10

Biyoo, “Beshe Mawe Nuggishoo Doono Yeeri neech oogichaa qanaateto taane. Israꞌeeleenaꞌo neenna tookkii boonoshi giyiti wogoon biichitinaꞌone; ne deejjee gudeenaꞌon happitinaꞌone; ne keemechinaꞌonoo goraadoona wuxitinaꞌone. Ta ikkeeto baach, echeto taane. Taanoo wuxoyich qaawii beetinaꞌone” iye.

1 Taateenaꞌo 19:14

Biyoo, “Beshe Mawe Nuggishoo Doono Yeeri neech oogichaa qanaateto taane. Israꞌeeleenaꞌo neenna tookkii boonoshi giyiti wogoon biichitinaꞌone; ne deejjee gudeenaꞌon happitinaꞌone; ne keemechinaꞌonoo goraadoona wuxitinaꞌone. Ta ikkeeto baach, echeto taane. Taanoo wuxoyich qaawii beetinaꞌone” iye.

1 Taateenaꞌo 19:2

Elizabeeliyoo, “Ebi keemechinaꞌo toommooch ne tuniitoommon, yaach ebi goora ne toommooch tuniyoo ta qayigaata, nuggisheenaꞌo ta toommooch ebin tuniibeete; ebinoo daakkibeete” iyaꞌa Eliyaas waan wocheyechon daachiihan.

1 Taateenaꞌo 21:20

Akaabi Eliyaasin beeggiꞌi, “Ta ettoocho, batt taan danenne?” iye. Eliyaasiyoo biich wochiꞌi ishichiye: “Eeha, Doono Yeeri aafooch gonde shuunoon shuunoyich ne qelloon kemmeto ne tunetoyich, neen daneto taane.

1 Taateenaꞌo 22:27

Aroochee, ‘Taatoo, “Diggoona ta wottemmi wottoon, ebi uroon cuyee kexooch gedote; dapphe koshonaa aaconoyee besh amoonolla biich immaahote” itone’ getote” iye.

1 Taateenaꞌo 22:8

Yoshafaaxich Israꞌeelee taatoo, “Biinna Doono Yeerin no echaabeeti ikke uro beetone; biyoo Imilaahi bushoo Mikiyaasine. Tunebaani taach bi keemmiibeeto gondoonani, deꞌoon tuno bi qajjitoyich, biin shixxoye” iye. Yoshafaaxiyoo, “Taatoo ishichaaye” iye.

2 Taateenaꞌo 6:31

Taatoo ishichiye: “Shafaaxi bushoo Elisayichi qettoo kucheyaanoon qeyigaata, Yeeri taan eechibe; ta toommoochoo ebin daakkibe” iꞌi miichehe.

2 Kiinoo 36:16

Tunebaani boonoshi, Doono Yeerichi wocheyechinaꞌon cooneheete; bi qaaroonoo hoxeheete; bi keemechinaꞌonoo qallayiyeete. Ebich Doono Yeeri kaaro bi maccee toommooch kindiye; ebi shaahe kaaroochee muricon hakkaaneenaꞌone.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Shoddo 58:11

Ebiyooba asheenaꞌo “Iberoochaa cadiqe ashich bi shuunee gatiyoo beetone; showee toommooch nallechi Nuggishoo beetone” gettemminaꞌone.

Isiyaasi 35:6

Baata tiisheenaꞌo xiixxechoommon capphemminaꞌone; dudoochi heciyoo emiroona shoddemmone; aaco barahoochee kechemmone; aachi xuupho barahoochee xuupphemmone.

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 5:12

Yeeri ooge wojjoon shimaayoochaa ittoshich immemmo bi tunetoyich, emiribote; emiroona wucwucote. Ittoshiyee aaf beeti keemechinaꞌon ebiyoommon duꞌiitinaꞌone” iye.

Luqaasi 1:41

Elsabeexiyoo Maariyamichi diggiyee qaaroon bi waayemmona, yeqqefoo bi maacoochaa tuguceeꞌi capphiye. Bekkech Elsabeexi Yaafe Ayaanoona ceennaꞌa,

Luqaasi 1:44

Ne diggiyee qaaroon bekkech ta waayemmona, yeqqefoo ta maacoochaa emiroona capphitone.

Luqaasi 6:35

Tunebaani ittoshin shixxii beetinaꞌon shunote; boonoshich deꞌoon shuunebote; ‘Amoonolla taach gaaccemmone’ getiree gibenaayi, boonoshich erettiibote. Ooge wojjoon danemmo ittoshine; Beshoo Yeerichi bushiishoonoo tunemmo ittoshine; ebiyoo Yeeri biin galleteyaaneenaꞌonaa gondeenaꞌonoyich maac deꞌo bi tunetoyichiye.

