Luqaasi 4:1 - Kafa Linguistics Project

¹ Arooba Yesuusi Yaafe Ayaanoona ceenniꞌi Yoordaanoosi aacoochee wottehe; Yaafe Ayaanoo barahooch biin daammiye.

Luqaasi 4:1 ပူးပေါင်းရင်းမြစ်များ

1 Taateenaꞌo 18:12

Neyee giishechoon ta wokkemmona, Doono Yeerichi Ayaano ta ariyaani xaaꞌooch neen daammemmone. Ebina hammaa Akaabich ta getaa, neen bi muccegaata, taan wuxemmone. Ne guuno ta, ta bushittinoochee tiijjaꞌa Doono Yeerin shattaabeeto taane.

1 Taateenaꞌo 19:4

Biyoo ikke heeyi gommon barahee daggoona hammiye. Aroochee ikke michi baatooch koteechii, “Doono Yeero, taach beddiye. Ta qaabbechinaꞌoyee beshaano taane. Ta kasheen daambe” iꞌi qollehe.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Hiziqeeli 3:14

Ayaano taan kaama tiijjiꞌi daammiye; tawoo caammeyoona, ippee gaameyoonoo hammo; Doono Yeerichi giidoo ta toommooch kupphehe.

Maatiyoosi 3:16

Yesuusi aacona bi afaalleetoyee gubb, bekkech aacoochee kechiye; areegaata shimaayoo [biichoo] qecheehe; aroochee Yeerichi Ayaano bi ashittinee halloo uggechoommon tuneꞌi, bi toommooch kindii kotoon beeggiye.

Luqaasi 2:27

Arooba Yaafe Ayaano malletetaa, tiyii hammiꞌi yaafee kexooch giyiye. Aroyee gubb Yesuusichi indeenaa Yooseefina Muusichi Sheeree doyoon biich ceechiya gaggeroo Yesuusin boonoshi giijjimmona,

Luqaasi 3:3

Ebich Yowannisi tiyiꞌi asheenaꞌon “Axaaxee gommoochee Yeer waan wotteree aacona afaalleebote; Yeeri ittoshi axaaxoon maaremmone” iꞌi dojjiibee Yoordaanoosi aachi guudooch beeti showoo bulliich hammiye.

Luqaasi 3:38

Henooshi bushoo, Seeti bushoo, Addaami bushoo, Yeeri bushoone.

Luqaasi 4:14

Yesuusiyoo Yaafe Ayaano immiti giidoona Galiilee showooch wottee hammiye. Bi shigo are showoo bulliich waayeehe.

Yowannisi 1:32

Daakkiꞌi ishichii miixehe: “Yeerichi Ayaano bi ashittinee halloo uggechoommon tuneꞌi shimaayoochee kindii bi toommooch bi kotoon beeggeto taane.

Yowannisi 3:34

Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.

Mishiraachechinaꞌo 10:38

Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.

Mishiraachechinaꞌo 8:39

Aacoochee boonoshi kechimmona, Doonochi Ayaano Filipphoosin diqqoona tiijjiꞌi daammiye. Uroo guttinnoon biin beegaanoone; emiriibee bi gommon yechiye.