Luqaasi 6:20 - Kafa Linguistics Project

²⁰ Yesuusi bi dabbeenaꞌon ciinniꞌi boonoshich ishichiye: “Hini girechinaꞌote, diireeto ittoshine; Yeerichi taatittine ittoshichine.

Luqaasi 6:20 ပူးပေါင်းရင်းမြစ်များ

Shoddo 37:16

Gondeenaꞌoyich beeti meeti gaannoyee, cadiqoyich beeti giishecho beshiye.

Shaahiyoo 16:19

Geecechinaꞌona tookkii kecoon qoodeyoyee, girechinaꞌona tookkii qelloon giishiiꞌi beemo gaawiye.

Shaahiyoo 19:1

Bi heciyoon guttiibeeti mullaalli ashoyee, oonneyaani beemon beeti girecho gaawiye.

Isiyaasi 29:19

Girechinaꞌonaa boonoshi qelloon giishii beetinaꞌona, Israꞌeelee Yaafoo tuneti Doono Yeeri immiibeeti emiroon wochinnoon danemminaꞌone.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Sofoniyaasi 3:12

Ittoshi daggooch boonoshi qelloon yittiibeeti gaꞌi deꞌe asheenaꞌon echiyemmo taane; boonoshiyoo ta shoobooch giyemminaꞌone.

Zakaariyaasi 11:11

Ebiyooba wogo happeehe. Ta tuniiton beeggiti, bageenaꞌon kemmii kemee beetinaꞌo ebi Doono Yeerichi qaaro bi tunoon ariiheete.

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Maatiyoosi 25:34

“Taatoo qanne badd beetinaꞌoyich ishichemmone: ‘Hini ta Nihoo diiritinaꞌote, wobote! Yeeri alemoon bi hallitoochee tiijjiꞌi ittoshich bi qanniiti taatittineech giyiree woraashibote!

Maatiyoosi 5:1

Yesuusi dofee asheenaꞌon beeggiꞌi geppooch kechii kotehe. Arooba bi dabbeenaꞌo bi waan giddeheete.

Luqaasi 12:32

“Hini giisheche ta shiisheenaꞌote, shattaahote. Bi taatittineen ittoshich imoyich ittoshi Nihoo Yeeri oogichiꞌi emiritone.

Luqaasi 13:28

“Abrahaminaa Yisaaqina, Yaaqobinaa keemechinaꞌo bullina Yeerichi taatittineech giyii boonoshi kotoon ittoshi beegiyooba, ittoshiyoo maaxooch dupperee echeechi, aroochaa eefonaa gashee qaayona ittoshich tunemmone.

Luqaasi 14:15

Arooba arooch Yesuusina tookkii kotetinaꞌo daggoochee ikkoo bi gettiton waayeꞌi, “Yeerichi taatittineech giyiree gifiroon maayemmo diireetone” iye.

Luqaasi 16:25

“Tunebaani Abrahami wochiꞌi, ‘Ta bushoochoo, showee toommooch ne beehooba, deꞌe mooyo bullin ne danoon shalligibe. Ebiyoommon wotta Alazaari showee toommooch bi beehooba, magge iritee toommooch bi beemonoo shalligibe. Tunebaani Alazaari and hiniichaa bi ayinoon shoottitone; newoo xuuxaabeeto neene.

2 Qorontoosi 6:10

Ayinikkiti mooyo no toommooch bi shaggitaa, bulli aaboon emiriyone; girecho no tunetaa, meetinaꞌon gaannecho tuniihone; amolla nooch aallo bi tunetaa, bulli mooyo noochone.

2 Qorontoosi 8:2

Wodde xuuxoon beeggitinaꞌone; tunebaani amoommon boonoshi giretaanona, boonoshi emiroo besho bi tunetoyich, beshaa beshiiꞌi immitinaꞌone.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.

1 Tasaloonqi 1:6

Wotta wodde iritoo ittoshi toommooch bi shaggitaanona, Yaafe Ayaano ittoshich immiti emiroona mishiraachee qaaroon iberiiꞌi, noonnaa Doono Yesuus Kiristoosinochi qocoon dabbito ittoshine;

2 Tasaloonqi 1:5

Ebi bulli Yeerichi kaame nalloo bi tunooniye bi bekkiibeeto. Wotta biicha iꞌi xuuxoon ittoshi beeggiibeeti, Yeerichi taatittinee shimaajji kexooch gimoyich bedditon tune haddeyemmo ittoshine.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

Yaaꞌoo 2:9

Ne toommooch shaggiti duꞌoon, ne giroonoo ariibeeto taane; tunebaani gaannecho neene. Ayihudo tuneyaanoon ‘Ayihudo noone’ ii beeti, Sheexaanoyichoo maddeebeeti guupho ne shigoon gondiyoon ariibeeto taane.

1 Saameeli 2:8

Biyoo girechon buttoochee tiijjiye; gittoonoo tulloochee tiijjiye. Iraasheenaꞌona tookkii boonoshin kotiihe; oogee qeenonoo boonoshich woraashiihe. Showee tuugeenaꞌo Doono Yeerichinaꞌone; boonoshi toommooch showoon kotiihe.