Mishiraachechinaꞌo 14:10

bi qaaroon oogichiꞌi uroon “Tiyi kaameree neexebe” iye. Uroo kotoochee capphiꞌi tiyii neexehe; okk hach wottee shaꞌehe.

Mishiraachechinaꞌo 3:8

kotoocheenoo capphiꞌi tiyii neexehe; okk hach wotteenoo shaꞌehe. Aroyee gubb shaꞌeebee, capphiibee, Yeerin galleteebeenoo, Pheexiroosinaa Yowannisina tookkii yaafee kexooch giyiye.

Mishiraachechinaꞌo 5:41

Ebich mishiraachechinaꞌo Yesuusichi shigoyich hoxeyoyich bedditinaꞌo tuneꞌi boonoshi haddeetoyich emiriibee Ayihudee nallechinaꞌo aafoochee kechiyeete.

Roomi 5:3

Tunebaani ebi ikkeetona baach toonoone; iritoo haaꞌiyoon, haaꞌiyoo qocee gaawoon, qocee gaawoo gibenoon immemmo bi tunoon ariibee, no iritoonoo wotta geeciyone.

2 Qorontoosi 12:10

Illa giidoon ta danemmo, hakka guutoo ta tunehoobane; ebich Kiristoosicha iyaꞌa ta maraategaata, ta naakkegaata, ta iritee gaata, ta duꞌegaata, ta xuuxegaatoo, oogichii taan emirikkiye.

Qolaasiyaasi 1:24

Andoo ittoshi naboyich ta toommooch shaggiti iritoyich emiriyoye; ebiyoo Kiristoosichi ashittino tuneti kittinnee guuphochi naboyichiye; Kiristoosi xuuxetoommon bi shuunee naboona ta toommooch shaggiibeeti xuuxoon haaꞌiibee bi xuuxoon ceechiibeeto taane.

2 Ximootiyoosi 2:12

Wotta xuuxoonaa duꞌoonon no haaꞌiigaata, biinna tookkiree taatemmo noone; biin no nookkegaata, bi wotta noon nookkemmone.

Hibireena'o 11:6

Asho koniyoona mulloon Yeeri toommooch tooꞌiyaanoon Yeerin emirikkoon hakkaache; Yeer waan giddeebeeti asho Yeeri beemon, biin qaawii beetinaꞌoyichoo bi wojjoon wojjiibeeto bi tunoon iberiyoo biich qaawiihe.

Yaaqobi 1:2

Ta maneenaꞌote! Baribare iritoo ittoshi toommooch bi shagiyooba, Kiristoosi toommooch mulloon tooꞌiyoona ittoshi manjoo haaꞌiyoon immiibeeto bi tunoon ariiree, ebiyoommi iritoon ceeni emiroommon shaahiree ciinote.

1 Pheexiroosi 4:13

Tunebaani bi oogee yiiroo gaxxeehooba oogichi ittoshi emiremmoyich, and kiristoosichi xuuxee qoodeyecho ittoshi tunetoyich emiribote.

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.

Yaaꞌoo 2:26

“Gondoochi giidoon kochii wochitonaa yemeenee ciirooch beddaahaa ta daaggoon ceechii shuunetonon, ta Nihoo taan taatiyoommon aageteenaꞌo toommooch taatiyemmo taane. Biyoo xuuree gumboona boonoshin hajjemmone; nuuqqee qiicoochoommon boonoshin buriccemmone;

Yaaꞌoo 2:7

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.

Yaaꞌoo 21:7

Gondoochi giidoon kochii wochito ebin woraashemmone; biich Nuggishoon tunemmo taane; biyoo ta bushoon tunemmone.

Yaaꞌoo 3:12

Gondoochi giidoon kochii wochiton ta Nuggishoochi yaafee kechi cangiyoommon tuniyemmo taane. Gubbich ciroona aroochee keyaachemmone; ta Nuggishoochi shigoon, ta Nuggishoochi katemee shigoon, ebi getoo shimaayooch beeti ta Nuggishoo Yeer waanee kindemmi andire Yerusaalemi shigoon, wotta andire ta shigoon bi toommooch kooremmo taane.

Yaaꞌoo 3:5

Gondoochi giidoon kochii wochito ebiyoommon nacce tahoon tahemmone. Bi shigoon kashee macaafoochee hidaachemmo taane; ta Nihoonaa bi maraakeenaꞌonochi aafoochaa bi shigoon arichiyemmo taane.