Luqaasi 5:22 - Kafa Linguistics Project

²² Tunebaani Yesuusi boonoshi mulloona ishichii boonoshi gaboon ariiꞌi, “Ittoshi mulloona amoyich ebin shalligiyote?

Luqaasi 5:22 ပူးပေါင်းရင်းမြစ်များ

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

Shoddo 139:2

Ne, ta timonaa ta kotoonon ariihine; ta gaboo bullin wohoochaa ariihine.

Shaahiyoo 15:26

Gondeenaꞌochi gaboo Doono Yeer waanaa ciigeetone; tunebaani gaawe yibbaatoo biin emirikkiye.

Isiyaasi 66:18

Boonoshi shuunoonaa boonoshi gaboonon ta ariyaa beetoyich, aageteenaꞌonaa baribare noonoona yibbaateebeeti asheenaꞌonon kicoyich woyemmo taane; boonoshiyoo waaree ta oogoon beeggemminaꞌone;

Hiziqeeli 38:10

“ ‘Nuggishoo Doono Yeeri Googich ishichii beetone: Ebiyooba mooyon gabooch giyemmo neene; gonde yamoonoo yamemmo neene;

Maatiyoosi 12:15

Yesuusi boonoshi shalligoon ariiꞌi aroochee bare xaaꞌooch tiyii hammiye. Dofee asheenaꞌo biin dabbiꞌi hammiyeete; biiyechinaꞌo bullinoo wodiihe.

Maatiyoosi 12:25

Tunetaa Yesuusi boonoshi gaboon ariiꞌi boonoshich ishichiye: “Ikke taatee showooch beeti asheenaꞌo boonoshinaa boonoshina kaareꞌi shacegaata, are taatittine aallemmine. Wotta ikke katemooch woyee ikke kexooch beeti asheenaꞌo boonoshinaa boonoshina kaareꞌi shacegaata, are katemoo woyee are kexo neexeyaachemmone.

Maatiyoosi 9:4

Yesuusiyoo boonoshi shalligoon ariiꞌi ishichiye: “Ittoshi mulloona gonde mooyon amoyich gabiyote?

Maariqoosi 8:17

Ebich Yesuusi boonoshi gaboon ariiꞌi ishichiye: “Ittoshi ‘Kosho nooch aalletoyichiye’ iꞌi amoyichiye ittoshi yibbaateebeeto? And beddaahaa shalligaachote? Ittoshi mullooch giyaache? Ittoshi mullo xaqqoone?

Luqaasi 24:38

Biyoo “Ittoshi keqqiibeeto amoyichiye? Ittoshi mullo axiraacheebeeto amoyichiye?

Luqaasi 5:21

Areegaata Muusichi Sheeree dojjechinaꞌonaa Fariseenaꞌona “Ebi Yeerin naaggiibeeto konine? Ikke Yeeriyee damba ashi axaaxoon maaroon hakkemmo konine?” iꞌi gabiyeete.

Luqaasi 5:23

Ashittino qititi uroon ‘Ne axaaxoo maareetone’ getonaa ‘Tiyiree hambe’ getonoochee kettoo aabine?

Mishiraachechinaꞌo 5:3

Tunetaa Pheexiroosi ishichiye: “Hanaano, Yaafe Ayaanoyich kootiree showoon ne kemmeti gijjoochee ne qellich ne echiyemmoyich Sheexaanoon ne mullooch aakka giijjinne?

Hibireena'o 4:12

Yeerichi qaaro beeyechonaa shuunee beetonane; gutte baddaa gayireeti goraadoyee beshe acone; kashoonaa ayaanoonochi daggooch, achee quumee kocoonaa haashoonochi daggooch hottii giyiꞌi, boonoshi barbarimmi wottoon kochii beetone; mullee gaboonaa qaatoonon gaxxii barbariiꞌi nallii beetone.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.