Luqaasi 3:9 - Kafa Linguistics Project

⁹ And qofiyo mixinaꞌochi xepphooch kotetone; illa gaawe aafoon aafeyaani mixo bulli kucheree qaaqqooch duppeyemmone” iye.

Luqaasi 3:9 ပူးပေါင်းရင်းမြစ်များ

Hiziqeeli 31:18

“ ‘Faroono, ebi shaahiyoo bi bekkiibeeto neennaa dofee ne asheenaꞌononiye. Oogee yiiroonaa oogoona Edeni mixinaꞌoochee koni neen shaahehe? Tunebaani newoo wotta Edenee mixinaꞌona tookki deshi showooch kindemmo neene; goraadoona qititi dokireyaaneenaꞌochi daggooch qeyemmo neene’ iye Nuggishoo Doono Yeeri, gete” iye.

Daaneeli 4:14

Biyoo bi qaaroon oogichiꞌi ishichiye: ‘Ebi mixon qecceree dichibote; bi qaakkoon qendebote; bi waamonoo caabote; bi aafoonoo shacote. Ebin tuniyoona, bi yiirooch beeti cooxinaꞌonaa gijjeenaꞌona, bi qaakkooch beeti yoobbereenaꞌoo shace aallemmoyich tuniibote!

Daaneeli 4:23

“Taatoocho, ne ‘Mixon qecce dichiree aalliibote; tunebaani bi xugoon showooch qayote; bi guudoon xuuroonaa gooshoonoochee shuuneeti cuyoona cuyaa, mocee daggooch, gaddooch beebe. Shimaayoochee kindiibeeti doshoona (caagibanoona) shuxe. Shabaatte nato beshemmi wottoon kubbi cooxona tookki gaddooch beebe’ iibee shimaayoochee kinditi, quyecho tuneti yaafe maraakoon beeggehine.

Maatiyoosi 3:10

Andoo asho gonde mixon cammona waaxxii bi aalliyoommon, Yeeri biich deꞌa getaaneenaꞌon waaxiree aalliiya qannitone. Illa asho deꞌe aafoon aafeyaani mixo bullin kuxxiꞌi qaaqqee daggooch bi dufoommon, Yeeriyoo boonoshin ebiyoommon duppemmone.

Maatiyoosi 7:19

Deꞌe aafoon aafeyaani mixo bullin kuxxii qaaqqooch duppiyeete.

Luqaasi 13:6

Yesuusi ebi shaahiyoon ishichiꞌi gettiye: “Ikke uroyich bi bechiti meeti woyinee goyee daggooch becheeti ikke balaasee mixi beehan. ‘Are balaaseech aafo beeyemmone’ ii hammiꞌi amoonolla muccehe.

Luqaasi 13:7

Biyoo woyinee goyee quyechon ‘Hini balaasee mixiichee aafoon daneya besheti keejje naton bi aafemmi goorooch shaꞌaabee amoonolla daneyaano taane. Kuxiree baye; amee naboyichiye gamini xaaꞌoon baad yechaa bi duubiibeeto?’ iye.

Luqaasi 13:9

Gubbich bi aafegaata, beebuye. Qajjaa bi mawigaata, arooba kuchebuye’ iꞌi gettiye” iye.

Yowannisi 15:6

Koniyoona taanna beetaano bi tunegaata, kuxxii maaxooch dufaa shuuqqiibeeti ateenaꞌoommon tunemmone; boonoshinoo kiciree qaaqqooch duppemminaꞌone; michishoo gettemminaꞌone.

Hibireena'o 10:28

Muusichi Sheeroon qallayiti asho gutte woyee keejje miixoo bi toommooch bi miixegaata, ariqqaalloon qitii beetone.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.