Luqaasi 6:13 - Kafa Linguistics Project

¹³ Showoo harimmona, biin dabbii beetinaꞌon bi waan ceeggiye; boonoshi daggoochee aaraa gutteenaꞌon kaacciye; boonoshinoo “Mishiraachechinaꞌo” iꞌi shigiihe.

Luqaasi 6:13 ပူးပေါင်းရင်းမြစ်များ

Maatiyoosi 10:2

Hini are aaraa gutte mishiraachechinaꞌochi shigo, batti batt Pheexiroosi getteebeeti Simooni, bi manoo Indiriyaasi, Zebidiyoosi bushiisheenaꞌo Yaaqobinaa Yowannisina,

Maatiyoosi 19:28

Yesuusiyoo boonoshich wochiꞌi ishichiye: “Iberoon ittoshich gettoye: Bulli mooyo andiremmi yemeenooba Ashi Bushoo oogee yiiree taatee qeenooch bi kotehooba, taan dabbiibeeti ittoshi wotta aaraa gutte taatee qeenooch koteree aaraa gutte Israꞌeelee yoodeenaꞌo toommooch nallemmo ittoshine.

Maatiyoosi 9:36

Dofee asheenaꞌo qiddaalli bagoochoommon dego mucceꞌi boonoshi iriteyoon beeggiꞌi bi maacoona miccii ayiniye.

Maariqoosi 6:30

Ebiyee gubb, mishiraachechinaꞌo boonoshi hammitoochee wotteꞌi ikkooch Yesuus waan giddeꞌi, boonoshi shuunetonaa boonoshi dojjito bullinon biich gettiyeete.

Maariqoosi 6:7

Yesuusi aaraa gutte bi dabbeenaꞌon bi waan ceeggiꞌi gutti gutteree boonoshi hammemmoyich wochehe; yinneenaꞌon ashi toommoochee boonoshi yookkemmoyichoo ukkirittinoon boonoshich immiye.

Luqaasi 11:49

Ebich Yeerichi shalligoo ishichiye: ‘Boonoshi waan keemechinaꞌonaa mishiraachechinaꞌonon daachiyemmo taane; boonoshi daggoochee ikkikkeenaꞌon wuxemminaꞌone; ikkikkeenaꞌon duꞌiyemminaꞌone’ itone.

Luqaasi 6:14

Boonoshiyoo Pheexiroosi iꞌi bi shigiiti Simooni, bi manoo Indiriyaasi, Yaaqobi, Yowannisi, Filipphoosi, Baritelemoosi,

Yowannisi 4:33

Ebich bi dabbeenaꞌo boonoshinaa boonoshina “Bi maayemmi maayoon asho biich deebiꞌi tunehe?” iyeete.

Mishiraachechinaꞌo 1:13

Katemooch shaggiꞌi, boonoshi beeti, kechi toommeexi kexooch kechiyeete. Boonoshiyoo Pheexiroosi, Yowannisi, Yaaqobi, Indiriyaasi, Filipphoosi, Toomaasi, Baritelemoosi, Maatiyoosi, Ilfiyoosichi bushoo Yaaqobi, bi aagetoyich qanaatechi Simooni, Yaaqobichi bushoo Yihudi, eboshine.

Efesooni 2:20

Mishiraachechinaꞌonaa keemechinaꞌona baashiti baashee toommooch hakketo ittoshine; kexon tuuggii neechiibeeti giimbee guummoo Kiristoos Yesuusine.

Efesooni 4:11

Aroo ikkikkeenaꞌo mishiraachechinaꞌo, bareenaꞌo keemechinaꞌo, bareenaꞌo mishiraachee qaaree gettechinaꞌo, bareenaꞌoo qiddeenaꞌonaa dojjechinaꞌona boonoshi tunemmoyich asheenaꞌoyich wojjoon immiye.

Hibireena'o 3:1

Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

Yaaꞌoo 12:1

Arooba oogeton worganikkiti mooyo shimaayooch bekkehe; aabeen taheti, ageneen bi baatee dechiich geddeti, aaraa gutte xojjenechi gubbichoon bi qellooch uketi ikke ure beehan.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Yaaꞌoo 21:14

Are katemeechi uxeroo shuuneeto aaraa gutte xaqqeenaꞌo toommoochiye; ebi aaraa gutte xaqqeenaꞌo toommooch Bagoochi aaraa gutte mishiraachechinaꞌochi shigo kooreetone.