Luqaasi 6:2 - Kafa Linguistics Project

² Fariseenaꞌo daggoochee ikkikkeenaꞌo “Amoyichiye shambetoona Muusichi Sheeroo bajjiton ittoshi shuuneebeeto?” iꞌi echeheete.

Luqaasi 6:2 ပူးပေါင်းရင်းမြစ်များ

Keyo 22:10

“Ikke asho ashi kuroon woyee gattoon woyee bagoon woyee emmishoon woyee bare gijjoon adero quyee bi beetaa, ebi gijjoo qitigaata woyee bi quumoochee tiishegaata woyee asho beegaan beetaa bare asho gashee daamigaata,

Keyo 31:15

Shiritte qemon shuunoon shuunemmo ittoshine; tunebaani shabaattinnee qemo, kashe ittoshi heechemmi, Doono Yeeri taach yaafeeti shambetoone. Shambetee aabooba shuunoon shuunemmo koniyoona qitibe.

Keyo 35:2

Shiritte qemon shuunoon shuunemmo ittoshine; tunebaani shabaattinnee qemo, kashe ittoshi heechemmi, Doono Yeeri taach yaafeeti shambetoone; arooba shuunoon shuunemmo koniyoona qitibe.

Isiyaasi 58:13

Doono Yeeri ishichiye: “Shambetee doyoon shaaddoochee ittoshi baatoon ittoshi wochigaata, yaafeeti aabooba ittoshin emirikkii beeton tuniyoochee ittoshi wottegaata, shambetoon emirikkito, Doono Yeerich yaafeeti aaboon oogoo ittoshi getigaata, ittoshi kaatta hamon qajjiꞌi ittoshi oogiigaata, ittoshin emirikkii beeton qaawoo ittoshi qayigaata, duube yibbaatoon ittoshi qayigaata,

Maatiyoosi 12:2

Kuxxii boonoshi maa beetaa, Fariseenaꞌo beeggiꞌi Yesuusin “Ebiyoche, shambetee aabooba Muusichi Sheeroo bajjiton ne dabbeenaꞌo tunii beetinaꞌone” iyeete.

Maatiyoosi 15:2

“Ne dabbeenaꞌo no qaabbechinaꞌochi doyoon amoyichiye boonoshi shaaddeebeeto? Maayoon mamoyich boonoshi giddee beegaata, no doyoochoommon boonoshi kishoon macheyaacheete” iꞌi echeheete.

Maariqoosi 2:24

Fariseenaꞌo Yesuusin “Eke ebin ciine! Shambetoona Muusichi Sheeroo bajjiton amoyichiye boonoshi shuuneebeeto?” iꞌi echeheete.

Luqaasi 5:33

Ebi are asheenaꞌo Yesuusich “Yowannisi dabbeenaꞌo meeti areddoon coomii corootii beetinaꞌone; wotta Fariseenaꞌochi dabbeenaꞌo ebiyoommon coomii corootii beetinaꞌone. Tunebaani ne dabbeenaꞌo coomaacheete; cikkii maa uchiyeete” iyeete.

Yowannisi 5:16

Ebich shambetooba eboshin bi shuunetoyich, Ayihudee ukkireenaꞌo Yesuusin duꞌii beeheete.